Levítico 23:17 - La'aqtaqa Ñim Lo'onatac 'Enauacna 201317 qataq ñi 'oonolec irouo caua dos lauole maye chegaqaigui ca ỹataqta no'on 'ayiiña maye lalegue ca ỹasheeraxachigui ca ndaqñiguishec, maye ivi' cuatro kilos añi 'oonole, da yaqto' nachetaqtaxanaqte la'auaqteguishe ala ca nañiguishec da qoỹanot Ñim Nataxala'. Gade chapit la |
Qaq somayepi nacheso som saishet da ỹo'oxoreetac nam qanatameetacotpi maye choche ne'enaqtacpi qataq saq 'en qataq saishet da sa ỹalaxaguet Ñim Lo'onatac 'Enauacna; 'enauac somayepi ca'attague' ñi Qagueta Llalec cam dataigue, qataq qanca'alaxatec somayepi da yaqto' la'auaxanec nachetaqtaxanaxat da qoỹanot Ñim Lo'onatac 'Enauacna qataq ñi Qagueta Llalec,
Qaq saishet da nachaqanata anamaye da huo'o da nqui'ic, cha'aye nataqa'en qomi' huo'o da qanque'eenaxac, qomi' maye qomi' hueta'agueta So Saqcha'a Na'añaxac Qui'itta som la'auaxanec qataq la'anaxat 'enauac cam qomi' ỹanema Ñim Lo'onatac 'Enauacna qome. Nagui da ñaq seuataqta'a Ñimaye da qomi' nanereleguete da ỹauo'oi qomi' llalqa qataq 'enauac da qomi' huesochiyiñi naqa'en, nache huo'o da qanqui'ic, qalaxaye ñe'emaxataqta.
Qaq que'ecaua nauole, nache lỹatreuo qome qanqa'eñi caua siete qagueta llalqa, maye ivi' ca 'oonolec vi'i qataq qaica ca lque'emaxa, qataq ca 'oonolec huaca, qataq caua dos qagueta, nache qanpa'axatchegue'm da qaỹachalec añi nca'atoxonaxalate maye huetalec aca nachetaqtaxanaqte qaỹavigaxatta, lỹateuo aca nachetaqtaxanaqte ala ca nañiguishec qataq ca nachetaqtaxanaxat lataxa, nache qaỹavigaxat, yaqto' da ama laitaỹaxac ỹamaateguet Ñim Nataxala'.
Nataqa'en ñasataxagui da seroxoua'a so laponqa' so nallec maye naña aso atamnaxaqui maye lalamaqte Ñim Lo'onatac 'Enauacna, so qarachetaqtaxanaxat la'auaxanec 'ayiiña, qataq aso la'auaxana ala aso qo'oipaqpi, lataxa, qataq so aceite, da yaqto' qoỹanem so ntaxaỹaxanaxanecpi. Nataqa'en ñasataxagui da sanaxam so leviitapi aso diezmo maye chegaqaigui na ala so qorañiguishecpi. Cha'aye nacheso somayepi so laỹootega't naxa 'enauac ana qarachetaqtaxnaqte naua souaqta'alo qaro'onataxanaqa'te.