Levítico 23:28 - La'aqtaqa Ñim Lo'onatac 'Enauacna 2013

²⁸ Qataq saishet da qauo'oche ca camachaqca nam no'onatacpi que'eca na'a'q, cha'aye que'eca na'a'q laloxoqui da qaỹapalaxat ca nasouaxashet, nache qami', qaỹapalaxat ca qarasouaxashichi, huaña ye lanataqa' Ñim Nataxala' maye Qanatamnaxala'ai.

Levítico 23:28 Referans Kwoze

Zacarías 3:9

'Am Josué, ña 'aumeten nam coma' maye 'am sataxanot, namaye siete naua laỹel. Qaq nache Aỹem qome da sauo'o ca serelec namaye. Qaq ime qome nache huaigui ñaqa'en ca 'oonolec na'a'q da sapalaxat na lasouaxashetpi nam netalec ne'ena 'alhua.

Levítico 16:34

Qaq 'era da nache 'eetai' lataxac da qoyecỹaxaqui: Da nache 'oonolec da qauo'oche ye vi'i da yaqto' qaỹapalaxat nam ỹo'ot lle'etaxaloxosat na Israel le'ecpi.» Nache qaipacchigui da lamaxasoxonaxac Ñim Nataxala' maye ỹamaxalec co'ollaxa so Moisés.

1 Juan 5:6

So Jesucristo co'ollaq nvira ana 'alhua, nache qanachelaxangui na 'etaxat, qaq co'ollaq ileu, nache icolde'c soua ltago'q. Qaq som Saqcha'a La'añaxac Ñim Lo'onatac 'Enauacna, nacheso som da'aqtaxan, qaq 'enauac nam ỹa'axat Somaye ỹataqta 'eesa.

1 Juan 4:10

Da ỹoqta 'eesa nauotaxanaqtaic saishet da chegoqchiguilo qomi' da sauotaxac Ñim Lo'onatac 'Enauacna, nachaqrata da Ñimaye qomi' ỹauoteque. Ỹoqo'oye namaxa ana 'alhua So Llalec, da yaqto' ỹapalaxat na qarasouaxashetpi chegoqchigui da l-leuaxa.

1 Juan 2:2

Ñim Lo'onatac 'Enauacna ỹapalaxat na qarasouaxashetpi qataq 'enauac na lasouaxashetpi na shiỹaxauapi maye huetalec ana 'alhua, cha'aye So Cristo maiche chegoqtot da nañan da yaqto' qomi' ileualeguete.

Hebreos 10:14

Cha'aye 'oonolec so nachetaqtaxanaxat maye nacheso So Jesucristo da chegoqchigui da Ñim Lo'onatac 'Enauacna nalochiguiñi da lataxac naqa'en na lca'aguishecpi maye huotaique da ỹalecnoigui na nhuo' le'ecpi maye lalamaxatpi.

Hebreos 10:10

Ñim Lo'onatac 'Enauacna qomi' lca'agui'she, cha'aye So Jesucristo ỹalaxalec da 'eetapeguec Ñimaye co'ollaq qaiuaxaneuo, da ỹan da maiche lo'ocỹaxac da 'eeta'am naqa'en aca nachetaqtaxanaqte, qaq sa iuen da ỹe'eguelaxalec da nañan.

Hebreos 9:26

Qaq So Cristo taxa da nache 'eetec nataqa'en de'era, nache Somaye ỹe'eguelaqtalectaxa da ileu, chegoqchiguiña co'ollaq cheta'ague da ỹo'ot ana 'alhua Ñim Lo'onatac 'Enauacna. Qalaxaye ỹoqta 'eesa da nagui da mashe nayeeta'a ca loga'tna, nache So Cristo 'oonolec da nachaxan, nache sa iuen da ỹe'eguelaxalec da nañan. Somaye nachaxan qataq nañan da 'eeta'am aca nachetaqtaxanaqte maye qaỹavigaxatta da yaqto' Ñim Lo'onatac 'Enauacna ỹapalaxat 'enauac na qarasouaxashetpi.

Hebreos 9:12

Qaq So Cristo saishet da inoxoneua'a yi'iye ndaqa' da ỹanoto Ñim Lo'onatac 'Enauacna naua ltago'q ca shiguiỹac, nachaqrata da ỹaareuo naua maiche ltago'q qataq 'oonolec da pa'auo, qataq sa iuen da ỹe'eguelaqtalec da huenoxoneuo.

Daniel 9:24

Iuen qome da inoxonaqchetrec caua Setenta semanas nam 'arhuo' le'ecpi, qataq na qui'itta huaqta'a't nỹecpi maye 'aralamaxat, da yaqto' nache tachiguiña naqa'en da lle'etaxaloxo qataq da lasouaxashet, qataq yaqto' ỹaconeguet ca nchoxonnataguec souaxat nam qauempi, nache chochaq tatec qome naqa'en da na'ayiñi da nalochiguiñi lataxac, yaqto' ipacchigui qome som 'arauanaqchec qataq som 'ara'aqtaxanaxac, qataq da qaiqui'itaxat yem saqaishetapec.

Isaías 53:10

Cha'aye Ñim Nataxala' maiche lhuennataxac da ỹaneguet da nque'eenaxac somaye. Qaq somaye ye nañaalec na nasouaxashetpi, nache ỹataqta qaỹoqtec da nachaalataxac qaq ivira'a da ỹalectaigui na llalaqpi, qataq chegoqchigui somaye da ỹaỹamaqchiguiñi nam lapaxañipi Ñim Nataxala'.

Levítico 23:27

«Qaq ca na'a'q diez ca ca'agoxoic siete, camaye nache laloxoqui da qaỹapalaxat ca nasouaxashet. Nache que'eca na'a'q qauo'oche ca naponaxac lta'araic, qataq qanqouaqchichi, qataq qauavigaxache aca qarachetaqtaxanaqche da qaỹa'añiỹot Ñim Nataxala'.

Levítico 16:30

Cha'aye que'eca na'a'q, nache huetoigui da qaỹapalaxat ca qarasouaxashichi, qataq huaña ye lanataqa' Ñim Nataxala', da yaqto' qui'itta da qarataxaqui.

Levítico 16:33

nache ỹo'ot da lataxac da qui'itta naqa'en ñi npe'l qataq ye pa'auo maye netaña añi laỹe' naua aỹamaxataxaco, qataq añi nca'atoxonaxalate, qataq qaỹapalaxat nataqa'en na lasouaxashetpi ca ntaxaỹaxanaxanecpi, qataq 'enauac na Israel le'ecpi.