Levítico 23:37 - La'aqtaqa Ñim Lo'onatac 'Enauacna 2013

³⁷ Qaq 'ena na laloxoquipi na naponaxacpi da ivita da qaỹo'oxoren Ñim Nataxala'. Ỹoqo'oye qami', nache qauo'oche qome ne'ena naponaxacpi, qataq nache huetoigui da qami' qaỹa'añiiua'a Ñim Nataxala' aca qarachetaqtaxanaqchepi qaỹavigaxatta, qataq aca nachetaqtaxanaqte nañiguishe ala, qataq aca laỹe nachetaqtaxanaqtepi qataq ca nachetaqtaxanaxat lataxa, nache ỹataqtac ye laloxoqui camaye da qaỹo'ot.

Levítico 23:37 Referans Kwoze

Levítico 23:2

«Qonapega qome na Israel le'ecpi da 'ena na laloxoquipi na naponaxacpi maye ỹalamaxat, qaq qami' qauo'oche qome ne'ena naponaxacpi da yaqto' Aỹem qavio'oxoyiñi. Aỹem Nataxala' maye llapaxañi damaye.

Levítico 23:4

Qaq 'ena na laloxoquipi qome da qauo'oche na naponaxacpi da yaqto' Aỹem qavio'oxoyiñi, Aỹem Nataxala'. Ỹoqo'oye qauo'oche qome ne'ena naponaxacpi.

Eclesiastés 3:1

'Enauac nam huetalec ana 'alhua, huo'o ye laloqo', huo'o ye laloqo' da yo'oq 'enauac namayepi:

Levítico 23:38

Qaq 'ena 'enauac na naponaxacpi maye qauo'oche, qalaxaye nataqa'en qauallecñiiuo ye na'a'q mataxaqui da qavio'oxoyiñi Ñim Nataxala', qataq qaỹa'añeeuo aca laỹepi qarachetaqtaxanaqche da huo'o ca ỹan ca la'aqtac, qataq ca maiche chegoqchigui da huo'o ca ỹan.

Levítico 23:44

Qaq 'era da 'eetec so Moisés, da da'aqtaxanem so Israel le'ecpi na laloxoquipi so naponaxacpi maye lapaxañi Ñim Nataxala'.