Levítico 23:34 - La'aqtaqa Ñim Lo'onatac 'Enauacna 2013

³⁴ «Qonapega qome na Israel le'ecpi, qoneta': Nachesota qome se'eso ca'agoxoic siete, da ivita ca na'a'q quince, nache ivittrec qome caua siete na'axa'te da qauo'oche ca naponaxac, qataq qoñiỹaigui ca npe'lpi qo'oipaq lcouepi, da yaqto' qavio'oxoyiñi Ñim Nataxala'.

Levítico 23:34 Referans Kwoze

Juan 7:2

Qalaxaye mashe saqaỹapeque so naponaxac maye ivittre'c soua siete na'axa'te maye laloxoqui' da qanayenaiguilo naua qaỹa'ara'a't npe'lolqa qo'oipaq lcouepi.

Nehemías 8:14

Nache qailalec da Ñim Nataxala' ỹamaxalec co'ollaxa so Moisés da ivittec da huaigui so ño'oxonnataxanaxac se'eso ca'agoxoic siete, nache so Israel le'ecpi iuen da naigui so nauecañi nỹecpiolec.

Esdras 3:4

Ime, nache ỹo'ot so lquia'axac maye naigui da iuennate co'ollaq netaigui so nauecañi nỹecpiolec da yaqto' ipacchiguilo naua nanettrañi nqataxaco. Nache ỹaneuo so lachetaqtaxanaxatpi maye ỹaneuo ye na'a'q,

Números 29:12

Qaq ca na'a'q quince que'eca ca'agoxoic siete, nache qami' qauo'oche qome ca ỹo'oxoraq qaraponaxaqui. Qaq que'eca na'a'q qaica qome ca qauo'oche na no'onatacpi. Nache siete na'axa'te da qauo'ocheetac que'eca ỹo'oxoraq naponaxac da qavio'oxoreñi Ñim Nataxala'.

Éxodo 34:22

Qataq qauo'oche ca qayo'oxonnataxanaxaqui da ivitalo caua na'axa'te maye huetoiguilo da qanqat ca la'auaxanec ala ca nañiguishec, qataq ca pa'atec da qanqat ye vi'i.

Juan 1:14

Qaq se'eso Na'aqtac qomi' hueta'agueta, 'eeta'am ca 'oonolec da shenaqta. Qataq qomi' sauanaqchigui da la'añaxac maye maiche lalamaxat som 'oonolec Llalec Ñim Lo'onatac 'Enauacna, cha'aye qomi' ỹachaxanalo 'enauac da lsoxoyec qataq da 'eesa lataxac.

Éxodo 23:16

Nataqa'en qauo'oche qome ca qaraponaxaqui da ivita da qanqache ca la'auaxanec ala ca qorañiguishequi maye qaỹa'añiilec ca qana'alhuai, qaq nache 'ena'am da ivita da qanqache ca pa'atec ala 'enauac cam qorañiguishequi que'eca vi'i.

Hebreos 11:9

So Abraham, souaxat da ỹataqta lta'araic da lpi'iỹaxac Ñim Lo'onatac 'Enauacna, nache 'eeta'am ca ỹaqa'a ca chegaqa'ague co'ollaq netalec ye 'alhua maye Ñim Lo'onatac 'Enauacna ỹachaxanapecot co'ollaxa somaye. Qaq somaye netaigui so lpe'l 'eeta'ama da 'eete'c co'ollaxa soua Isaac qataq so Jacob maye nataqa'e'n Ñim Lo'onatac 'Enauacna ỹachaxanapecoto co'ollaxa yi'iye 'alhua.

Hebreos 11:13

'Enauac se'eso shiỹaxauapi maye sa'axataqtac somayepi choche ivitta'a da ileu da saishet da ỹaconeguet cam chegoqo'ot Ñim Lo'onatac 'Enauacna maye ỹachaxanapeguem. Qalaxaye somayepi souaxat da huo'o da lpi'iỹaxac Ñim Lo'onatac 'Enauacna, nache ilota'a cam talec somayepi da ñaq qaỹoqta. Qalaxaye nache 'ena'am ỹataqta huo'o da ntonaxac, cha'aye somayepi ỹaỹaten da huetalec ana 'alhua qalaq 'eeta'am da ỹaqa'a ca chegaqa'ague da choche cara'ac da hueta'a anamaye.

Levítico 23:33

Ñim Nataxala' 'enapega so Moisés, 'eeta':

Levítico 23:42

Qaq 'enauaque que'ecaua siete na'axa'te, da qami' Israel le'ecpi, qoñiitaigui qome ca npe'lpi qo'oipaq lcouepi,

Levítico 23:43

yaqto' 'enauac ca qaỹa'alquipi ỹaỹateeta da Aỹem so'ot da qoviito'ot co'ollaxa na npe'lpi qo'oipaq lcouepi co'ollaq qami' ñeqateeguesopa ye Egipto. Qaq 'era da ỹa'aqtac, Aỹem Nataxala' maye Qanatamnaxala'ai.»

Deuteronómio 16:16

Qataq 'enauac na ỹalleppi, ye 'oonolec vi'i nache tres da ỹe'eguelaxalec da nachaateua'a ca lca'ateua'a lanataqa' Ñim Nataxala' maye Qanatamnaxala'ai, da yaqto' qaỹo'ot ca naponaxac maye laloxoqui da qanallec aca nauole maye qaca aca lalecte maye ỹasheeraxachigui, qataq ca naponaxac maye huetoigui da qanqat ca la'auaxanec ala ca nañiguishec, qataq ca laloxoqui da qanayenaigui na npe'lpiolec qo'oipaq lcouepi. Qalaxaye qaica qome ca nachaateua'a Ñim Nataxala' da qaica ca ỹanot Ñimaye.

Deuteronómio 31:10

nataqa'en ỹanem dam lamaxasoxonaxac, 'eeta': «Da ivita ca vi'i siete, maye huaigui naxa da qaỹapalaxat ana navigaxaistepi, qataq huetoigui da qanayenaiguilo naua npe'lolqa qo'oipaq lcouepi,

1 Reyes 8:2

Qaq nache 'enauac so Israel le'ecpi, taua'a co'ollaxa so laponaxac so nta'a Salomón, qaq se'eso naponaxac huetoigui so laloxoqui da qanayenaigui naxa na npe'lpi, maye huaigui so ca'agoxoic Etanim, maye nacheso so ca'agoxoic siete se'eso vi'i.

1 Reyes 8:65

Qaq se'eso na'a'q, so Salomón qataq 'enauac so Israel le'ecpi, qataq so qalota shiỹaxauapi maye chegaqa'alo naua lỹa't 'aleu', chegoqchiguiña ye ñegueuo ye Jamat ivitta'a som la'auaxac maye huaña ye Egipto, nache 'enauac somayepi taỹa se'eso naponaxac maye huaiguilo soua siete na'axa'te, ime nache qaltaq qanayecoto soua lỹa't siete na'axa'te, qaq da ima'a't nache ivi' catorce na'axa'te se'eso naponaxac.

1 Reyes 12:32

Qaq so Jeroboán, nataqa'en ỹo'ot co'ollaxa so laloxoqui da na'amqaanataxanaxac, huetoigui naqa'en so na'a'q quince so ca'agoxoic ocho, qaq 'eeta'am naqa'en so laloxoqui so na'amqaanataxanaxac maye huaña naxa ye Judá, qataq ỹo'ot so lachetaqtaxanaxat ỹachalec aso nca'atoxonaxalate. Qataq nache 'eeta'am naqa'en so huaña ye Betel, da ỹanot na lachetaqtaxanaxat som le'enaqtac huaca llalec. Nataqa'en ỹauo'o so ntaxaỹaxanaxanecpi da ilo'ogue se'eso atamnaqa' maye ỹo'ot somaye.

Ezequiel 45:25

Qaq nataqa'en ca naponaxac da qanayenaigui na Ña'axaquipi, maye qaỹo'ot naxa da ivireuga ye na'a'q quince ye ca'agoxoic siete, nache ivittre'c caua siete na'axa'te da ca nta'a ỹaategueuo ca nachetaqtaxanaxat da yaqto' qaỹapalaxat ca nasouaxashet, qataq 'eeta'a't naqa'en ye lcata ca ỹavigaxat shiguiỹacpi, qataq 'eeta'am naqa'en ye lcata aca nañiguishec ala, qataq ca aceite.