Levítico 20:27 - La'aqtaqa Ñim Lo'onatac 'Enauacna 2013

²⁷ Qaq da huo'o ca ỹale, huo'otaq aca 'alo da hueto'ot da 'onataxac da ilaviigui ca lỹa, qataq ca detaxaỹapegue' na nqui'ipi, nache camaye qaỹalauat, qairota'a ca coma' laỹepi, nache maiche nasouaxateguet da nalaataguec.»

Levítico 20:27 Referans Kwoze

Levítico 19:31

Saishet qome da qanqo'oñiỹa ca ltaxaỹaxaua na nqui'ipi, qataq ca ilaviigui ca lỹa, cha'aye ỹo'ot da saishet da qui'itta da qarataxaqui. Qaq 'era da ỹa'aqtac, Aỹem Nataxala' maye Qanatamnaxala'ai.

Levítico 20:6

Qataq da huo'o ca nqo'ona ca ltaxaỹaxaua na nqui'ipi qataq na ilaviigui ca lỹa, nache Aỹem ỹataqta sataỹa'aguet que'eca shiỹaxaua, qataq so'orauec, ca'ai ñaqa'en ca lauo' le'ecpi, souaxat da nquisheshaxac da ca'attague' so Moloc.

Éxodo 22:18

Saishet qome da 'anca'alaxattauec aca conaxanaxai.

Hechos 16:16

Qaq can qomi' qaltaq ñeqo'onaxauga som qouagaxaunaqa', nache ñatenaqa'aguet aso qa'añole nlata maye huo'o so netaigui saqcha'a na'añaxac leguemaxaic maye ishet da ilaviigui ca lỹa. Qaq asomaye ỹataqta qalota naqa'en añi laueque so na'aco'pi, choche qaỹauegaxaatapigui da ilaviigui ca lỹa.

Levítico 20:2

«Qonapega qome na Israel le'ecpi qoneta': Da huo'o ca 'oonolec na Israel le'ecpi huo'otaq na chegaqauecpi maye netaña ne'ena 'alhua Israel, da huo'otaq ỹanot ca llalec ca atamnaxala' Moloc da ỹavigaxat da lachetaqtaxanaxat, nache ca lma' que'eca 'alhua iuen da ỹalauat camaye, irota'a ca coma' laỹepi da ỹasaq.

Levítico 24:14

«'Auauegueuga qome na pa'auec ye nanataqa' maye qanayeuta'a que'eca shiỹaxaua maye isheuen da ỹe'enaxat. Nache 'enauac na shiỹaxauapi maye hua'aqchigui co'ollaxa, nache ỹashel-lec na lqaic camaye. Ime, nache ỹalauat ỹauota'a na coma' laỹe da ỹasaq.

Números 15:35

Nache Ñim Nataxala' 'enapega so Moisés, 'eeta': «Ñi'iñi ỹale iuen da qaỹalauat, qaq 'enauac qome na Israel le'ecpi irolec ca coma'pi da ỹasaq, huaña ye pa'auec ye qanayeuta'a.»

Deuteronómio 21:21

Nache 'enauac qome ca shiỹaxauapi maye netaña que'eca huaqta'a't nỹecpi, nache ỹalauat qome camaye ira'a ca coma' da ỹasaq. Qaq 'era da 'eetec qome da imeuo qanqa'eñi que'eca qauem maye qami' huetanguilo, yaqto' 'enauac na Israel le'ecpi da ỹaỹaten de'era, nache huo'o qome da lcolanaxa.

1 Samuel 28:3

Qaq so Samuel mashe ileu co'ollaxa, nache qailareña ye Ramá maye maiche lalamaxat lma', nache 'enauac ye Israel da nỹeetapeguelec somaye. Qaq so Saúl mashe ỹo'orauec co'ollaxa som shiỹaxauapi maye ilaviigui ca lỹa, qataq so ima'aguet na nqui'ipi.

2 Crónicas 33:6

Nataqa'en ỹavigaxa't soua llalqa da yaqto' lachetaqtaxanqa'ate huaña so ca'amegue ye Ben Jinón, qataq napaxaguena da qaiỹaxaneuga na lqui'ipi so leuaxaicpi, qataq da qailaviigui ca nỹa, qataq da qanquigaxat da lataxac camachaqca, qataq lapaxañi da lataxac da qaiỹaxaneuga na nqui'ipi, qataq da ñi'iyaqnataxanaxac. Nache nquigaxattauec nam qauem maye ỹo'otpi, maye ỹataqta saỹaỹamaxaren Ñim Nataxala', nache ivira'a da inogoqchet Ñimaye.