Levítico 20:9 - La'aqtaqa Ñim Lo'onatac 'Enauacna 2013

⁹ Qaq ca shiỹaxaua da ilarapiguiñi ca lta'a huo'otaq aca late'e, nache camaye qaỹalauat, nache maiche nasouaxaala't da ileu.

Levítico 20:9 Referans Kwoze

Éxodo 21:17

Qataq cam isheuen ca lta'a, huo'otaq aca late'e, camaye qaỹalauat.

Marcos 7:10

Cha'aye so Moisés co'ollaxa, 'eeta': «Qaualaqaiguet qataq huo'o naq 'enec qanqa'eñi ca qarta'ai qataq aca qarache'e.» Nataqa'en, 'eeta': «Ca isheuen ca lta'a huo'otaq aca late'e, nache camaye iuen da qaỹalauat.»

Deuteronómio 27:16

Ỹataqta qauem qome ca talec nhuaxanaguec ca shiỹaxaua da qaica ca 'enec naqa'en ca lta'a, qataq aca late'e. Nache 'enauac qome na nhuo' le'ecpi, 'eeta': Aja', nache 'eetec.

Mateo 15:4

Cha'aye Ñim Lo'onatac 'Enauacna, 'eeta': ‹Ỹataqta huo'o naq 'enec 'anqa'en ca 'arta'a qataq aca 'arate'e›, qataq nataqa'en, 'eeta': ‹Ca shiỹaxaua da sa iyacnapec ca lta'a huo'otaq aca late'e, qalaq camaye qaỹalauat.›

Proverbios 20:20

Ca isheueetac ca lta'a huo'otaq aca late'e, qalaq camaye taỹa'a da ileu, nache taigui ca ỹataqta chaqaic napalaxa.

Proverbios 30:17

Qaq ca ỹe'enai' ca lta'a da iloto'ot, qataq saỹalaxaguet aca late'e da mashe ỹa'axaino'ole, camaye 'itchiguiñi da na teguesan che'c naua la'ai'te, qataq na vi'ic ỹauta camaye da ileu.

Proverbios 30:11

Huo'o nam sa ichoxonnai' da detaxaỹa ca lta'a, qataq saq ỹanem ca nqouagaxa aca late'e.

2 Samuel 1:16

Qaq so David 'enapeco': 'Am, maiche 'anasouaxaala't da 'am qaỹalauat, cha'aye maiche 'aua'axat da 'aualauat so nta'a maye lca'aguishec Ñim Nataxala'.

Jueces 9:24

Qaq 'era da 'eetec da so Abimelec da nque'etaxangui so lasouaxashet, qataq so shiỹaxauapi maye lma' ye Siquén, souaxat da itauan co'ollaxa da ỹalauat so setenta llalaqpi so Yerubaal.

Mateo 27:25

Nache so shiỹaxauapi nmasheguem da ỹasat, 'eeta': –¡Qomi' qataq na qoyalaqpi ñachoxola't qome da qarasouaxashet da l-leuaxa de'era ỹale!

1 Reyes 2:32

Qaq Ñim Nataxala', talec naqa'en da maiche lasouaxashet somaye, souaxat da ỹalaua't soua dos ỹale't maye ỹataqta no'on da lataxa'c, maye napacalec da lataxac somaye, som Abner maye llalec so Ner, som lataxala' so alleppi Israel le'ecpi, qataq so Amasa, som llalec so Jéter, maye lataxala' so alleppi Judá le'ecpi. Qaq so ita'a saỹaỹaten co'ollaxa de'era.

Josué 2:19

Qalaxaye da huo'o ca 'oonolec namayepi da maiche ca'ai na 'arma', nache camaye maiche nasouaxaala't da ileu, nache saishet da qarasouaqtac. Qalaxaye da huo'o ca ỹe'egueeta'a cam hueta'a na 'arma', nache qomi' qarasouaxashet camaye.

Levítico 20:27

Qaq da huo'o ca ỹale, huo'otaq aca 'alo da hueto'ot da 'onataxac da ilaviigui ca lỹa, qataq ca detaxaỹapegue' na nqui'ipi, nache camaye qaỹalauat, qairota'a ca coma' laỹepi, nache maiche nasouaxateguet da nalaataguec.»

Levítico 20:16

Qaq da huo'o aca 'alo da hue'eguet ca shiguiỹac, nache caamaye qaỹalaua't. Nache maiche lasouaxashe't da l-leuqa't.

Ezequiel 22:7

Nam 'am hueta'a shiỹaxauapi, qalaq saishet da huo'o naqa'en ca 'enec ca lalamaxat lta'a, qataq aca late'e, qataq saiyacnapec na ỹaqa'a ca chegaqa'ague, qataq decachiỹot ana pa'aipi qataq na saploqpi.

Ezequiel 18:13

qataq nquigaxattec añi iỹaxanaique da qaisheeten aca na'aale alom, qaq que'eca ỹale saishet qome da nca'altauec. Qaq da ime da ỹo'ot 'enauac ne'ena lataxacpi maye Aỹem seqaiga, nache camaye ileu qome, qalaxaye da l-leuaxa camaye, chegoqchigui ca maiche lasouaxashet.