Levítico 22:10 - La'aqtaqa Ñim Lo'onatac 'Enauacna 2013

¹⁰ Qaica qome ca shiỹaxaua maye saq chegoxoguet na ntaxaỹaxanaxanecpi da chec ca laỹe aca nachetaqtaxanaqte maye qoỹaneuo. Qataq ca choche namaxasoxoic ca ntaxaỹaxanaxanec, qataq ca lo'onataxanaxanec camaye saishet da chec ca laỹolec acamaye.

Levítico 22:10 Referans Kwoze

Mateo 12:4

Nache soomaye pa'aroigui so lma' Ñim Lo'onatac 'Enauacna, nache che'c soua nauole maye qoỹanot Ñim Lo'onatac 'Enauacna. Asom saishet da huo'o ca qaỹashenem da chec da huo'otaq 'eeta'ama soomaye. Nachaqnata nam ltaxaỹaxanaxanecpi na shiỹaxauapi da qaitaxaỹapegue' Ñim Lo'onatac 'Enauacna ishet da chec.

1 Samuel 21:6

Nache so ntaxaỹaxanaxanec ỹanem so David aso nauolepi 'ayiiña maye saqaishetapec, cha'aye qaca aca lỹa nauole nachaqasota asom qoỹanot co'ollaxa Ñim Nataxala' maye cheta'ague da qanqatec se'eso na'a'q da yaqto' nmeneguet aso dapaqtai'.

Éxodo 29:33

Qaq che'c camaye, cha'aye qoỹaneuo da yaqto' qaỹapalaxat na lasouaxashetpi, cha'aye mashe qoỹanema da huo'o naq 'eneque souaxat da lo'onataxanaxa'c da ntaxaỹaxanaxanaqa. Ỹoqo'oye saishet da anac ca chegaqauec da chec que'eca lapat, cha'aye camaye ỹataqta sa qaishetapec.

Éxodo 12:45

Qaq ca choche chegaqauec qataq ca choche qaisheetetac, saishet da chec que'eca qagueta llalec.

Levítico 22:13

Qalaxaye da pa'ai, huo'otaq qaỹalat, qataq qaica ca llalaqpi acamaye, qataq da ỹe'eguelaxa ca lma' ca lta'a, nache 'eeta'am da ñaq lamaxai, nache acamaye ishet da chec ca aloq ca lta'a. Qalaxaye ca shiỹaxaua maye saq chegoxoguet na ntaxaỹaxanaxanecpi, nache saishet qome da chec que'eca nallec.

Números 3:10

Qaq so Aarón qataq na llalaqpi, nache 'anagui da lo'onataxanaxac na ntaxaỹaxanaxanec. Qaq da huo'o ca chegaqauec da ỹacoolec de'era no'onataxanaxac, da saishet da ntaxaỹaxanaxanec, nache camaye qaỹalauat.»

Éxodo 12:43

Qaq Ñim Nataxala' 'enapega so Moisés qataq so Aarón, 'eeta': «'Era qome da lataxac ca lapascua: Ca choche chegaqauec saishet qome da chec ca qagueta llalec maye qaỹalauat da qanallec,

Levítico 21:22

Qalaxaye camaye, ishet da chec aca nauole 'ayiiña, qataq aca laỹepi nachetaqtaxanaqte maye ishet da qanallec.

1 Samuel 21:7

Qaq se'eso na'a'q hueta'a se'eso atamnaqa' maye lalamaxat Ñim Nataxala' som edomiita le'enaxat Doeg, qaq somaye nacheso so lataxala' som qagueta lo'opi maye lamaxashecpi so Saúl.

Esdras 2:63

Qaq so nataxala' sa ỹashenem somayepi da chec so qoỹaneuo nallec maye saqaishetapec, choche ivitta'a da huo'o ca ntaxaỹaxanaxanec da dechemaqtaxaalec ỹauota'aisalo sua coma'yolqa Urim qataq Tumim.

Ezequiel 44:8

Qataq saishet da ipaguelec dam llapaxañi qui'itta lataxac, nacherata da ỹanem nam ỹaqa'a ca chegaqa'ague da ilo'ogue añi ỹalamaqte atamnaxaqui.»