Levítico 21:10 - La'aqtaqa Ñim Lo'onatac 'Enauacna 2013

¹⁰ Qaq ca lataxala' na ntaxaỹaxanaxanecpi maye qoỹami' da ỹataqta huo'o da 'enec da ỹaayiñi caua alogo na ntaxaỹaxanaxanec, chegoqta'a co'ollaq qaicorelec na lqaic ca aceite, nache camaye saishet da isotagui na laue, qataq saishet da colaqta'ape naqa'en caua alogo da yaqto' la'anaxat ca lasouaxac.

Levítico 21:10 Referans Kwoze

Levítico 16:32

Nache ca ntaxaỹaxanaxanec maye talec da lo'onataxanaxac ñi Aarón da yaqto' lataxala' ca ntaxaỹaxanaxanecpi, camaye ỹo'ot ca nachetaqtaxanaxat maye sa imauaq da qaỹavigaxat, da yaqto' qaỹapalaxat na nasouaxashetpi. Qaq camaye, nache ỹaayiñi caua alogo na ntaxaỹaxanaxanec maye chegaqaiguilo na lino,

Mateo 26:65

Nache co'ollaq hua'aqchigui de'era som lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna, nache ncolaxata'aisalo soua alogo da la'anaxat da ỹataqta dalemata, nache 'enapeco': –¡De'era ỹale, damaye ỹataqta isheueetac Ñim Lo'onatac 'Enauacna! Mashe qaica ca lỹa shiỹaxaua da seuenaq da da'aqtaxan. Cha'aye damaye 'eetega da nachera dam Lo'onatac 'Enauacna.

Números 35:25

Nache ca nhuo' le'ecpi maiche ilo'ogue qataq ntela'a qome ca shiỹaxaua maye ilamaxata'a da ỹalauat ca lỹa, ntelaqna'aguet ca ipaltaique lvi' maye lauo' le'ec que'eca ileu. Nache que'eca shiỹaxaua qaỹe'eguelaxata que'eca huaqta'a't nỹecpi maye ỹe'egueneua'a co'ollaxa, qaq nache netaña camaye ivitta'a da ileu ca lataxala' ca ntaxaỹaxanaxanecpi maye ncoyiguishec.

Levítico 8:12

Ime, nache somaye icorelec na lqaic so Aarón so aceite, nache ỹanagui da lo'onataxanaxac da ntaxaỹaxanaxanec da qaitaxaỹapegue' Ñim Nataxala'.

Salmos 133:2

'Eeta'am ca no'on coraxat maye qaicorelec na lqaic so Aarón, nache ivittaña da naguingui ana lqa' laue, anam lqa' laue somaye nache nviraña so loga't aso lapoto.

Ester 6:12

Qaq co'ollaq ime da qaiqueuoxootapigui' so Mardoqueo, nache ỹe'eguelaxaua'a so lasom so nma' lta'araic, qaq so Amán qalaq ỹataqta iỹalapigui' da taỹa so lma', qaq ỹataqta daquicota qataq ỹapotalec na lashec.

2 Samuel 15:30

Qaq so David, tasheguema aso qasoxonaxa maye lma' ana Olivo, nache nỹeetague', ỹapotalec na lqaic qataq qaicaua caua lapela'ate, souaxat da nqui'ic. Qataq 'enauac so nnaictague'pi somaye da tasheguema na pa'asheguem nataqa'en nỹeetagui, qataq ỹapotalec na lqaic.

Levítico 13:45

«Qaq ca shiỹaxaua maye huec da nhuetaxanaxa maye nchega naqa'en na no'oc, camaye iuen da colaqta'ape naqa'en caua alogo, qataq dapoche na laue, qataq qapi da nauattalec na lashec, nache ỹa'alaqtai' da huo'o ca taỹa'ague, 'eeta': ‹¡Aỹem nchega na ỹo'oc!, ¡Aỹem nchega na ỹo'oc!›

Génesis 37:34

Nache so Jacob ncolaxata'aisalo soua alogo. Ime, nache ỹaayiñi soua alogo maye lasouaxaqui'. Nache ỹataqta huo'oi soua na'axa'te da nỹeetapeguelec da l-leuaxa so llalec.

Da na'aqtaguec so Job 1:20

Nache so Job nachaañi, ỹataqta lta'araic da nqui'ic, nache ncolaxata'aisalo soua alogo, qataq namarecta na lqaic, nache ỹa'alyiñi naua l-llecte da natamen.

Éxodo 29:7

Ime, nache 'auacona ca aceite nache 'aucorelec na lqaic da yaqto' 'aỹotauga da ntaxaỹaxanaxanec.

Ezequiel 24:17

Choche 'añe'emaxatte' qome da 'anqui'ic, qataq saishet da 'auachaxan da 'arasouaxac souaxat asomaye. Qataq saishet qome da 'auauattalec na 'arqaic, qataq da qaicaua caua 'arapela'ate, qataq saishet da 'auapotagui na 'arashec da la'anaxat 'anqa'en da 'anqui'ic, qataq saishet da qollec aca nauole maye qanallec naxa da huo'o da nasouaxac.»

Levítico 4:3

‹Qaq cam huo'o ca lasouaxashet da huo'otaq nacheca ca lataxala' ca ntaxaỹaxanaxanecpi, nache camaye nmañi naqa'en na Israel le'ecpi da huo'o ca lasouaxashet, nache camaye iuen da ỹanot Ñim Nataxala' ca huaca maye qaica ca lque'emaxa, da yaqto' lachetaqtaxanaxat maye sa imauaq da qaỹavigaxat.

Números 6:7

na'aictaxa da lta'a, late'e, lqaỹa ỹale, huo'otaq lqaỹa 'alo aca ileu, yaqto' que'eca leuaxaic saishet da na'aqchet camaye, cha'aye mashe qaiỹotauga da lalamaxat Ñim Nataxala'.