Levítico 23:21 - La'aqtaqa Ñim Lo'onatac 'Enauacna 2013

²¹ Qataq nacheca que'eca na'a'q da huetoigui nataqa'en da qauo'oche ca naponaxac da yaqto' Aỹem qavio'oxoyiñi, qataq saishet da qauo'oche ca camachaqca nam qapa'atta no'onatacpi. Qaq 'era qome da nache 'eetai' lataxac da qoyecỹaxaqui, qataq cam qami' chegoxogueta, na'aictaxa ca pa'aigue ca qoñiitaña ana 'alhua.

Levítico 23:21 Referans Kwoze

Levítico 23:2

«Qonapega qome na Israel le'ecpi da 'ena na laloxoquipi na naponaxacpi maye ỹalamaxat, qaq qami' qauo'oche qome ne'ena naponaxacpi da yaqto' Aỹem qavio'oxoyiñi. Aỹem Nataxala' maye llapaxañi damaye.

Números 18:23

Qaq nachaqnata na leviitapi da huetague' qome na no'onatacpi ñi npe'l maye naỹonqa', qaq da huo'o ca ỹasouaxat, nache maiche nasouaxaala't. Qaq 'era da lataxac maye nache 'eetai' qome da ỹo'ottac ca 'am chegoxoguetpi. Qaq na leviitapi saishet qome da huo'o ca lalamaxat da ỹalectaigui na Israel le'ecpi.

Levítico 23:14

Saishet qome da qollequi aca nauole, huo'otaq aca ña lmala ala ca nañiguishec, huo'otaq aca nqachilliguishe, nato' qom ivita ca na'a'q da qaroiuo da qaỹa'añeeuo aca qarachetaqtaxanaqche. Qaq 'era qome da nache 'eetai' lataxac da qoyecỹaxaqui, qataq ca qami' chegoxogueta, na'aictaxa cam pa'aigue ca qoñiitaña ana 'alhua.

Levítico 23:4

Qaq 'ena na laloxoquipi qome da qauo'oche na naponaxacpi da yaqto' Aỹem qavio'oxoyiñi, Aỹem Nataxala'. Ỹoqo'oye qauo'oche qome ne'ena naponaxacpi.

Génesis 17:7

Da ñaỹamaxataxac maye so'ot da 'am ñaỹamaxate', qataq cam 'am chegoxoguetpi, damaye saishet qome da imeuo. Qaq Aỹem nache Aỹem 'anatamnaxala' qome, qataq cam 'am chegoxoguetpi.

Isaías 11:10

Qaq qom ivita que'eca na'a'q, nache aca llaxataxa se'eso lpa'a' maye nacheso so Jesé, nachaañi qome 'eeta'am da la'anaqte na nhuo' le'ecpi, nache na ỹotta'a't shiỹaxauapi jec qome da nmittaique, qaq cam hueta'a camaye qalaq ỹataqta huo'o qome da llo'oxoyec.

Deuteronómio 16:11

Qataq qauamaichiguiñi qome, ỹauaachigui qanqa'eñi Ñim Nataxala' maye Qanatamnaxala'ai, qataq huaña ca lca'ateua'a da lanataqa', nache qaualliquiita'aguet nam qaỹa'alquipi, qarlataquipi, leviitapi, qataq na chegaqauecpi, saploqpi qataq ana pa'aipi maye qami' netaiguilo.

Levítico 23:7

Nache ca la'auaxanec na'a'q, nache qauo'oche ca naponaxac da qaỹo'oxoren Ñimaye. Qataq saishet da qauo'oche ca camachaqca no'onatac.

Levítico 3:17

Qaq 'era qome da nache 'eetai' lataxac da qoyecỹaxaqui, qataq ca qaỹa'alquipi, qataq cam qami' chegoxogueta, na'aictaxa ca pa'aigue ca qoñiitaña ana 'alhua, qalaq saishet qome da qollequi ca lcheta qataq ca ltago'q ca shiguiỹac».

Levítico 23:20

Qaq ca ntaxaỹaxanaxanec, nache ỹaayishegue'm da ỹaareuo que'ecaua qagueta llalqa, da nachetaqtaxanaqa'ate da huaña ye lanataqa' Ñim Nataxala', qataq lỹateuo naqa'en aca nauole 'ayiiña maye chegaqaigui aca la'auaqteguishe ala ca nañiguishec, qataq caua dos qagueta llalqa. Nache ỹanoto Ñim Nataxala'. Ime, nache taỹot ca ntaxaỹaxanaxanec.

Levítico 23:25

Qaq ỹoqo'oye qauavigaxache qome aca qarachetaqtaxanache da qaỹa'añiỹot Ñim Nataxala', qataq saishet da qauo'oche ca camachaqca nam qapa'atta no'onatacpi».

Éxodo 27:21

Qaq so Aarón qataq soua llalqa nache huapegueto da yaqto' nache 'eetai' da 'ettaigui ye na'a'q qataq ye pe aca ncoỹaraxanaxaquipi maye netaña ca pa'aueegue da laỹe ca netaña aca laỹe' caua aỹamaxataxaco. Qaq 'era qome, da nache 'eetai' lataxac da ipacchigui da ỹo'ot na Israel le'ecpi, qataq cam chegoxoguetpi qome».

Levítico 23:31

Nache qaica qome ca qauo'oche nam no'onatacpi. Qaq 'era qome da nache 'eetai' lataxac da qoyecỹaxaqui, qataq cam qami' chegoxogueta, na'aictaxa ca qoñiitaña ana 'alhua.