Levítico 20:22 - La'aqtaqa Ñim Lo'onatac 'Enauacna 2013

²² Ỹataqta qoquiiteguelo qome naua lleco na iqataxacpi, qataq na ỹamaxasoxonaxacpi, qataq qaualaqaiguet. Yaqto' saishet qome da qami' ỹo'oldauec yi'iye 'alhua maye qami' sauegalo da yaqto' qaralamaxache.

Levítico 20:22 Referans Kwoze

Ezequiel 36:27

Qami' sanaiguilo qome so Saqcha'a Ỹa'añaxac, nache so'ot da qaupaquiitelec qome na iqataxacpi, qataq na ỹamaxasoxonaxacpi,

Salmos 119:160

Cha'aye naua 'ara'aqtaqa na'attaleguete da 'eesa lataxac, qataq chochaq tatec 'enauac na ỹaỹamaqchiguiñi 'aramaxasoxonaxacpi.

Salmos 119:145

'Am Nataxala', ỹataqta imauec da iquiyaqteỹaxac da 'am seỹaxanot, ñaq aỹem 'auasateguet qome yaqto' salaxagueta naua 'arqataxaco.

Salmos 119:80

Qaq da iquiyaqteỹaxac ỹataqta queteguelo qome, naua 'aramaxasoxonaxaco, yaqto' saishet da huo'o ca ỹa'aloxo.

Salmos 119:20

Cha'aye imauec ye na'a'q da seuet ana itogue, souaxat da iyaxa da saỹaten ca llec naua 'aramaxasoxonaxaco.

Salmos 105:45

da yaqto' ỹaỹamaxattec qataq ilotelec da llec na lqataxacpi, qataq na lapaxaguenataxanaxacpi Ñim Nataxala'. ¡Qaỹo'oxoren qome Ñim Nataxala'!

Salmos 119:175

Qaq ñaq aỹem 'anem qome ca ica'alaxa, yaqto' 'am sho'oxoreetac, qataq ñaq aỹem itaua'n qome naua nalochiyiñi 'arhuennataxaco.

Salmos 119:171

Ñaq nauoigui qome na aỹap ca ỹo'oxonnataxanaxac, cha'aye aỹem 'auapaxagueneque naua 'arqataxaco.

Deuteronómio 5:1

So Moisés iỹaxaneuga da laỹona't 'enauac so Israel le'ecpi nache, 'eeta': «Qami' Israel le'ecpi, ña qana'axaỹaxañiỹa nagui na qami' sanema nqataxacpi, qataq na qalapaxañi lataxacpi, nache qanapaxagueñiỹa qome qataq ỹataqta qauo'oche.

Deuteronómio 4:45

qataq na namaxasoxonaxacpi, nqataxacpi, qataq na qalapaxañi lataxacpi maye ỹa'axatem somayepi co'ollaq ca'ai ye Egipto,

Levítico 26:33

Nache qami' selagaxaaleguete ca ỹaqa'a 'alhuapi, souaxat da ñeqatsheguem ca ỹainec da yaqto' qami' secaata'ape, ivitta'a da ỹataqta toolec ñaqa'en ca qana'alhuai, qataq ñelaxaañi ca qaralamaxache huaqta'a't nỹecpi.

Levítico 19:37

Qaq ỹoqo'oye qoquiiteguelo qome naua lleco naua iqataxaco, qataq naua ỹamaxasoxonaxaco, qataq qaupaquiichiguilo qome. Qaq 'era da ỹa'aqtac, Aỹem Nataxala'.»

Éxodo 21:1

Qaq 'ena na iqataxacpi maye 'aua'aqtaxanem qome na Israel le'ecpi, 'eeta':

Salmos 119:164

Ỹoqo'oye siete da she'eguelaxalec ye na'a'q da 'am sho'oxoren, souaxat naua nalochiyiñi 'aramaxasoxonaxaco.

Salmos 119:106

Aỹem san co'ollaxa so ỹa'aqtac da yaqto' sepacchiguilo naua nalochiyiñi 'ara'aqtaqa.