Levítico 22:18 - La'aqtaqa Ñim Lo'onatac 'Enauacna 2013

¹⁸ «Qonapega qome ñi Aarón qataq na llalaqpi, qataq 'enauac na Israel le'ecpi, da huo'o ca Israel le'ec, huo'otaq ca chegaqauecpi maye netaigui namayepi, da ỹanot Ñim Nataxala' ca shiguiỹac da yaqto' lachetaqtaxanaxat qaỹavigaxatta, huo'otaq souaxat da huo'o ca qoỹan na'aqtac, huo'otaq aca nachetaqtaxanaqte maiche chegoqchigui da qoỹan,

Levítico 22:18 Referans Kwoze

Deuteronómio 12:6

Nache camaye nacheca qome ca qairoua'a ca nachetaqtaxanaxat qaỹavigaxatta, qataq ca nachetaqtaxanaxat shiguiỹac, qataq aca diezmopi, qataq aca maiche chegoqchigui da qoỹan, qataq ca la'auaxanec llalec ca 'atetpi, huacapi qataq aca qaguetapi.

Números 15:3

nache qaỹa'añeeuo qome aca qarachetaqtaxanaxache huaca, huo'otaq qagueta da qaỹavigaxat da qoỹanot Ñim Nataxala', huo'otaq ca lỹa nachetaqtaxanaxat maye qaỹavigaxatta, qataq da qaipacchigui ca qoỹan na'aqtac, qataq ca maiche qoỹaneuo, qataq ca nachetaqtaxanaxat maye ama da laitaỹaxac, da yaqto' ỹamaateguet Ñim Nataxala',

Levítico 1:2

«Qonapega qome na Israel le'ecpi, da huo'o ca 'oonolec namayepi da Aỹem ỹanot ca lachetaqtaxanaxat shiguiỹac, nache ndouo ca huaca, qagueta huo'otaq quetaq.

Hechos 18:18

Nache so Pablo ỹataqta huo'oi soua na'axa'te da hueta'a ye nỹecpi ye Corinto. Qaq co'ollaq ime, nache somaye ncoyeguene' so nqaỹañecpi, nache huenoteua'a aso notaxaqui maye quiguingui na 'etaxat da nqo'ona ye 'alhua Siria, lỹatac so Aquila qataq aso Priscila. Qaq somaye co'ollaq yaqta'a da ca'ai ye ñegaxasom Cencrea da huenoteuo, nache npetec na laue ỹataqta nmatta, cha'aye mashe ipacchigui cam la'aqtac maye ỹan co'olloxocheye.

Nahúm 1:15

¡Ña qanloisheguem! ¡Mashe anactalec ana qasoxonaxapi, nam namaxashec maye ndoi' cam no'on na'axaỹaxac, nam ỹa'axata'aguet cam nlagaxayec! Qaq ỹoqo'oye 'am Judá, 'auo'ot qome cam 'arquia'axac, qataq 'aupacchigui qome cam 'aỹa'an 'ara'aqtac. Cha'aye nache saishet qome da qaltaq 'am nnoxotaua'a nam qauemaicpi, cha'aye mashe imauec da nlachiguiñi.

Jonás 2:9

Qalaxaye aỹem, nache shecto'ot da 'am sho'oxoreetac, qataq 'am saatacot qome aca ỹachetaqtaxanaqte, qataq sepacchigui qome da so'ot na 'am sachaxanapeguempi. ¡Cha'aye nache 'amta 'Am Nataxala', da 'am chegoqo'ot da nca'alaxa!»

Jonás 1:16

Qaq co'ollaq ỹauaachigui de'era somayepi, nache ỹataqta lta'araic naqa'en da 'enec Ñim Nataxala', nache ỹauo'o aso lachetaqtaxanaqte da ỹanot Ñimaye, qataq ỹan da la'aqtac da nache 'eetai' da natameetacot.

Eclesiastés 5:4

Da huo'o ca 'auachaxanapecot Ñim Lo'onatac 'Enauacna, qaq sa 'anaỹaloxon da 'aupaqueelec, cha'aye Ñimaye saỹaỹamaxaren nam qaica ca ỹaỹaanapec. Qaq 'aupaqueelec qome cam 'auachaxanapec,

Salmos 116:18

Qataq sepacchiguilo qome naua ỹa'aqtaqa maye sanoto co'ollaxa Ñim Nataxala', ỹauaachigui ñaqa'en na nhuo' le'ecpi maye lalamaxatpi Ñimaye,

Salmos 116:14

Qataq sepacchiguilo qome naua ỹa'aqtaqa maye sanoto co'ollaxa Ñim Nataxala', ỹauaachigui ñaqa'en so nhuo' le'ecpi maye lalamaxatpi Ñimaye.

Salmos 66:13

Qaq senoxonoigui qome añi 'aralamaqte atamnaxaqui, nache 'am sanot aca savigaxat ỹachetaqtaxanaqte, yaqto' sepacchiguilo naua ỹa'aqtaqa maye 'am sanoto co'ollaxa,

Salmos 65:1

'Am Atamnaxala' maye qonetaña ye Sión, nache 'amta da 'aiguet da 'año'oxonnataguec, ỹataqta iuen da qaipacchigui na na'aqtacpi maye 'am qoỹanot,

Salmos 61:8

Yaqto' nache 'eetai' qome da so'ootac na no'onec, da sho'oxoren da 'are'enaxat, qataq sepacteleguete naua ỹa'aqtaqa maye san' 'enauaque naua na'axa'te.

Salmos 61:5

Cha'aye 'Am, Ñatamnaxala', 'am 'aua'axaỹalo co'ollaxa naua san' ỹa'aqtaqa, qataq aỹem 'aỹa'anem na 'auqataxaatapigui' da 'aỹa'anem, na huo'o naq 'enec naqa'en da 'are'enaxat.

Salmos 56:12

'Am Ñatamnaxala', na ỹa'aqtacpi maye 'am sanot co'ollaxa, namayepi sepacchigui qome da 'am sho'oxoreetac.

Salmos 22:25

Qaq nache 'am sachegoxotchigui da ỹo'oxonnataxanaxac, da salectaigui ca lta'araic laponaxac na shiỹaxauapi, nache ỹauaachigui ñaqa'en na huo'o naq 'enec naqa'en 'am, da sepacchiguilo naua ỹa'aqtaqa maye 'am sanoto co'ollaxa.

Deuteronómio 16:10

nache qauo'oche ca qaraponaxaqui que'ecaua na'axa'te da qavio'oxoreñi Ñim Nataxala' maye Qanatamnaxala'ai, qataq qaỹa'añiỹot aca qarachetaqtaxanaqche maye maiche chegoqchigui ñi 'oonolec da ỹan, qataq ca nalota'ai' ñi 'oonolec maye ỹachegoxotchigui da lqouagaxanaqtaic Ñim Nataxala'.

Deuteronómio 12:17

Qaq aca diezmopi maye chegaqaigui na ala ca trigo, lataxa, aceite, qataq ca la'auaxanec llalec aca qareloi huacapi, qaguetapi, qataq 'enauac ca maiche qami' chegoqchiguilo da qaỹa'añiỹot Ñim Nataxala', qataq camachaqca lỹa qarachetaqtaxanaxache maye chegaqaigui da qaro'onataxanaxaqui, saishet qome da qollequi da qoñiitaña ca qarmaye.

Levítico 23:38

Qaq 'ena 'enauac na naponaxacpi maye qauo'oche, qalaxaye nataqa'en qauallecñiiuo ye na'a'q mataxaqui da qavio'oxoyiñi Ñim Nataxala', qataq qaỹa'añeeuo aca laỹepi qarachetaqtaxanaqche da huo'o ca ỹan ca la'aqtac, qataq ca maiche chegoqchigui da huo'o ca ỹan.

Levítico 17:13

Nache da huo'o ca Israel le'ec huo'otaq ca chegaqauec maye qami' netaiguilo da ne'epe, nache da loxonec ca shiguiỹac, huo'otaq ca qoỹo maye ishet da qanallec, nache ỹa'auaxaañi da nqat na ltago'q ca loxonec. Ime, nache imeelec na 'alhua que'eca ntago'q,

Levítico 17:10

Qaq Aỹem, saishet da seshetaxateguet ca Israel le'ec, huo'otaq ca chegaqauec maye qami' netaiguilo, da chec ca lapat da ñaq huo'oi naua ltago'q, nache camaye so'orauec, ca'ai ñaqa'en ca lauo' le'ecpi.

Levítico 7:16

Qalaxaye da qoỹaneuo aca nachetaqtaxanaqte da huo'o ca qoỹan na'aqtac, huo'otaq aca nachetaqtaxanaqte maye maiche chegoqchigui da qoỹan, nache acamaye iuen da nache qanallec que'eca na'a'q maye huetoigui da qoỹaneuo, qaq ca no'onañi, nache ishet da qanallec ca lỹa na'a'q.

Levítico 1:10

Qaq da huo'o ca ỹaneuo ca qagueta huo'otaq quetaq da lachetaqtaxanaxat qaỹavigaxatta, nache camaye ỹauota'a ỹale qataq qaica ca lque'emaxa,

Éxodo 12:5

Qaq que'eca shiguiỹac, camaye ỹale qataq ivi' qome ca 'oonolec vi'i, qataq ỹataqta qaica ca lque'emaxa, qagueta huo'otaq quetaq.

Levítico 22:17

Ñim Nataxala' 'enapega so Moisés, 'eeta':

Amós 4:5

Qataq qauavigaxache aca nauole 'ayiiña maye qaica ca lalegue, da qarachetaqtaxanaqche da qaỹa'añi da qana'achecỹaxaqui, qataq qaua'axacheeuec anam qarachetaqtaxanaqche maye maiche qami' chegoqchiguilo da qaỹa'añeeuo, cha'aye nachera da ỹataqta qanqopichiỹa da qauo'oche qami' Israel le'ecpi. Qaq 'era da la'aqtac Ñim Nataxala'.

Malaquías 1:14

¡Ỹataqta qauem qome ca talec, cam datenataxan da Aỹem ỹachaxanapeguem ca lalo shiguiỹac no'oita, qaq ime nache Aỹem ỹanot cam shiguiỹac maye huo'o ca lque'emaxa! Aỹem maye Aỹem 'amaqtaqaic Nta'a, qataq Aỹem lcolanaxat na ỹotta'a't shiỹaxauapi.» Qaq 'era da la'aqtac Ñim Nataxala' maye Qaica ca Ỹaqalanapec.

2 Crónicas 31:14

Qaq som ilotague' so lasom maye pa'aỹa'ague da nala' lliguisheguem, som leviita maye chegoxoguet so Coré, som llalec aso Imna, somaye ilotague' aso nachetaqtaxanaqtepi maye maiche chegoqchigui ñi 'oonolec da ỹanot Ñim Lo'onatac 'Enauacna, qataq da imenec aso nachetaqtaxanaqtepi maye qoỹaneua'a Ñim Nataxala', qataq aso maiche lalamaqtepi Ñim Lo'onatac 'Enauacna.