Levítico 20:7 - La'aqtaqa Ñim Lo'onatac 'Enauacna 2013

⁷ Ỹataqta qanañañi qome da yaqto' qami' ỹalamaqa'ate, qataq ỹataqta qui'itta da qarataxaqui. Qaq 'era da ỹa'aqtac, Aỹem Nataxala' maye Qanatamnaxala'ai.

Levítico 20:7 Referans Kwoze

Levítico 11:44

Cha'aye Aỹem, Nachaỹem Nataxala' maye Qanatamnaxala'ai. Aỹem, ỹataqta qui'itta da ỹataxac, qaq ỹoqo'oye qami', iuen da ỹataqta qui'itta da qarataxaqui. Nache saishet qome da qami' na'aqche't ne'ena shiguiỹacpi maye hualectapigui'.

Levítico 19:2

«Qonapega qome na Israel le'ecpi da ỹa'aqtac, 'eeta': Ỹataqta qui'itta qome da qarataxaqui, cha'aye Aỹem Qarataxala'ai maye Qanatamnaxanala'ai, ỹataqta qui'itta da ỹataxac.

Efesios 1:4

Co'ollaq saxanaxa da ỹo'ot 'enauacna Ñim Lo'onatac 'Enauacna, qaq nale'ena da qomi' lca'agui'she ỹachegoxotchigui So Cristo da yaqto' qomi' lalamaqa'ate qataq da qaica ca qarasouaxashet da souaqto'ot Ñimaye. Ñim Lo'onatac 'Enauacna ỹataqta lta'araic da lauotaxanaqtaic da shenaqta,

Colosenses 3:12

Cha'aye Ñim Lo'onatac 'Enauacna ỹataqta qami' ỹauoteque, qataq qami' lca'agui'she, da yaqto' qami' lalamaqa'ate. Qaq ỹoqo'oye ỹataqta qami' choxonnataxanaxaiqa, qataq qami' huotaxanaqtaqaiqa, qataq sa qami' na'amqaanaxaiqa, qataq qami' huesotte' da qarataxaqui, qataq qami' hualaxaunaxaiqa.

1 Ts 4:7

Cha'aye Ñim Lo'onatac 'Enauacna saishet da qomi' iỹaxanalo da qolaqto'ot da qaye'etaxaloxo, nachaqrata da qomi' iỹaxanalo da qolaqtaigui da qui'itta achaalataxac.

1 Ts 4:3

Qaq da 'eetapeguec Ñim Lo'onatac 'Enauacna, nshetaique da ỹataqta qami' qui'itte'. Qaq ỹoqo'oye saishet qome da huo'o ca lauatapiguiñi' aca sa lhua da qoñiita.

Hebreos 12:14

No'on da ỹataqta qanpogoxoiñiỹapegue' da qaulaquiitapiguiñi, qataq qaualaqaiguet Ñim Lo'onatac 'Enauacna, cha'aye da saishet da nache qoñiitec de'era, nache saishet da ivira da ỹataqta qauloito'ot Ñimaye.

Josué 24:19

Huaña, nache so Josué 'enapego' se'eso nhuo' le'ecpi, 'eeta': «Qami' yo'oqta da saishet qome da qauañoxoche da qauo'onataxañiỹot Ñim Nataxala', cha'aye Ñimaye Atamnaxala' maye ỹataqta qui'itta, qataq ca'alaxanaxaic, qataq sa ishetaxateguet na sa ỹaỹamaxañisat qataq na qarasouaxashichi.

Levítico 11:45

Aỹem Nataxala', maye qami' ñeqateeguesopa co'ollaxa ye Egipto, da yaqto' nache Aỹem Qanatamnaxala'ai. Qaq ỹoqo'oye qami', iuen da ỹataqta qui'itta da qarataxaqui. Cha'aye Aỹem, ỹataqta qui'itta da ỹataxac.»

Levítico 21:8

Ỹoqo'oye namayepi ỹataqta ntela'aguet na ishet da ishepaxanaqchet, cha'aye namayepi nachena na ỹaneuo ca nallecpi maye qoỹanot Ñim Atamnaxala'. Qaq ỹoqo'oye namayepi iuen da qui'itta da lataxac, cha'aye Aỹem Nataxala', qui'itta da ỹataxac, qataq qami' so'oteque da qami' qui'itte' da qarataxaqui.

Levítico 21:15

yaqto' saishet da huo'o ca ne'enaguec ca chegoxoguetpi camaye, da netangui ca nhuo' le'ecpi. Cha'aye Aỹem Nataxala', sanagui camaye da yaqto' nalemaqte' da Aỹem do'onataxanot.»

Levítico 21:23

Qalaxaye saishet da inoxoneua'a ye pa'auo ñi napoxonaxat ye ñegueuo ñi lpe'l, qataq saishet da taua'a añi nca'atoxonaxalate, cha'aye camaye huo'o ca lque'emaxa, nache saishet da ishepaxanaqchet ye ỹanataqa'. Cha'aye Aỹem Nataxala' maye sanem camayepi da Aỹem do'onataxanot.»

Josué 3:5

Qataq so Josué 'enapego' se'eso nhuo' le'ecpi, 'eeta': «Ỹataqta qanqui'itaxachiita qome, cha'aye qoyo'oxoñi qauauañiichigui qome da Ñim Nataxala' ỹo'ot ca sa qauauañiỹapega.»