Levítico 22:13 - La'aqtaqa Ñim Lo'onatac 'Enauacna 2013

¹³ Qalaxaye da pa'ai, huo'otaq qaỹalat, qataq qaica ca llalaqpi acamaye, qataq da ỹe'eguelaxa ca lma' ca lta'a, nache 'eeta'am da ñaq lamaxai, nache acamaye ishet da chec ca aloq ca lta'a. Qalaxaye ca shiỹaxaua maye saq chegoxoguet na ntaxaỹaxanaxanecpi, nache saishet qome da chec que'eca nallec.

Levítico 22:13 Referans Kwoze

Levítico 10:14

Qaq aca'aca lachetaqtaxanaqte na Israel le'ecpi maye qanhuaachigui, ca ltogue lapat maye qoỹaasheguem da qoỹanot Ñim Nataxala', qataq ca ltele'eta maye qaralamaxache da qollequi, camaye nache huaña ye qaiỹotauga da qarquia'aqa'ai, 'am qataq ca 'aỹa'alaqpi ỹalleppi, qataq ca 'alpi.

Génesis 38:11

Qaq huaña, nache so Judá 'enapega aso late Tamar, 'eeta': «Qonaña qome ca lma' ca 'arta'a, qaq nache qonetai' qome da 'am pa'ai, nato' qom ivita da ỹe ñi ỹalec Selá.» Qalaxaye so Judá, ye tatapigui lauel da so llalec Selá da nataqa'en ishet da ileu, da 'eeta'ama soua lqaỹa't. Nache aso Tamar jec co'ollaxa da naña so lma' so lta'a.

Éxodo 29:33

Qaq che'c camaye, cha'aye qoỹaneuo da yaqto' qaỹapalaxat na lasouaxashetpi, cha'aye mashe qoỹanema da huo'o naq 'eneque souaxat da lo'onataxanaxa'c da ntaxaỹaxanaxanaqa. Ỹoqo'oye saishet da anac ca chegaqauec da chec que'eca lapat, cha'aye camaye ỹataqta sa qaishetapec.

Levítico 22:10

Qaica qome ca shiỹaxaua maye saq chegoxoguet na ntaxaỹaxanaxanecpi da chec ca laỹe aca nachetaqtaxanaqte maye qoỹaneuo. Qataq ca choche namaxasoxoic ca ntaxaỹaxanaxanec, qataq ca lo'onataxanaxanec camaye saishet da chec ca laỹolec acamaye.

Levítico 22:12

Qaq aca llale camaye, da huaroneguet ca saishet da ntaxaỹaxanaxanec, nache acamaye saishet da chec ca laỹe aca nachetaqtaxanaqte maye lalamaqte na ntaxaỹaxanaxanecpi.

Éxodo 12:43

Qaq Ñim Nataxala' 'enapega so Moisés qataq so Aarón, 'eeta': «'Era qome da lataxac ca lapascua: Ca choche chegaqauec saishet qome da chec ca qagueta llalec maye qaỹalauat da qanallec,

Deuteronómio 24:2

Qaq acamaye da ime da ca'ai ca nma', nache ishet da qaltaq huaroneguet ca lỹa ỹale,

1 Samuel 21:7

Qaq se'eso na'a'q hueta'a se'eso atamnaqa' maye lalamaxat Ñim Nataxala' som edomiita le'enaxat Doeg, qaq somaye nacheso so lataxala' som qagueta lo'opi maye lamaxashecpi so Saúl.

Esdras 2:63

Qaq so nataxala' sa ỹashenem somayepi da chec so qoỹaneuo nallec maye saqaishetapec, choche ivitta'a da huo'o ca ntaxaỹaxanaxanec da dechemaqtaxaalec ỹauota'aisalo sua coma'yolqa Urim qataq Tumim.

Ezequiel 44:8

Qataq saishet da ipaguelec dam llapaxañi qui'itta lataxac, nacherata da ỹanem nam ỹaqa'a ca chegaqa'ague da ilo'ogue añi ỹalamaqte atamnaxaqui.»