Levítico 20:10 - La'aqtaqa Ñim Lo'onatac 'Enauacna 2013

¹⁰ Qaq ca shiỹaxaua da lauañi' aca lhua ca lỹa, nache que'eca ỹale qataq aca 'alo qaỹalaua't.

Levítico 20:10 Referans Kwoze

Deuteronómio 5:18

Saishet da 'arauañi' aca sa 'arhua.

Levítico 18:20

Qataq saishet qome da huo'o ca lauatapiguiñi' aca mashe huo'o ca lhua, yaqto' saishet da ỹo'ot da sa saishet da qui'itta souaxat acamaye.

Éxodo 20:14

Saishet da 'arauañi' aca sa 'arhua.

2 Samuel 12:13

Nache so David, da'aqtaxanem so Natán, 'eeta': Aỹem, huo'o da ỹasouaxashet hueto'ot Ñim Nataxala'. Nache so Natán, 'enapeco': Ñim Nataxala', mashe ỹapalaxat da 'arasouaxashet, qaq saishet da 'aleu qome.

Números 5:13

nache lauañi' ca lỹa ỹale, qalaxaye ca lhua aca'aca 'alo saishet da ỹaỹaten da saỹalemaq acamaye, cha'aye ỹataqta ỹoxotchiguiñi de'era ỹo'ot, qataq qaica ca ỹauangui acamaye da yaqto' ỹa'axat da 'eesa da huo'o ca ỹo'ottac.

2 Samuel 11:5

Qaq asomaye hualaxai co'ollaxa, ime, nache da'aqtaxanem so David.

Da na'aqtaguec so Job 31:11

Cha'aye damaye ỹo'ot da qauem na'aqtaxanaxac, ỹoqo'oye na aloico lo'o' iuen da nmit, nache ỹauo'o ca nhuaxanaguec.

Malaquías 2:15

Qaq ¿Saisheto' peta'a da ỹo'ot Ñim Nataxala' dam 'oonolec no'ocỹaxac qataq dam saq cha'a nca'alaxa? Qaq ¿ta'ainco' da 'oonolec? Cha'aye Ñimaye nmittaique da 'enauac nam nhuo' le'ecpi ỹataqta ñañanot Ñimaye. Qaq ỹoqo'oye qanchelỹa'a qome da maiche qarca'alaqai, qataq saishet da qoquiỹa'ai anam qarhuaipi co'ollaq ñaq qami' nsoxoppi.

Da na'aqtaguec so Job 31:9

Da huo'otaq nasheeta da iuennataxac da seca'ategue aca 'alo, huo'otaq da ñauaatac ca nasom aca lhua ca iuoreua,