Levítico 20:14 - La'aqtaqa Ñim Lo'onatac 'Enauacna 2013

¹⁴ Qaq da huo'o ca ỹale da ỹauo'o lhua aca 'alo, qataq aca llale acamaye, nache caamaye ỹataqta qauem da ỹo'o't, qaq 'enauaque qome da nca'altraue'c qanqa'en da qaỹavigaxa't, yaqto' saishet qome da huo'o ca ỹe'enaxa't caamaye.

Levítico 20:14 Referans Kwoze

Levítico 18:17

Qataq saishet da huo'o ca huetapeeguet aca 'alo maye mashe nmate', qataq aca llale acamaye, huo'otaq aca laual maye llale ca llalec, huo'otaq aca llale, cha'aye 'eeta'am da maiche lalamaqte. Qaq ỹoqo'oye damaye ỹataqta sa ỹaỹamaxañi da qaỹo'ot.

Deuteronómio 27:23

Ỹataqta qauem qome ca talec nhuaxanaguec ca ỹale da lauañi' aca lachoro. Nache 'enauac qome na nhuo' le'ecpi, 'eeta': Aja', nache 'eetec.

Amós 2:7

Qataq huetaiya' naqa'en na choxoraqpi, qataq saishet da ỹo'otec ca ỹaỹamaqchiguiñi lataxac nam qaica ca la'amaqchec. Qataq so nta'a qataq so ñalec qalaq lauatrapiguiñi' aso 'oonole 'alo, nache qaica ca 'enec naqa'en da qui'itta ỹe'enaxat.

Josué 7:15

Nache ca hueto'ot que'eca nhuotaxanaxat maye qoỹan da yaqto' qailaxachigui, camaye nacheca qome ca qaỹavigaxat, lỹaueegue' 'enauac ca llalaqpi qataq 'enauac ca lalamaxatpi, souaxat da ỹo'otec da la'aloxo na Israel le'ecpi, qataq souaxat da sa ỹalaxalec da naỹamaxataxac Ñim Nataxala'.»

Josué 7:25

Huaña, nache so Josué 'enapego' somaye, 'eeta': «¿Ta'ainco' da qomi' taleguete 'anqa'en de'era qauem? Qaq nagui, Ñim Nataxala' 'am talec naqa'en de'era qauem maye qomi' 'auo'oteque.» Qaq co'ollaq choche ime da nasaxauec de'era so Josué, nache 'enauac so Israel le'ecpi irota'a na coma' da ỹalauat so Acán qataq so lalamaxat llalaqpi, ime nache qaỹavigaxat somayepi.

Levítico 21:9

Qaq aca llale ca ntaxaỹaxanaxanec da ỹacona da nquisheguetaxac, nache acamaye ỹe'en ca lta'a, nache iuen da nca'altauec qanqa'en da qaỹavigaxat.