Levítico 22:29 - La'aqtaqa Ñim Lo'onatac 'Enauacna 2013

²⁹ Qaq da huo'o ca ỹaneuo aca lachetaqtaxanaqte da ỹanot da na'achecỹaxac Ñim Nataxala', nache ỹaỹamaxatchiguiñi qome yaqto' ỹataqta qaỹaỹamaxareeta.

Levítico 22:29 Referans Kwoze

Salmos 116:17

Qaq ỹoqo'oye 'am sanot qome aca ỹachetaqtaxanaqte da so'ot ca ña'achecỹaxac, qataq seỹaxana qome da 'are'enaxat, 'Am Nataxala'.

Salmos 107:22

Qataq qaỹa'añiỹot ca qarachetaqtaxanaxache da qavio'oyiñi Ñimaye, qataq qauamaichiguiñi da qaua'axacheeuec na ỹo'otpi Ñimaye.

Amós 4:5

Qataq qauavigaxache aca nauole 'ayiiña maye qaica ca lalegue, da qarachetaqtaxanaqche da qaỹa'añi da qana'achecỹaxaqui, qataq qaua'axacheeuec anam qarachetaqtaxanaqche maye maiche qami' chegoqchiguilo da qaỹa'añeeuo, cha'aye nachera da ỹataqta qanqopichiỹa da qauo'oche qami' Israel le'ecpi. Qaq 'era da la'aqtac Ñim Nataxala'.

Hebreos 13:15

Da qarachetaqtaxanaxat maye samiaxai' Ñim Lo'onatac 'Enauacna, nachera da qana'achecỹaxac maye chochaq tatec da sanaqtacot Ñimaye, chegoqchigui So Jesucristo cha'aye mashe sasataxaguet da nacheso so 'oonolec Qarataxala'.

Oseas 14:2

Ña qavi'eguelaqaỹa qome Ñim Nataxala', qauacheetac da achoxonnaxac maye, 'eeta': «Ña 'auapalaxat qome nam qauempi maye so'otaq, nache 'auaconeguet qataq 'auamaateguet da qayo'oxonnataxanaxac maye 'am sanaqtacot.

Levítico 22:30

Qataq acamaye, nache qanallec que'eca na'a'q qataq saishet da huo'o ca no'onañi qanqa'en da yaqto' ivira'a ca lỹa na'a'q. Qaq 'era da ỹa'aqtac, Ayem Nataxala'.

Levítico 7:11

Qaq 'era da llec aca nachetaqtaxanaqte maye qanhuaachigui da qoỹanot Ñim Nataxala'.