Levítico 22:19 - La'aqtaqa Ñim Lo'onatac 'Enauacna 2013

¹⁹ nache iuen da qoỹaneuo ca shiguiỹac lhuaraic, qataq qaica ca lque'emaxa yaqto' qaỹaỹamaxareeta. Qataq ishet da huaca, huo'otaq qagueta huo'otaq quetaq,

Levítico 22:19 Referans Kwoze

Levítico 1:10

Qaq da huo'o ca ỹaneuo ca qagueta huo'otaq quetaq da lachetaqtaxanaxat qaỹavigaxatta, nache camaye ỹauota'a ỹale qataq qaica ca lque'emaxa,

Levítico 1:3

Nache que'eca shiguiỹac maye ỹaneuo da lachetaqtaxanaqte da qaỹavigaxatta, da huo'otaq huaca, nache ỹauota'a ỹale, qataq qaica ca lque'emaxa yaqto' ỹaỹamaxareeta Ñim Nataxala'. Ime, nache iroua'a ye ñegueuo ñi npe'l maye huaña naxa da qanauane' Ñimaye.

1 Pedro 3:18

Cha'aye So Cristo 'oonolec co'ollaxa da ileu, nache sa lỹa da ỹe'eguelaxalec da ileu, da yaqto' ỹapalaxat na qarasouaxashetpi. Somaye ỹataqta soxoraic qataq qaica ca lasouaxashet qataq huo'o da nque'eenaxac, souaxat na 'etaxaloxoicpi da yaqto' qami' qaviyeeta'a da qanauochaxauai Ñim Lo'onatac 'Enauacna. Som ỹalauatpi So Cristo, somayepi ilaxachigui da lo'ocỹaxac, qalaxaye Somaye nca'alec yaqto' taigui da lca'alaxa saqcha'a.

1 Pedro 1:19

nachaqrata da desheetenaxanalo soua ltago'q So Cristo maye ỹataqta qaica ca 'ena'ama da lya'c. So Cristo co'ollaq qaỹalauat da qaiuaxaneguet so npe'enaxaqui, nache Somaye 'eeta'am ca qoỹaneuo nachetaqtaxanaxat qagueta llalec maye ỹataqta qaica ca lque'emaxa.

Efesios 5:27

Yaqto' qom ivita da nachaalataxaneuo Somaye na 'amqaanataxanaxaicpi, qalaq ỹataqta huo'o da lyacỹaxac, qataq qaica ca lshepaxanaxa, huo'otaq ca 'eco' lvigaxataxa, huo'otaq ca lỹa 'eeta'am de'era. Nachaqrata da ỹataqta qui'itta qataq nalochiguiñi.

2 Corintios 5:21

So Cristo ỹataqta qaica ca lasouaxashet. Qalaxaye souaxat qomi', nache Ñim Lo'onatac 'Enauacna, 'eeta'am naqa'en ca 'etaxaloxoic, da yaqto' chegoqchigui Somaye da qomi' ỹaỹamaxareete' Ñimaye.

Juan 19:4

Nache so Pilato qaltaq pa'auec, nache 'enapego' somayepi, 'eeta': –Ña qauloỹa, nagui damaye ñeqatec yaqto' ishet da qauaỹaañita da aỹem qaica ca sanata lasouaxashet damaye.

Lucas 23:47

Nache so huataxanaq lta'a co'ollaq ỹauaachigui de'era, nache ỹo'oxoreetac Ñim Lo'onatac 'Enauacna, 'eeta': –Ỹoqta 'eesa da ñi'iñi ỹale qaica ca ỹasouaxat.

Lucas 23:41

Qomi' ỹoqta 'itchiguiñi dam qanque'eenaxac, cha'aye maiche sesheetenaqtac dam naigui nam so'otaqtacpi maye qauem. Qaq nam na' ỹale, qalaxaye saishet da huo'o ca ỹo'ot qauem.

Lucas 23:14

Nache 'enapega, 'eeta': –Qami' aỹem qanaviquiiua'a de'era ỹale, qoñiitega da nachera da ỹasouaxattega't na shiỹaxauapi. Qaq aỹem sogote da sechemaxattega damaye, qalaxaye saishet da huo'o ca sanata da 'eesa nam qauasaqaitapeguelec lasouaxashet damaye.

Mateo 27:54

Nache so huataxanaq lta'a maye Roma le'ec qataq som nalleppi maye nauaatalec So Jesús co'ollaq ỹauaachigui so nacholaxanaxa qataq nam laỹepi maye yo'oq, nache ỹataqta iviloxolaqchet da lcolanaxa. Nache somayepi 'enapeco': «¡Ñi'iñi ỹale ỹoqta 'eesa da Llalec Ñim Lo'onatac 'Enauacna!»

Mateo 27:24

Qaq so Pilato co'ollaq ila'a da saishet da ỹañoxot so shiỹaxauapi, nachaqrata da nquictasheguem somayepi da lliỹa't. Nache damaxasoxonaique so 'etaxat da qandoua'a, nache somaye ỹauaachigui naqa'en so shiỹaxauapi da iỹoi' naua lhua'q, nache 'enapeco': –Aỹem saishet da ỹasouaxashet da l-leuaxa de'era ỹale. Qami' maye qarasouaxashechi de'era.

Mateo 27:19

Qaq so Pilato co'ollaq ñaq nmittac de'era, nache aso lhua namaxai' da la'aqtac, 'eeta': «Saishet qome da 'aỹapegueua'a que'eca ỹale maye no'on da lataxac, cha'aye so pe ỹataqta qaica ca 'ena'am da lchec so ichoxonaxac, souaxat camaye.»

Mateo 27:4

nache 'eetega somayepi, 'eeta': –Aỹem huo'o da ỹasouaxashet hueto'ot Ñim Lo'onatac 'Enauacna, cha'aye saneguet da nalaataguec So Jesús, qaq Somaye qaica ca ỹasouaxat. Qalaxaye somayepi 'enapeco': –Aque', ¡Damaye saishet da saqtegueua'a! ¡Damaye maiche 'arasouaxashet!

Levítico 4:32

Qaq da huo'otaq ndouo ca qagueta que'eca shiỹaxaua, nache ndouo aca qagueta maye qaica ca lque'emaxa da lachetaqtaxanaqte maye sa imauaq da qaỹavigaxat.

Éxodo 12:5

Qaq que'eca shiguiỹac, camaye ỹale qataq ivi' qome ca 'oonolec vi'i, qataq ỹataqta qaica ca lque'emaxa, qagueta huo'otaq quetaq.

Hebreos 9:14

Qaq da 'enauac damaye da 'eesa da huo'o da la'añaxac, nache ỹactec qone' da la'añaxa'c naua ltago'q So Cristo. Cha'aye chegoqchigui som Saqcha'a Na'añaxac maye chochaq tatec, da So Cristo maiche nañanot Ñim Lo'onatac 'Enauacna da 'eeta'am aca nachetaqtaxanaqte maye qaỹavigaxatta qataq ỹataqta qui'itta. Qaq naua ltago'q, nachenaua naua chegoqchiguilo da qomi' qui'itte' qataq chegoqchiguilo da qaỹapalaxa't naua qarasouaxashe'ete qataq da yaqto' ishet da so'onataxanaqot Ñim Lo'onatac 'Enauacna maye nache 'eetai' da nca'altauec.

Levítico 21:18

Qataq saishet da ntaxaỹaxanaxanec ca huo'o ca lque'emaxa souaxat da sa nauaañi, huo'otaq huaỹoraxaic, huo'otaq sa ỹaỹamaq da lashiguiỹaxac, nache saishet da nachaateuo camaye.

Deuteronómio 15:21

Qaq da huo'otaq huo'o ca lque'emaxa que'eca shiguiỹac, da huo'otaq vi'iỹauo na lapia' huo'otaq sa nauaañi, huo'otaq da huo'o ca lỹa lque'emaxa, nache saishet da 'aỹa'anot Ñim Nataxala' da yaqto' 'arachetaqtaxanaxat.

Levítico 1:2

«Qonapega qome na Israel le'ecpi, da huo'o ca 'oonolec namayepi da Aỹem ỹanot ca lachetaqtaxanaxat shiguiỹac, nache ndouo ca huaca, qagueta huo'otaq quetaq.