Levítico 20:23 - La'aqtaqa Ñim Lo'onatac 'Enauacna 2013

²³ Saishet qome da qaue'enaxache da lataxac ye shiỹaxauapi maye so'orauec qome, cha'aye yemayepi ỹo'ottac 'enauac de'era, ỹoqo'oye Aỹem ỹataqta saỹemec.

Levítico 20:23 Referans Kwoze

Deuteronómio 9:5

Cha'aye saishet da nacheca da ỹaỹamaqchiguiñi maye qauo'ochiitac ca huo'omshe qauacoñiỹa yi'iye na'alhua yemayepi, cha'aye Ñim Nataxala' ỹo'orauec qome yemayepi souaxat da qauem lataxac da yaqto' ipacchigui da ỹachaxanapecot co'ollaxa soua hua'au' qarta'alli', Abraham, Isaac qataq Jacob.

Levítico 18:24

Saishet qome da qauo'oche de'era, cha'aye ỹo'ot da qami' nshepaxa'n. Cha'aye nachera da ishepaxanaqche't da lataxac yi'iye nhuo' le'ecpi maye so'orauec qome,

Levítico 18:30

Ỹoqo'oye, ỹataqta qoquiitegue qome na ỹamaxasoxonaxacpi, qataq saishet da qaue'enaxache da qauem lataxac so hua'auñi maye netalec yi'iye 'alhua, qom saxanaxa da qoñiỹalec yemaye, qataq saishet qome da qami' ishepaxanaqche't. Qaq 'era da ỹa'aqtac, Aỹem Qarataxala'ai maye Qanatamnaxala'ai.»

Levítico 18:3

Saishet qome da qaue'enaxache da lataxac ye Egipto le'ecpi, ye 'alhua maye qoñiitaña co'ollaxa. Saishet qome da qaue'enaxache da lataxac ye Canaán le'ecpi, ye 'alhua maye qami' sauegalo qome, qataq saishet da qaualaqailec da maiche lataxac yemayepi.

Levítico 18:27

cha'aye 'enauac ne'ena sa ỹaỹamaxañesat, ỹo'ottac co'ollaxa se'eso hua'auñi da netalec yi'iye 'alhua. Ỹoqo'oye yi'iye 'alhua ỹataqta nshepaxan da lataxac.

Zacarías 11:8

Qaq so 'oonolec ca'agoxoic, nache huaigui da samaqraue'c soua tres qagueta lo'ol, cha'aye mashe ñasamiisopa, qataq soomaye ỹataqta aỹem nquiỹalo.

Salmos 78:59

Nache Ñim Lo'onatac 'Enauacna denoỹa somayepi souaxat da ỹauaachigui de'era, nache sa ilo'oguet 'enauac ne'ena Israel le'ecpi,

Levítico 18:25

cha'aye ivira'a ye na'alhua yemayepi da ỹataqta nshepaxan da lataxac. Ỹoqo'oye Aỹem so'ot da nhuaxanaguec souaxat de'era lle'etaxaloxo, qataq ivira'a yi'iye maiche na'alhua da deqaiga yemayepi.

Levítico 18:2

«Qonapega qome na Israel le'ecpi da Aỹem, Nachaỹem Nataxala' maye Qanatamnaxala'ai.