Levítico 20:18 - La'aqtaqa Ñim Lo'onatac 'Enauacna 2013

¹⁸ Qaq da huo'o ca ỹale da hue'eguet aca 'alo da huo'o da na'axac, nache caamaye qaỹo'oldaue'c, ca'ai qanqa'en na lauo' le'ecpi.

Levítico 20:18 Referans Kwoze

Levítico 18:19

Qataq saishet qome da huo'o ca hue'eguet aca 'alo da saishet da qui'itta souaxat da na'axac.

Levítico 15:24

Qaq ca ỹale da hue'eguet acamaye, nache camaye nataqa'en saishet da qui'itta caua siete na'axa'te, qataq 'enauac ca mala'pi maye nnaalec camaye saishet da qui'itta.

Ezequiel 22:10

Qataq huo'o na huetapeeguet aca lhua ca lta'a, qataq huo'o na ỹayena'a da hue'eguet ana 'alo, da ñaq huetaigui da na'axac.

Ezequiel 18:6

camaye saishet da ỹalegueua'a ca nquia'axac maye huaña ana lcomaraxalatepi da yaqto' qaỹo'oxoren na nqolacpi, qataq saishet da ỹa'amaqten nam saq'en atamnaxala'pi na Israel, qataq saishet da deuotaxanec aca lhua ca lqaỹa, qataq saishet da hue'eguet aca lhua da ñaq huetaigui da na'axac,

Levítico 12:2

«Qonapega qome na Israel le'ecpi, qoneta': Aca 'alo hualaxai, da ỹale ca llalec da ivita da deco'o, nache ivi' siete na'axa'te da saishet da qui'itta, qaq nache 'eeta'am da ivita da huo'o da na'axac.

Éxodo 30:33

Qataq da huo'o ca ỹo'ot ca ncoraxanaxat da 'eeta'am da no'onataguec namaye, qataq da icorelec ca camachaqca shiỹaxaua, nache camaye qaỹo'orauec, ca'ai qanqa'en ca lauo' le'ecpi.»