Levítico 23:24 - La'aqtaqa Ñim Lo'onatac 'Enauacna 2013

²⁴ «Qonapega qome na Israel le'ecpi, qoneta': Ca la'auaxanec na'a'q ca ca'agoxoic siete, camaye mataxaqui, qataq huetoigui da qauo'oche ca naponaxac lta'araic, qataq qaỹashiiyigui aca nasheerepi da yaqto' qaỹo'oxoren Ñim Nataxala'.

Levítico 23:24 Referans Kwoze

1 Corintios 15:52

Qaq ỹataqta nque'elaxatta qome de'era, 'eeta'am da 'oonolec nqachegoxoñi ca shiỹaxaua, qom qaỹa'axaỹa aca pa'atec nasheere. Qom qaỹasheeraxalecna, nache na leuaxaicpi nca'alec qanqa'en. Huaña, nache saishet da qaltaq ileu. Qaq qomi' maye sa'amaqtenaqtac So Cristo maye ñaq ñeca'alaqtauec qomi' qanaralaxa't.

1 Ts 4:16

Cha'aye Ñim Lo'onatac 'Enauacna qom 'enapega so lataxala' na lamaxashecpi piguem le'ecpi, nache sa'axasoxoỹa aca nasheere da ỹa'axat So Qarataxala' da huenoteeguesop na piguem, nache na da'amqaanataxan co'ollaq saxanaxa da ileu, nachena na la'auaxanec da nca'alec.

Levítico 25:9

Qaq ca na'a'q diez que'eca ca'agoxoic siete, nache huetoigui da qaỹapalaxat ca nasouaxashet, nache qami' qauashiiyigui aca nasheere peenaq lcoue, que'eca qoñiitaña qana'alhuai.

Salmos 98:6

Ỹataqta qauamaichiguiñi da qauo'onaxañiito'ot Ñim Nataxala' maye Nta'a, qauo'onaxañiita'ai' da l-lamaxa ana nasheerepi.

2 Crónicas 5:13

Nache somayepi 'enauac da nmasheguem da do'onaxaata'ai' aso lviquepi, ỹo'oxoreetac qataq ỹaatacot da na'achecỹaxac Ñim Nataxala'. Qaq somayepi co'ollaq nlamaxaren da do'onaxaata'ai' aso lasheerepi, simbalopi, qataq aso laỹepi nviquepi, nache do'onaxaato'ot Ñim Nataxala', 'eeta': «Qavio'oxoyiñi Ñim Nataxala', cha'aye Ñimaye soxoraic, qataq chochaq tatec da lauotaxanaqtaic.» Huaña co'ollaxa nache aso atamnaxaqui maye lalamaqte Ñim Nataxala', ỹataqta nlaqchigui so napalñi lo'oc.

Isaías 27:13

Qaq que'eca na'a'q qaỹashiiyigui qome aca nasheere, nache anac qome yem qaỹauega co'ollaxa ye Asiria, qataq yem qaỹauega co'ollaxa ye Egipto, nache huaña qome añi qui'itta qasoxonaxa maye naña ye Jerusalén da ỹo'oxoren Ñim Nataxala'.

Esdras 3:6

Qaq na'aictaxa da ñaq saxanaxa da ỹo'ot so lo'oxonaxala' aso atamnaxaqui, qaq nache chegoqchiguiña so la'auaxanec na'a'q so ca'agoxoic siete, nache se'eso nhuo' le'ecpi ỹaneuo aso lachetaqtaxanaqtepi maye qaỹavigaxatta da qoỹanot Ñim Nataxala'.

1 Crónicas 15:28

Qaq 'era da 'eetec da 'enauac so Israel le'ecpi ỹachetac aso laỹe' soua lqataxaco Ñim Nataxala', nache ỹa'alaqtai' da ntonaxac, qataq do'onaxaata'ai' da l-lamaxa ana peenaq lcouepi, qataq ana trompeetapi, qataq na natoviaxanatacpi lcat, qataq ana salteeriopi, qataq ana arpapi.

Levítico 23:23

Ñim Nataxala' 'enapega so Moisés, 'eeta':

Nehemías 8:2

Qaq nache so la'auaxanec na'a'q so ca'agoxoic siete, nache so ntaxaỹaxanaxanec Esdras, ndouga aso lmalate so nqataxacpi se'eso lapoota'a't ỹalleppi, 'alpi, qataq so ñaqpiolec qataq 'enauac so mashe ỹaỹaten da na'axaỹaxanaxac,

Salmos 89:15

Ỹataqta machiguiñi qome ca nhuo' le'ecpi, maye ỹaỹaten da 'am ỹo'oxoreetac 'Am Nataxala', qataq quetaigui nam 'are'eraxa,