Levítico 22:21 - La'aqtaqa Ñim Lo'onatac 'Enauacna 2013

²¹ Qaq da huo'o ca shiỹaxaua da ỹanot Ñim Nataxala' ca lachetaqtaxanaxat qanhuaachigui, huo'otaq souaxat da huo'o ca ỹan la'aqtac, huo'otaq ca lachetaqtaxanaxat maiche chegoqchigui da ỹan, nache camaye iuen da ỹaneuo ca huaca, huo'otaq qagueta qaica ca lque'emaxa da yaqto' qaỹaỹamaxareeta.

Levítico 22:21 Referans Kwoze

Números 15:8

Qaq da huo'otaq huaca llalec que'eca nachetaqtaxanaxat qaỹavigaxatta, huo'otaq da qanhuaachigui, da yaqto' qaipacchigui ca qoỹan na'aqtac, huo'otaq da qanmane' Ñim Nataxala'

Números 15:3

nache qaỹa'añeeuo qome aca qarachetaqtaxanaxache huaca, huo'otaq qagueta da qaỹavigaxat da qoỹanot Ñim Nataxala', huo'otaq ca lỹa nachetaqtaxanaxat maye qaỹavigaxatta, qataq da qaipacchigui ca qoỹan na'aqtac, qataq ca maiche qoỹaneuo, qataq ca nachetaqtaxanaxat maye ama da laitaỹaxac, da yaqto' ỹamaateguet Ñim Nataxala',

Levítico 3:6

Qaq da huo'o ca ỹaneuo aca qagueta huo'otaq quetaq da lachetaqtaxanaxat qanhuaachigui, nache ỹauota'a ca ỹale huo'otaq 'alo qataq qaica ca lque'emaxa.

Levítico 3:1

«Qaq da huo'o ca 'oonolec da qoñiita da ndouo aca lachetaqtaxanaqte, nache ỹauota'a aca huaca 'alo, huo'otaq ỹale da ỹanot Ñim Nataxala', da yaqto' qanhuaachigui, qalaxaye que'eca shiguiỹac iuen da qaica ca lque'emaxa.

Proverbios 7:14

«Aỹem san co'ollaxa so ỹa'aqtac, da saneuo ca ỹachetaqtaxanaxat qanhuaachigui, qaq nagui sepacchigui se'eso ỹa'aqtac.

Salmos 50:14

Ỹoqo'oye 'aỹa'anot qome da 'ana'achecỹaxac Ñim Lo'onatac 'Enauacna, qataq 'aupactelec ca 'aỹa'anot 'ara'aqtac Ñim Nataỹaña 'enauacna.

Génesis 28:20

Qaq nache huaña yemaye da so Jacob, ỹan so la'aqtac maye, 'eeta': «Da Ñim Lo'onatac 'Enauacna aỹem nnaictague', qataq aỹem ntela'a de'era ỹecỹaxac maye so'ottac, qataq da aỹem ỹanem ca anoq, qataq ca ỹogoxot,

Éxodo 35:29

Nache 'enauac so Israel le'ecpi, ỹalleppi, qataq so 'alpi, maye maiche lquiyaqteỹaxac da ỹaneuo aso lachetaqtaxanaqte, ỹanem co'ollaxa so Moisés da yaqto' qaỹo'ot 'enauac som damaxasoxoolecpi co'ollaxa Ñim Nataxala'.

Levítico 22:22

Saishet qome da ỹanot Ñim Nataxala' ca shiguiỹac sa nauaañi, huaỹoraxaic, qaica ca lỹa lapia', huo'otaq ca huo'o aca lquerela, huo'otaq quesaxaic, huo'otaq da nasheguem na lo'oc ana lhueta, nache saishet da ỹaneuo da yaqto' qaỹavigaxat da qaỹachalec añi nca'atoxonaxalate maye lalamaqte Ñim Nataxala'.