Levítico 23:18 - La'aqtaqa Ñim Lo'onatac 'Enauacna 2013

¹⁸ Qaq que'ecaua nauole, nache lỹatreuo qome qanqa'eñi caua siete qagueta llalqa, maye ivi' ca 'oonolec vi'i qataq qaica ca lque'emaxa, qataq ca 'oonolec huaca, qataq caua dos qagueta, nache qanpa'axatchegue'm da qaỹachalec añi nca'atoxonaxalate maye huetalec aca nachetaqtaxanaqte qaỹavigaxatta, lỹateuo aca nachetaqtaxanaqte ala ca nañiguishec qataq ca nachetaqtaxanaxat lataxa, nache qaỹavigaxat, yaqto' da ama laitaỹaxac ỹamaateguet Ñim Nataxala'.

Levítico 23:18 Referans Kwoze

Levítico 7:13

Qaq aca nachetaqtaxanaqte maye qanhuaachigui, nache lỹateuo qanqa'en da qoỹaneuo aca nachetaqtaxanaqte nauole maye huo'o aca lalecte maye ỹashiiyigui naqa'en ca ndaqñiguishec.

Levítico 23:17

qataq ñi 'oonolec irouo caua dos lauole maye chegaqaigui ca ỹataqta no'on 'ayiiña maye lalegue ca ỹasheeraxachigui ca ndaqñiguishec, maye ivi' cuatro kilos añi 'oonole, da yaqto' nachetaqtaxanaqte la'auaqteguishe ala ca nañiguishec da qoỹanot Ñim Nataxala'.

Levítico 23:19

Nataqa'en qaỹa'añeeuo ca 'oonolec quetaq da qarachetaqtaxanaxache maye sa imauaq da qaỹavigaxat, qataq caua dos qagueta llalqa maye ivi' ca 'oonolec vi'i, da nachetaqtaxanaxat maye qanhuaachigui.

Levítico 1:3

Nache que'eca shiguiỹac maye ỹaneuo da lachetaqtaxanaqte da qaỹavigaxatta, da huo'otaq huaca, nache ỹauota'a ỹale, qataq qaica ca lque'emaxa yaqto' ỹaỹamaxareeta Ñim Nataxala'. Ime, nache iroua'a ye ñegueuo ñi npe'l maye huaña naxa da qanauane' Ñimaye.