Levítico 21:23 - La'aqtaqa Ñim Lo'onatac 'Enauacna 2013

²³ Qalaxaye saishet da inoxoneua'a ye pa'auo ñi napoxonaxat ye ñegueuo ñi lpe'l, qataq saishet da taua'a añi nca'atoxonaxalate, cha'aye camaye huo'o ca lque'emaxa, nache saishet da ishepaxanaqchet ye ỹanataqa'. Cha'aye Aỹem Nataxala' maye sanem camayepi da Aỹem do'onataxanot.»

Levítico 21:23 Referans Kwoze

Levítico 21:12

Qataq saishet qome da ca'ai ca nanataqa' maye lalamaxat Ñim Nataxala', qataq saishet qome da ỹo'ot ca ne'enaguec, cha'aye camaye mashe sogote da qaicorelec ca aceite da yaqto' nalemaqte' da do'onataxanot Ñim Nataxala'. Qaq 'era da ỹa'aqtac, Aỹem Nataxala'.

Levítico 15:31

Qaq 'era da qoñiitec da ivita'aguet qanqa'eñi na Israel le'ecpi ca saishet da qui'itta, yaqto' saishet da ileupi souaxat da sa iren, qataq na'aqchet ye ỹanataqa'.»

Mateo 23:17

¡Qami' ỹataqta qaica ca qauaỹaañiỹapec qataq qami' 'oopaiqa! Cha'aye saisheto' peta'a da qauloỹa'a da añi no'onaxanaxaqui da napacalec da la'amaqchec ca oro, qataq añi no'onaxanaxaqui nachañi añi ỹo'ot da ca oro huo'o da lyac da hueto'ot Ñim Lo'onatac 'Enauacna.

Levítico 21:22

Qalaxaye camaye, ishet da chec aca nauole 'ayiiña, qataq aca laỹepi nachetaqtaxanaqte maye ishet da qanallec.

Levítico 21:24

Nache so Moisés ipagaqteetot som na'aqtacpi so Aarón, qataq so llalaqpi, qataq 'enauac so Israel le'ecpi.

Levítico 19:2

«Qonapega qome na Israel le'ecpi da ỹa'aqtac, 'eeta': Ỹataqta qui'itta qome da qarataxaqui, cha'aye Aỹem Qarataxala'ai maye Qanatamnaxanala'ai, ỹataqta qui'itta da ỹataxac.

Levítico 20:7

Ỹataqta qanañañi qome da yaqto' qami' ỹalamaqa'ate, qataq ỹataqta qui'itta da qarataxaqui. Qaq 'era da ỹa'aqtac, Aỹem Nataxala' maye Qanatamnaxala'ai.

Levítico 21:6

Nacherata da ỹataqta nañan da do'onataxanot Ñim Natamnaxala', qataq saishet da ỹe'enai' da le'enaxat, cha'aye namayepi nachena na ỹaneuo ca nallec, qataq aca laỹe nachetaqtaxanaqtepi maye qaỹavigaxat da qoỹanot Ñim Nataxala'. Qaq ỹoqo'oye namayepi iuen da ỹataqta qui'itta naqa'en da lataxac.

Levítico 22:16

cha'aye namayepi da ỹashaxanec da lataxac ca nallec maye sa qaishetapec, nache iuen da ỹaneuo ca lachetaqtaxanaxat maye sa imauaq da qaỹavigaxat. Cha'aye Aỹem Nataxala' maye sanem namayepi da Aỹem do'onataxanot.»

Nehemías 13:29

Nache ñatamen, sheeta': 'Am Ñatamnaxala', saishet qome da 'acoua'ai de'era ỹo'ot so ntaxaỹaxanaxanecpi qataq so leviitapi, souaxat da qaica ca naigui naqa'en de'era lo'onataxanaxac so ntaxaỹaxanaxanec, qataq da 'eetec da 'am naỹamaxate' co'ollaxa.