Levítico 20:2 - La'aqtaqa Ñim Lo'onatac 'Enauacna 2013

² «Qonapega qome na Israel le'ecpi qoneta': Da huo'o ca 'oonolec na Israel le'ecpi huo'otaq na chegaqauecpi maye netaña ne'ena 'alhua Israel, da huo'otaq ỹanot ca llalec ca atamnaxala' Moloc da ỹavigaxat da lachetaqtaxanaxat, nache ca lma' que'eca 'alhua iuen da ỹalauat camaye, irota'a ca coma' laỹepi da ỹasaq.

Levítico 20:2 Referans Kwoze

Deuteronómio 21:21

Nache 'enauac qome ca shiỹaxauapi maye netaña que'eca huaqta'a't nỹecpi, nache ỹalauat qome camaye ira'a ca coma' da ỹasaq. Qaq 'era da 'eetec qome da imeuo qanqa'eñi que'eca qauem maye qami' huetanguilo, yaqto' 'enauac na Israel le'ecpi da ỹaỹaten de'era, nache huo'o qome da lcolanaxa.

Levítico 24:23

Nache so Moisés 'enapega so Israel le'ecpi, da ỹauegueuga ye pa'auec ye nanataqa' maye qanayeuta'a so shiỹaxaua maye isheuen da le'enaxat Ñim Lo'onatac 'Enauacna. Nache huaña, qaq qaỹalauat qaỹasaqtalec na coma' laỹepi. Nache so Israel le'ecpi ipactelec da lamaxasoxonaxac Ñim Nataxala' maye ỹamaxalec co'ollaxa so Moisés.

Levítico 24:14

«'Auauegueuga qome na pa'auec ye nanataqa' maye qanayeuta'a que'eca shiỹaxaua maye isheuen da ỹe'enaxat. Nache 'enauac na shiỹaxauapi maye hua'aqchigui co'ollaxa, nache ỹashel-lec na lqaic camaye. Ime, nache ỹalauat ỹauota'a na coma' laỹe da ỹasaq.

Levítico 20:27

Qaq da huo'o ca ỹale, huo'otaq aca 'alo da hueto'ot da 'onataxac da ilaviigui ca lỹa, qataq ca detaxaỹapegue' na nqui'ipi, nache camaye qaỹalauat, qairota'a ca coma' laỹepi, nache maiche nasouaxateguet da nalaataguec.»

Levítico 18:21

Qataq saishet qome da huo'o ca ỹan ca llalec da yaqto' lachetaqtaxanaxat da ỹanot ca atamnaxala' Moloc da yaqto' ỹavigaxat, cha'aye saishet da huo'o ca ỹe'enai' na Atamnaxala'. Qaq 'era da ỹa'aqtac, Aỹem Nataxala'.

Hechos 7:43

'A'i, saishet, chaqrata da qami' qauacheetac qataq qauauo'oi lpe'l so qare'enaqtaqui maye lqui'i so Moloc, qataq so lỹa qare'enaqtaqui lqui'i so Refán maye 'eeta'am da no'onataxac ana huaqaañi. Qaq se'esoua ne'enaqtaqa qami' qauo'oche' co'ollaxa da yaqto' nachesoua qavio'oxoyiñiita'ape. Ỹoqo'oye Aỹem qami' ñeqateeguesopa nagui ne'ena qarmaye, nache qami' samaxalo ye 'alhua maye pa'aigue da laỹe ye Babilonia.

Ezequiel 23:39

Qaq nacheso se'eso na'a'q co'ollaq ỹavigaxat so llalaqpi da ỹo'oxoren so lqolacpi, nache naua'a añi qui'itta atamnaxaqui maye ỹalamaqte, nache ishepaxanaqchet. ¡Qaq 'era dam ỹo'ot co'ollaq huaña ñim ỹalamaxat ima'!

Ezequiel 23:37

Soomaye saishet da Aỹem ỹalaxareguet, qataq huaguilo naua lhuaxaye na ntago'q. Soomaye Aỹem saỹalaxareguet nache ỹo'oxoreetrac so lqolacpi, qataq souaxat da llo'oxonnataxanaxac somayepi, nache ỹaneuo da qaỹavigaxat so lalamaxat llalaqpi maye sanema co'ollaxa soomaye.

Ezequiel 20:31

Da qaỹa'añiitegueuo ana qarachetaqtaxanaqche, qataq da qaỹa'añi na qaỹa'alquipi da qaỹavigaxat, nache damaye ỹa'axat da qami' ña qoquiito'ot da nshepaxan da qarataxaqui, ¿qaq peta'a nachera da qaupicheetega da lataxac qami' Israel le'ecpi, da qauanaqui da Aỹem qaunache? Aỹem nataxala', maiche ñañan da san da ỹa'aqtac, da saishet qome da qami' ña'aqtaxaneto.

Ezequiel 20:26

Qataq sa'aqta'a da nshepaxan da lataxac, souaxat da ỹaatacot ana lachetaqtaxanaqtepi na nqolacpi, qataq ỹaneuo na ỹepi llalaqpi da lachetaqtaxanaxat qaỹavigaxatta. Qaq damaye so'ot da yaqto' namayepi nlaxagui da lcolanaxa, qataq yaqto', Aỹem ỹauatton da nachaỹem Nataxala'.

Jeremías 32:35

Nataqa'en no'oxoosheguem ana nca'atoxonaxalatepi da natamnot so Baal ỹanaña ye ca'amegue Ben Jinón, da yaqto' ỹavigaxat na llalaqpi qataq ana llalepi 'alpi da yaqto' ỹanot so Moloc, qaq 'eetec de'era da yaqto' ỹauo'o da lasouaxashet na Judá le'ecpi, da ỹo'ot nam ỹataqta seqaiga qataq saishet da samaxalec co'ollaxa qataq saishet da seuennatega.»

Jeremías 7:31

Qataq ỹanangui so ca'amegue ye Ben Jinón, aso nca'atoxonaxalate maye lalamaqte so atamnaxala' Tofet da yaqto' ỹavigaxat so llalaqpi qataq aso llalepi, dam saishet da samaxalec co'ollaxa, qataq saishet da iuennataxa co'ollaxa.

Salmos 106:38

Qataq icorec so ntago'q maye qaica ca ỹasouaxat, ltago'q so llalecpi qataq aso llalepi maye ỹavigaxat da ỹanot se'eso natamnaxala'pi na netaña ye Canaán, nache se'eso ntago'q maye qaicorec na'aqchet na 'alhua.

2 Crónicas 33:6

Nataqa'en ỹavigaxa't soua llalqa da yaqto' lachetaqtaxanqa'ate huaña so ca'amegue ye Ben Jinón, qataq napaxaguena da qaiỹaxaneuga na lqui'ipi so leuaxaicpi, qataq da qailaviigui ca nỹa, qataq da qanquigaxat da lataxac camachaqca, qataq lapaxañi da lataxac da qaiỹaxaneuga na nqui'ipi, qataq da ñi'iyaqnataxanaxac. Nache nquigaxattauec nam qauem maye ỹo'otpi, maye ỹataqta saỹaỹamaxaren Ñim Nataxala', nache ivira'a da inogoqchet Ñimaye.

2 Crónicas 28:3

Qataq nataqa'en ỹavigaxat so lchenaxanaxat huaña ye ca'amegue maye le'enaxat Ben Jinón, qataq ỹaneuo so llalaqpi da lachetaqtaxanaxat qaỹavigaxatta, nache ỹe'enaxatchigui da lataxac so shiỹaxauapi maye Ñim Nataxala' ỹo'orauec co'ollaxa, ỹauaachigui naqa'en so Israel le'ecpi.

2 Reyes 23:10

So Josías nataqa'en nlaxaañi aso nca'atoxonaxalate maye naña aso lcomaraxalate ye Ben Jinón, yaqto' qaica ca ỹavigaxat ca llalec, huo'otaq aca llale da ỹanot so atamnaxala' Moloc.

2 Reyes 17:17

Nataqa'en ỹaneuo so llalaqpi qataq aso llalepi da qaỹavigaxat, qataq napaxagueetega da ila'a cam saqcha'a, qataq da lli'iyaqnataxanaxac, nache ỹo'ot nam ỹataqta qauem maye sa ỹaỹamaxaren Ñim Nataxala', nache inogoqchet Ñimaye.

Deuteronómio 18:10

Qataq saishet da huo'o ca 'oonolec da qoñiita da ỹaneuo ca llalec, huo'otaq llale alo da lachetaqtaxanaxat qaỹavigaxat, qataq saishet da napaxaguena da yaqto' ilaviigui ca lỹa, huo'otaq da ỹa'axata'a ca ñaq natauo, qataq saishet da ỹo'ot da naconaxanaxac.

Deuteronómio 12:31

Saishet qome da nache qoñiitec de'era, cha'aye Ñim Nataxala' maye Qanatamnaxala'ai, ỹataqta deqaiga 'enauac na ỹo'ottac yi'iye shiỹaxauapi, cha'aye da ỹo'oxoren nam natamnaxala'pi yemayepi, nache ivira'a da ỹavigaxat na llalec qataq ana llale da ỹanot na natamnaxala'pi da lachetaqtaxanaxat.

Levítico 17:15

Nache ca Israel le'ec huo'otaq ca chegaqauec, da chec ca lapat ca shiguiỹac leuaxaic, huo'otaq ca lalaatac ca shiguiỹac maye dequi'iỹapec, camaye iuen da iỹoi' caua alogo qataq nachel, qalaxaye camaye saishet da qui'itta ivitta'a da pe. Qaq da ime, nache qui'itta.

Levítico 17:13

Nache da huo'o ca Israel le'ec huo'otaq ca chegaqauec maye qami' netaiguilo da ne'epe, nache da loxonec ca shiguiỹac, huo'otaq ca qoỹo maye ishet da qanallec, nache ỹa'auaxaañi da nqat na ltago'q ca loxonec. Ime, nache imeelec na 'alhua que'eca ntago'q,

Levítico 17:8

Nataqa'en qonapega, na Israel le'ecpi qataq na chegaqauecpi maye qami' netaiguilo, da huo'o ca ỹaneuo ca lachetaqtaxanaxat maye qaỹavigaxatta, huo'otaq ca lỹa lachetaqtaxanaxat,

Levítico 20:1

Ñim Nataxala' 'enapega so Moisés, 'eeta':

1 Reyes 11:7

Qaq se'esoua vi'iye, nache huaiguilo da so Salomón, ỹanalec aso qasoxonaxa maye pa'aigue da nala' lliguisheguem ye Jerusalén, so atamnaqa' da yaqto' qanatamnot so Quemos, som nqaigaxat lqolac so Moab le'ecpi, qataq so Moloc, som nqaigaxat lqolac so Amón le'ecpi.

Levítico 24:16

Qaq 'enauac cam ỹo'ot da l-laraxanaxac qataq da isheuen da le'enaxat Ñim Nataxala', nache qaỹalauat. Nache 'enauac ca lapoota'a't Israel le'ecpi ỹalauat, ỹauota'a na coma' laỹe da ỹasaq. Qaq nache 'ena'am ca chegaqauec huo'otaq Israel le'ec, cha'aye ỹo'ot da l-laraxanaxac, qataq isheuen da le'enaxat Ñim Nataxala', nache camaye qaỹalauat.»

Deuteronómio 17:2

«Qaq da huo'otaq huo'o ca ỹale, huo'otaq 'alo, nam maiche qarhuo'oi le'ecpi, maye netaigui ca huaqta'a't nỹecpi maye ỹotta'a't naua nañalo maye qami' ỹanema qome Ñim Nataxala' da ỹo'ot ca sa ỹaỹamaxañi da ỹauaachigui Ñim Nataxala', qataq sa ỹalaxaguet na naỹamaxataxacpi Ñimaye,

Deuteronómio 22:21

nache acamaye qaỹauegueua'a ca lasom ca lma' ca lta'a da yaqto' ca ỹalleppi que'eca huaqta'a't nỹecpi, ỹalauat acamaye irolec ca coma' da ỹasaq, cha'aye ỹo'otec da qauem na Israel qataq ca qauem na'aqtaguec ca lma' ca lta'a. Qaq 'era da 'eetec da qanqacheeua'a 'enauac qome ca qauem maye qami' huetanguilo.