Levítico 22:8 - La'aqtaqa Ñim Lo'onatac 'Enauacna 2013

⁸ Qataq saishet qome da chec ca lapat ca shiguiỹac leuaxaic, huo'otaq ca lalaatac ca shiguiỹac maye dequi'iỹapec, ten qom saishet da qui'itta naqa'en da lataxac. Qaq 'era da ỹa'aqtac, Aỹem Nataxala'.

Levítico 22:8 Referans Kwoze

Levítico 17:15

Nache ca Israel le'ec huo'otaq ca chegaqauec, da chec ca lapat ca shiguiỹac leuaxaic, huo'otaq ca lalaatac ca shiguiỹac maye dequi'iỹapec, camaye iuen da iỹoi' caua alogo qataq nachel, qalaxaye camaye saishet da qui'itta ivitta'a da pe. Qaq da ime, nache qui'itta.

Éxodo 22:31

Qataq qami' maye qaiỹotaugalo da ỹataqta qami' ỹalamaqa'ate. Saishet qome da qollequi na lapat ca ltoc ca shiguiỹac maye dequi'iỹapec, nacherata da qauasaqaiỹot ca pioxoppi.»

Ezequiel 44:31

Na ntaxaỹaxanaxanecpi qalaq saishet qome da chec ca camachaqca maỹo, huo'otaq ca shiguiỹac maye maiche ileu, huo'otaq ca icolaxattac co'ollaxa ca shiguiỹac maye dequi'iỹapec.

Deuteronómio 14:21

Qalaxaye saishet qome da qollequi ca shiguiỹac leuaxaic, nacherata da qaỹa'añim da chec ca chegaqauec maye qami' netaiguilo, huo'otaq qaumiñiỹot ca lỹa chegaqauec maye chochaq queuoxoic, cha'aye Ñim Nataxala' maye Qanatamnaxala'ai, qami' iỹotaugalo da ỹataqta qami' lalamaqa'ate, ỹoqo'oye saishet da qauallicñiiguet na lche' aca late'e, ca quetaq llalec da qaỹa'añiiuaq.

Levítico 7:24

Qataq ca lcheta ca shiguiỹac leuaxaic, huo'otaq ca lcheta ca shiguiỹac lalaatac ca lỹa shiguiỹac maye dequi'iỹapec, camaye nacherata da ishet da qaiuen da qaỹo'onataxana huo'otaq da huo'o ca macheca lỹa naigui qanqa'en, qalaxaye saishet qome da qollequi.

Ezequiel 4:14

Qaq huaña nache, sheeta': «'Agai, 'Am Nataxala' maye Ñatamnaxala', aỹem ỹataqta saỹauano' da sacootapigui ca nshepaxan, qataq saỹauano' da sachec ca lapat ca shiguiỹac leuaxaic, huo'otaq ca icolaxattac ca shiguiỹac maye dequi'iỹapec, qataq saỹauano' da she'eguen da sachec ca lapat nshepaxan.»

Éxodo 22:30

nache 'ena'am ca la'auaxanec llalec aca 'arelo huaca, qataq qagueta, qalaxaye 'aua'axaỹa'a da siete na'axa'te da neto'ot aca late'e, qaq ca na'a'q ocho nache Aỹem 'aỹa'anem.