Levítico 23:13 - La'aqtaqa Ñim Lo'onatac 'Enauacna 2013

¹³ Nataqa'en qaroiuo ca cuatro kilos ca ỹataqta no'on 'ayiiña maye qairaqneguet ca aceite, yaqto' qoỹanot Ñim Nataxala' da nachetaqtaxanaxat maye qaỹavigaxat, yaqto' da ama laitaỹaxac ỹamaateguet Ñim Nataxala'. Qataq qaroiua'a nataqa'en aca 'oonole laỹe' ca lataxa da nachetaqtaxanaxat maye qaicoraxana.

Levítico 23:13 Referans Kwoze

Joel 2:14

Cha'aye saiuena'a da huo'o ca ntogotaxac nache qami' ichoxore'n, nache qami' taleguete naqa'en ca lqouagaxanaqtaic, nache huo'o naqa'en ana ala na nañiguishec da yaqto' nachetaqtaxanaqte, qataq na lataxa da yaqto' qoỹanot Ñim Nataxala' maye Qanatamnaxala'ai.

Joel 1:13

Qaq qami' ntaxaỹaxanaxanecpi qaỹa'añiiñi na sa nsatta nogoxot, qami' maye qoviitague' añi nca'atoxonaxalate, ña qanoỹiñi, cha'aye añi atamnaxaqui maye lalamaqte Ñim Nataxala', mashe qaca ana nachetaqtaxanaqtepi ala na nañiguishec qataq na lataxa.

Joel 1:9

Qaq nache 'eetec nataqa'en da nỹeetac na ntaxaỹaxanaxanecpi, souaxat da añi atamnaxaqui mashe qaca aca nachetaqtaxanaqte ala na nañiguishec, qataq lataxa da yaqto' qoỹanot Ñim Nataxala'.

Ezequiel 46:14

Qaq nataqa'en ye nte'eta nache qoỹanot qome Ñim Nataxala' da nachetaqtaxanaxat ca siete litros ca nañiguishec ala, qataq ca un litro ca aceite, cam qaicorelec qome ca 'ayiiña. Qaq 'era da qalapaxañi lataxac maye qaỹamaxasoxoolec, qaq damaye chochaq tatec qanqa'en.

Ezequiel 45:24

Qaq ñi 'oonolec huaca llalec, qataq ñi 'oonolec qagueta lhuaraic, nache qaỹauaxaỹaxaneguet qome ca veinte litros ala na nañiguishec, qataq tres litros y medio ca aceite.

Ezequiel 4:11

qaq nataqa'en 'auauo'o ca ỹoqta laloqo' da 'anỹomgui ca saq 'amaqtaq 'etaxat.

Números 28:10

Qaq 'eca ca nachetaqtaxanaxatpi qaỹavigaxatta, ye na'a'q mataxaqui, qataq aca nachetaqtaxanaqte qaỹavigaxatta maye, nache 'eetai' da qaỹo'ottac 'enauaque naua na'axa'te huaqta'aguet qanqa'en ca lataxa.»

Levítico 14:10

Qaq da ivireuga ca na'a'q ocho, nache camaye ỹaconeua'alo caua dos qagueta llalqa maye qaica ca lque'emaxa, qataq aca 'oonolec qagueta llale maye ñaq 'oonolec vi'i, qataq ca seis kilos y medio ca ỹataqta no'on lsoche na ala na nañiguishec, da yaqto' lachetaqtaxanaqte maye ndaqñiguishec lalegue ca aceite, qataq ca ỹaqauga laỹolec ca aceite.

Levítico 6:20

«Qaq da ivita ca na'a'q da qoỹanaguilo da lo'onataxanaxa'c ñi Aarón qataq ñeua llalqa, nache ñiimaye ỹaarot qome Ñim Nataxala' ca lachetaqtaxanaxa't, ỹauotra'a dos kilos ca lsoche ana ala ca nañiguishec, nache ỹaareuo ca 'oonolec laỹe ca nte'eta, qaq ca lỹa laỹe qalaq ỹaareuo ca avit. Qaq 'era da 'eetra'ac qome 'enauaque naua na'axa'te.

Éxodo 30:24

qataq seis kilos ca casia, qataq ca seis litro ca aceite. Qataq nache ipacchigui aca lasheue maye qoỹaneua'a ca npe'l.

Éxodo 30:9

Qataq aca'aca nca'atoxonaxalate saishet qome da 'auachalec da 'auavigaxat ca nchenaxanaxat maye qaỹachegoxotauec, qataq da 'auachalec aca nachetaqtaxanaqte maye 'auavigaxatta, huo'otaq aca nañiguishe ala, huo'otaq da 'aucorelec ca nachetaqtaxanaxat lataxa.

Levítico 23:12

Qaq que'eca na'a'q maye huaigui da qaỹa'añeeuo aca'aca naqta, nache nataqa'en qaỹa'añeeuo ca 'oonolec qagueta llalec maye ivi' ca 'oonolec vi'i, qataq qaica ca lque'emaxa, da yaqto' qarachetaqtaxanaqche qaỹavigaxatta da qoỹanot Ñim Nataxala'.