Levítico 20:6 - La'aqtaqa Ñim Lo'onatac 'Enauacna 2013

⁶ Qataq da huo'o ca nqo'ona ca ltaxaỹaxaua na nqui'ipi qataq na ilaviigui ca lỹa, nache Aỹem ỹataqta sataỹa'aguet que'eca shiỹaxaua, qataq so'orauec, ca'ai ñaqa'en ca lauo' le'ecpi, souaxat da nquisheshaxac da ca'attague' so Moloc.

Levítico 20:6 Referans Kwoze

Levítico 19:31

Saishet qome da qanqo'oñiỹa ca ltaxaỹaxaua na nqui'ipi, qataq ca ilaviigui ca lỹa, cha'aye ỹo'ot da saishet da qui'itta da qarataxaqui. Qaq 'era da ỹa'aqtac, Aỹem Nataxala' maye Qanatamnaxala'ai.

Isaías 8:19

Qaq na shiỹaxauapi yo'oqta da qami' 'enapegalo qome, 'eeta': Ña qaunache na lqui'ipi na leuaxaicpi, qataq na ilaviigui ca lỹa maye nsoxootega't naxa da na'aqtaxaatega't. ¿Peta'a saisheto' da iuen na nhuo' le'ecpi da inat nam natamnaxala'pi, qataq da inat na leuaxaicpi da denataxaalec na ña nca'altauecpi,

Levítico 20:27

Qaq da huo'o ca ỹale, huo'otaq aca 'alo da hueto'ot da 'onataxac da ilaviigui ca lỹa, qataq ca detaxaỹapegue' na nqui'ipi, nache camaye qaỹalauat, qairota'a ca coma' laỹepi, nache maiche nasouaxateguet da nalaataguec.»

Salmos 73:27

Qaq na 'am ca'ai qalaq taỹa'a da ileu, cha'aye 'am 'aulaxachigui qome na saishet da 'am ỹalaxaguet.

Oseas 4:12

Na ỹalamaxat nhuo' le'ecpi, inattac nam natamnaxala'pi 'epaq, qaq ne'ena 'epaqpi ỹasateguet namayepi nache ỹaueeguet da lquisheguetaxac, qataq ca'ai Ñim Nataxala' souaxat de'era lquisheguetaxac.

Ezequiel 6:9

Nache ca lca'alaxaicpi iuennate qome Aỹem da ỹalectaigui que'eca ỹotta'a't shiỹaxauapi, iuennate qome da 'eetec da so'ot da nque'eenaxac souaxat da Aỹem sa ỹalaxaguet qataq souaxat da Aỹem ca'ai da yaqto' ỹo'oxoren na nqolacpi. Namayepi deqaiga qome da maiche lataxac, souaxat nam qauem maye ỹo'otpi, qataq 'enauac nam qaiqaiga maye ỹo'ot co'ollaxa namayepi.

Números 15:39

Yaqto' namayepi da ilota'a anamayepi, nache iuennata'a 'enauac na ỹamaxasoxonaxacpi maye samaxalec da ỹo'ot. Nache saishet da ỹo'ot ca maiche lquiyaqteỹaxac, huo'otaq da quetague' da maiche lmeenaxanaxac, maye ỹo'ot da nquisheshigui da la'amqaanataxanaxac.

Levítico 19:26

Saishet da qollequi ca ñaq huo'o na huetaigui ltago'q. Saishet da qaua'axachiỹaua'a ca saqcha'a nhuennataxac. Qataq saishet da qaunacheetac ca nqui'i, da yaqto' qaua'axachiỹa'aguet ca saqcha'a lataxac.

Hechos 16:16

Qaq can qomi' qaltaq ñeqo'onaxauga som qouagaxaunaqa', nache ñatenaqa'aguet aso qa'añole nlata maye huo'o so netaigui saqcha'a na'añaxac leguemaxaic maye ishet da ilaviigui ca lỹa. Qaq asomaye ỹataqta qalota naqa'en añi laueque so na'aco'pi, choche qaỹauegaxaatapigui da ilaviigui ca lỹa.

Éxodo 22:18

Saishet qome da 'anca'alaxattauec aca conaxanaxai.

Levítico 17:10

Qaq Aỹem, saishet da seshetaxateguet ca Israel le'ec, huo'otaq ca chegaqauec maye qami' netaiguilo, da chec ca lapat da ñaq huo'oi naua ltago'q, nache camaye so'orauec, ca'ai ñaqa'en ca lauo' le'ecpi.

Levítico 20:5

nache Aỹem maiche sataỹa'aguet camaye qataq ca llalaqpi, nache imeuo ñaqa'en, qataq lỹaueegue' 'enauac ca natameetacot ca atamnaxala' Moloc.

Jeremías 44:11

Qaq ỹoqo'oye, Aỹem Nataxala' maye Qaica ca Seqalanapec, maye Natamnaxala' na Israel le'ecpi, shenapec: Mashe iuennataxac da ñanacot ca qauem da qami' taleguete ñaqa'en, qataq selaxachigui 'enauac ye Judá.

Éxodo 22:17

Qalaxaye ca lta'a aca'aca qa'añole da huo'otaq sa ỹashen acamaye da huaron, nache que'eca ỹale iuen da isheeten da lataxac da lashiichiỹaxac aca'aca qa'añole.