Levítico 20:5 - La'aqtaqa Ñim Lo'onatac 'Enauacna 2013

⁵ nache Aỹem maiche sataỹa'aguet camaye qataq ca llalaqpi, nache imeuo ñaqa'en, qataq lỹaueegue' 'enauac ca natameetacot ca atamnaxala' Moloc.

Levítico 20:5 Referans Kwoze

Salmos 106:39

Nache somayepi maiche na'aqchet ne'ena ỹo'otpi, qataq nquisheshigui nam ỹo'otpi.

Oseas 2:13

Qataq sauo'o ca nhuaxanaguec souaxat soua na'axa'te da ỹaatacot na ỹaqa'a atamnaxala'pi na lchenaxanaxat, qataq ỹaañi na no'otaxatpi, nchiguishaqtepi qataq ana lqolapi, nache ca'attague' na nquisheshaxauapi, nache aỹem icoua'ai. 'Era da ỹa'aqtac, Aỹem Nataxala'.

Oseas 2:5

Cha'aye quisheguetaxai aso late'e, nache iqataqchet da llo'oxoyec, souaxat da 'enapec: Aỹem, seca'ategue qome na iquisheguetaxauapi maye ỹo'ot na anoq, ỹaquip, qataq aỹem ỹanem na no'oxonecpi, lino, qataq na coraxatpi, qataq nam ỹotta'a't qanỹomiguipi.

Jeremías 32:39

Qataq sanem da 'oonolec da lhuennataxac qataq 'oonolec da llecỹaxac da yaqto' tatec da huo'o naq 'enec naqa'en Aỹem, qaq damaye maiche laỹamaxa namayepi qataq cam chegoxoguetpi.

Jeremías 3:2

Ñaq 'aumeten ana lcomaraxalatepi maye qaica ca ñaxaalec, ¿qaq hua'ague co'ollaxa ca huaña da 'am sanauañe'? 'anso'ootañi qoneto'ot na loigue ca nqa'aic, qoneta'am ca árabe maye netalec ca toolec 'alhua da 'auattaique 'ancachaxauapi. Nache ỹataqta 'anshepaxanaqchet ne'ena 'alhua souaxat da 'arquisheguetaxac qataq na qauem maye 'auo'ottacpi.

Levítico 17:10

Qaq Aỹem, saishet da seshetaxateguet ca Israel le'ec, huo'otaq ca chegaqauec maye qami' netaiguilo, da chec ca lapat da ñaq huo'oi naua ltago'q, nache camaye so'orauec, ca'ai ñaqa'en ca lauo' le'ecpi.

Levítico 17:7

Huaña, nache saishet da ỹe'eguelaxalec na Israel le'ecpi da ỹanot ca lachetaqtaxanaxat ca ỹaqa'a atamnaxala' maye ne'enaqtac, 'eeta'am na quetaq da lataxac, souaxat da ỹo'ottac da nquisheshaxac. Qaq 'era qome da nache 'eetai' lataxac da qoyecỹaxaqui, qataq ca qami' chegoxogueta.

Éxodo 20:5

Qataq saishet da 'aua'atto'oto naua 'arllecte qataq saishet da 'avio'oxoreetac, cha'aye aỹem Nataxala' Nachaỹem 'Anatamnaxala', Aỹem ca'alaxanaxaic ỹoqo'oye sauo'o da nhuaxanaguec ca shiỹaxaua maye aỹem nquiỹatega, qataq ca llalaqpi qataq ca laualpi qataq na llalaqpi ca laualpi.

Levítico 20:4

Qaq na shiỹaxauapi maye lma' ne'ena 'alhua, da saishet da iqocha'a de'era qataq saishet da damaxasoxoolec da qaỹalauat que'eca shiỹaxaua,

Levítico 20:6

Qataq da huo'o ca nqo'ona ca ltaxaỹaxaua na nqui'ipi qataq na ilaviigui ca lỹa, nache Aỹem ỹataqta sataỹa'aguet que'eca shiỹaxaua, qataq so'orauec, ca'ai ñaqa'en ca lauo' le'ecpi, souaxat da nquisheshaxac da ca'attague' so Moloc.

2 Crónicas 21:11

Qaq nataqa'en somaye no'oxoosheguem so atamnaqa'pi da qanatamnot so ỹaqa'a atamnaxala'pi, maye huaña aye qasoxonaxapi ye Judá, qaq somaye nacheso som ỹauega da so lma' ye Jerusalén nquisheshigui da la'amqaanataxanaxac, qataq huaỹoxouec naqa'en so lma' ye Judá.

Jeremías 44:11

Qaq ỹoqo'oye, Aỹem Nataxala' maye Qaica ca Seqalanapec, maye Natamnaxala' na Israel le'ecpi, shenapec: Mashe iuennataxac da ñanacot ca qauem da qami' taleguete ñaqa'en, qataq selaxachigui 'enauac ye Judá.