Levítico 21:8 - La'aqtaqa Ñim Lo'onatac 'Enauacna 2013

⁸ Ỹoqo'oye namayepi ỹataqta ntela'aguet na ishet da ishepaxanaqchet, cha'aye namayepi nachena na ỹaneuo ca nallecpi maye qoỹanot Ñim Atamnaxala'. Qaq ỹoqo'oye namayepi iuen da qui'itta da lataxac, cha'aye Aỹem Nataxala', qui'itta da ỹataxac, qataq qami' so'oteque da qami' qui'itte' da qarataxaqui.

Levítico 21:8 Referans Kwoze

Levítico 19:2

«Qonapega qome na Israel le'ecpi da ỹa'aqtac, 'eeta': Ỹataqta qui'itta qome da qarataxaqui, cha'aye Aỹem Qarataxala'ai maye Qanatamnaxanala'ai, ỹataqta qui'itta da ỹataxac.

Levítico 21:6

Nacherata da ỹataqta nañan da do'onataxanot Ñim Natamnaxala', qataq saishet da ỹe'enai' da le'enaxat, cha'aye namayepi nachena na ỹaneuo ca nallec, qataq aca laỹe nachetaqtaxanaqtepi maye qaỹavigaxat da qoỹanot Ñim Nataxala'. Qaq ỹoqo'oye namayepi iuen da ỹataqta qui'itta naqa'en da lataxac.

Hebreos 7:26

Qaq ỹoqo'oye So Jesús nacheso so 'oonolec da Lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna maye seuenaqtac. Cha'aye Somaye ỹataqta qui'itta, saishet da qauem da lataxac, qataq sa nauane' da huo'o ca lasouaxashet. Qaq Ñim Lo'onatac 'Enauacna nqateeguesop co'ollaxa na 'etaxaloxoicpi, nache tasheguema naqa'en ca hueta'a Ñimaye, nache ỹami' da ỹataqta ỹo'oxoraq, napacalec na laỹepi.

Juan 17:19

Qataq souaxat naamaye, nache Aỹem ỹataqta 'am ñañanot yaqto' naamaye nataqa'e'n ishet da 'am nañaarot, chegoqchigui dam 'eesa lataxac.

Hebreos 10:29

Qaq da ỹataqta qauennataxañiilec de'era, nache ¡ỹactec qone' da lchec ca nhuaxanaguec maye ỹaconeguet cam ỹo'otan som Llalec Ñim Lo'onatac 'Enauacna qataq da 'eetega qaica ca naigui da l-leuaxa Somaye! Qaq da nache 'eetec de'era, nache isheueetac som Saqcha'a La'añaxac Ñim Lo'onatac 'Enauacna maye lauotaxat camaye. Nataqa'en da ỹo'otan da l-leuaxa So Cristo qamaq nachera dam chegoqchigui da ipacchigui da naỹamaxataxac Ñim Lo'onatac 'Enauacna qataq chegoqchigui da qaỹapalaxat na lasouaxashetpi.

Juan 10:36

Qaq da huo'otaq Ñim Lo'onatac 'Enauacna Aỹem namaxa co'ollaxa ana 'alhua, qaq ¿ta'ainco' qami' ye qoñiitega da naua ỹa'aqtaqa sa iyacna'ape Ñimaye, souaxat da sheetega da Aỹem Llalec Ñimaye?

Éxodo 29:1

«Qaq da 'auỹotaugalo da aỹem do'onataxaarot da itaxaỹaxanaxanqa. Nache 'auacona ca 'oonolec huaca llalec qataq caua dos qagueta maye qaica ca lque'emaxa,

Éxodo 28:41

Qaq 'era da 'eetec da no'otaxac 'anqa'en ñi 'arqaỹa Aarón, qataq ñeua llalqa. Ime, nache 'aucoreleguete naua lqaigo ca aceite, da yaqto' huo'o da 'eneque, qataq 'auỹotaugalo da itaxaỹaxanaxanqa.

Éxodo 19:14

Nache so Moisés huenoteeguesop aso qasoxonaxa da naỹamaxat naqa'en so shiỹaxauapi, da yaqto' ỹo'oxoren Ñim Lo'onatac 'Enauacna, qaq so shiỹaxauapi nataqa'en ỹataqta iỹote' naua alogo.

Éxodo 19:10

Nache Ñim Nataxala' 'enapeco' da la'aqtac: «'Aue, ña naỹamaxat 'anqa'en ye shiỹaxauapi, da yaqto' aỹem ỹo'oxoren nagui qataq qonte'. Qataq qonapega da iỹoi' naua alogo,

Levítico 3:11

Ime, nache ca ntaxaỹaxanaxanec ỹavigaxat 'enauac camaye ỹachalec añi nca'atoxonaxalate, cha'aye nachetaqtaxanaxat nallec maye qaỹavigaxat da qoỹanot Ñim Nataxala'.

Malaquías 1:7

Qami' qandoiua'a naxa añi ỹalamaqte nca'atoxonaxalate, ana nauole 'ayiiña maye qauem, qaq ñaqaiyeta qaunataxañiitac qoñeeta': ‹¿Negue'to' cam so'otaq maye 'am inogoqchet?› Qami' Aỹem qanogoqcheche, cha'aye qaupicheetega da añi ỹalamaqte nca'atoxonaxalate ishet da sa qaiyacnapec

Levítico 22:16

cha'aye namayepi da ỹashaxanec da lataxac ca nallec maye sa qaishetapec, nache iuen da ỹaneuo ca lachetaqtaxanaxat maye sa imauaq da qaỹavigaxat. Cha'aye Aỹem Nataxala' maye sanem namayepi da Aỹem do'onataxanot.»

Números 28:2

«'Auamaxalec qome na Israel le'ecpi da ipacchigui naqa'en naua laloxoqui' da ỹaneuo aca lachetaqtaxanaqtepi maye ỹavigaxat, cha'aye aca'aca lachetaqtaxanaqtepi maye samaateguet da laitaỹaxac, acamaye maiche ỹalamaqte.

Nehemías 13:29

Nache ñatamen, sheeta': 'Am Ñatamnaxala', saishet qome da 'acoua'ai de'era ỹo'ot so ntaxaỹaxanaxanecpi qataq so leviitapi, souaxat da qaica ca naigui naqa'en de'era lo'onataxanaxac so ntaxaỹaxanaxanec, qataq da 'eetec da 'am naỹamaxate' co'ollaxa.