Levítico 21:18 - La'aqtaqa Ñim Lo'onatac 'Enauacna 2013

¹⁸ Qataq saishet da ntaxaỹaxanaxanec ca huo'o ca lque'emaxa souaxat da sa nauaañi, huo'otaq huaỹoraxaic, huo'otaq sa ỹaỹamaq da lashiguiỹaxac, nache saishet da nachaateuo camaye.

Levítico 21:18 Referans Kwoze

Tito 1:10

Cha'aye mashe qalota na sa ỹalaq, qaq namayepi nachena nam chegaqaigui da la'amqaanataxanaxac na judiopi. Namayepi naua ltaxaỹaxaco ỹataqta qaica ca naiguilo, qataq ỹatenachettac na shiỹaxauapi.

Tito 1:7

Cha'aye ca qaipataxalec da ilo'ogue na 'amqaanataxanaxaicpi, camaye ilo'ogue 'enauac na lo'onataxanaxacpi Ñim Lo'onatac 'Enauacna. Ỹoqo'oye, iuen da qui'itta naqa'en da nachaalataxac. Saishet da na'amqaanaxaic, qataq saishet da qauemaic, saishet da taxaic, saishet da sa ncherapec, qataq saishet da quetaigui da latenataxanaxac da nmitta'a ana anom.

1 Timoteo 3:7

Nataqa'en iuen da no'on da na'aqtaguec da chegaqaigui nam saishet da 'amqaanataxanaxaicpi, yaqto' saishet da ivireguet cam ỹo'ot da lcoxo da ỹauaachigui namayepi, qataq yaqto' saishet da ilamaqa'aguet ca lqoinaxanaxac so pa'aguenataxanaxaic.

Mateo 23:19

¡Qami' qaica ca qauaỹaañiỹapec! Cha'aye añi nca'atoxonaxalate maye qaỹachalec naxa ana nachetaqtaxanaqte da qoỹanot Ñim Lo'onatac 'Enauacna, añimaye napacalec da la'amaqchec aca nachetaqtaxanaqte, qataq nachañi añi ỹo'ot da huo'o da la'amaqchec aca nachetaqtaxanaqte da hueto'ot Ñim Lo'onatac 'Enauacna.

Isaías 56:10

cha'aye nam lauanaxanaxanecpi nam ỹalamaxat nhuo' le'ecpi, 'eco' qanamaicpi nache qaica ca nanomaxa. Qataq 'enauac namayepi 'eeta'am ca pioq maye saishet da detoxon, nda'a't da nnanaxac qataq da lchoxonaxac, namayepi ỹataqta nqopita da do'ocheta.

Levítico 21:19

Nataqa'en da huo'otaq huacagaxaiqa naua lapia'ate huo'otaq naua lhuaxaye,