Levítico 23:11 - La'aqtaqa Ñim Lo'onatac 'Enauacna 2013

¹¹ Qaq ca lỹa na'a'q que'eca na'a'q mataxaqui, nache ca ntaxaỹaxanaxanec ỹaasheguem da ỹanot Ñim Nataxala' da nachetaqtaxanaqte, yaqto' qaỹaỹamaxareeta.

Levítico 23:11 Referans Kwoze

Éxodo 29:24

Nache 'enauac 'anem ñi Aarón qataq ñeua llalqa yaqto' ỹaayeshegue'm da ỹanot Ñim Nataxala'.

Levítico 10:14

Qaq aca'aca lachetaqtaxanaqte na Israel le'ecpi maye qanhuaachigui, ca ltogue lapat maye qoỹaasheguem da qoỹanot Ñim Nataxala', qataq ca ltele'eta maye qaralamaxache da qollequi, camaye nache huaña ye qaiỹotauga da qarquia'aqa'ai, 'am qataq ca 'aỹa'alaqpi ỹalleppi, qataq ca 'alpi.

Levítico 9:21

Qalaxaye so ltogue lapat qataq aso lleegue aloiguishe, ỹa'auaxaañi da ỹaasheguem da ỹanot Ñim Nataxala', nache ipacchigui da lamaxasoxonaxac Ñim Nataxala' maye ỹamaxalec co'ollaxa so Moisés.

Éxodo 28:38

Qaq camaye nache latapshec 'anqa'en ñi Aarón, cha'aye ñi Aarón nacheñi ñi ỹaneuo qome na nasouaxashetpi da yaqto' qaỹapalaxat. Yaqto' Ñim Nataxala' ỹaỹamaxareeta aca lachetaqtaxanaqtepi na Israel le'ecpi.

Levítico 23:10

«Qonapega qome na Israel le'ecpi da ivita da qaunoxoñeeua'a ye 'alhua maye qami' sanema qome, nache da ivita da qanqache ca ala ca trigo, nache qaroiua'a qome ca ntaxaỹaxanaxanec aca 'oonole hua'auchiguiñi naqta que'eca nqateguishec.

Levítico 23:12

Qaq que'eca na'a'q maye huaigui da qaỹa'añeeuo aca'aca naqta, nache nataqa'en qaỹa'añeeuo ca 'oonolec qagueta llalec maye ivi' ca 'oonolec vi'i, qataq qaica ca lque'emaxa, da yaqto' qarachetaqtaxanaqche qaỹavigaxatta da qoỹanot Ñim Nataxala'.

Rut 1:22

Qaq 'era da 'eetec co'ollaq ñe'eguelaq aso Noemí, chegoqchiguiña ye Moab, nnaictague' aso late Rut, maye Moab lashe. Qaq co'ollaq nvitra ye Belén, nache mashe qanqattac ana ala na cebada.