Levítico 22:20 - La'aqtaqa Ñim Lo'onatac 'Enauacna 2013

²⁰ qalaxaye saishet da que'emaxaic, cha'aye camaye saishet qome da qaỹaconeguet.

Levítico 22:20 Referans Kwoze

Deuteronómio 17:1

«Saishet qome da 'aỹa'anot Ñim Nataxala' maye 'Anatamnaxala' ca 'arachetaqtaxanaxat huaca, huo'otaq qagueta da huo'o ca lque'emaxa, cha'aye Ñimaye saisheteguet.»

Malaquías 1:8

qataq da saishet da qauem qanqa'eñi, da Aỹem qaỹa'añiỹot ca shiguiỹac maye tagoxoic, huo'otaq huaỹoraxaic, huo'otaq ca sano'on. ¡Qauesomiỹa qome, qaroiua'a nam qarta'ailpi! ¡Nache qauloichigui qome da huo'otaq namayepi ỹamaateguet nam qarachetaqtaxanaxache!»

Deuteronómio 15:21

Qaq da huo'otaq huo'o ca lque'emaxa que'eca shiguiỹac, da huo'otaq vi'iỹauo na lapia' huo'otaq sa nauaañi, huo'otaq da huo'o ca lỹa lque'emaxa, nache saishet da 'aỹa'anot Ñim Nataxala' da yaqto' 'arachetaqtaxanaxat.

1 Pedro 1:19

nachaqrata da desheetenaxanalo soua ltago'q So Cristo maye ỹataqta qaica ca 'ena'ama da lya'c. So Cristo co'ollaq qaỹalauat da qaiuaxaneguet so npe'enaxaqui, nache Somaye 'eeta'am ca qoỹaneuo nachetaqtaxanaxat qagueta llalec maye ỹataqta qaica ca lque'emaxa.

Hebreos 9:14

Qaq da 'enauac damaye da 'eesa da huo'o da la'añaxac, nache ỹactec qone' da la'añaxa'c naua ltago'q So Cristo. Cha'aye chegoqchigui som Saqcha'a Na'añaxac maye chochaq tatec, da So Cristo maiche nañanot Ñim Lo'onatac 'Enauacna da 'eeta'am aca nachetaqtaxanaqte maye qaỹavigaxatta qataq ỹataqta qui'itta. Qaq naua ltago'q, nachenaua naua chegoqchiguilo da qomi' qui'itte' qataq chegoqchiguilo da qaỹapalaxa't naua qarasouaxashe'ete qataq da yaqto' ishet da so'onataxanaqot Ñim Lo'onatac 'Enauacna maye nache 'eetai' da nca'altauec.

Levítico 22:25

Qataq saishet da qauacoñiiguet que'eca shiguiỹac que'emaxaic da qami' iroua'alo ca chegaqauec, da yaqto' nallec maye qoỹanot Ñim Qanatamnaxala'ai, cha'aye que'eca shiguiỹac que'emaxaic, saishet da qaỹaỹamaxaren.»

Levítico 1:3

Nache que'eca shiguiỹac maye ỹaneuo da lachetaqtaxanaqte da qaỹavigaxatta, da huo'otaq huaca, nache ỹauota'a ỹale, qataq qaica ca lque'emaxa yaqto' ỹaỹamaxareeta Ñim Nataxala'. Ime, nache iroua'a ye ñegueuo ñi npe'l maye huaña naxa da qanauane' Ñimaye.

Levítico 3:1

«Qaq da huo'o ca 'oonolec da qoñiita da ndouo aca lachetaqtaxanaqte, nache ỹauota'a aca huaca 'alo, huo'otaq ỹale da ỹanot Ñim Nataxala', da yaqto' qanhuaachigui, qalaxaye que'eca shiguiỹac iuen da qaica ca lque'emaxa.

Levítico 3:6

Qaq da huo'o ca ỹaneuo aca qagueta huo'otaq quetaq da lachetaqtaxanaxat qanhuaachigui, nache ỹauota'a ca ỹale huo'otaq 'alo qataq qaica ca lque'emaxa.

Números 19:2

«Aỹem Nataxala', 'era da san ỹamaxasoxonaxac, 'eeta': Qonapega qome na Israel le'ecpi da nauegueuo aca huaca tocalec da lo'oxoỹaxac, qataq qaica ca lque'emaxa, qataq saxanaxa da qaỹauegaxaalec.

Números 29:8

Nache qaỹa'añiiuo qome ca 'oonolec huaca llalec, 'oonolec qagueta lhuaraic, qataq caua siete qagueta llalqa maye ivi' ye 'oonolec vi'i, qataq qaica ca lque'emaxa da nachetaqtaxanaxat qaỹavigaxatta yaqto' da ama laitaỹaxac ỹamaateguet Ñim Nataxala'.

Ezequiel 45:18

Aỹem Nataxala' shenapec: ca la'auaxanec na'a'q, ca la'auaxanec ca'agoxoic, nache qami' iuen da qaỹa'añeeuo ca huaca llalec, maye qaica ca lque'emaxa da qarachetaqtaxanaxache, da yaqto' qaiỹouec na nasouaxashetpi da huaña añi atamnaxaqui.

Levítico 22:24

Qataq saishet da qoỹanot Ñim Nataxala' ca shiguiỹac maye que'emaxai naua l-la, huo'otaq qaiuaxanguilo, huo'otaq da qanqa't, qaicheguere'c. Qaq nache saishet qome da qauo'oche de'era ca qoñiitalec qana'alhuai.