Levítico 2:13 - La'aqtaqa Ñim Lo'onatac 'Enauacna 2013

¹³ Qaq 'enauac aca'aca nachetaqtaxanaqtepi maye chegaqaigui ana ala ca nañiguishec, iuen da qaỹalecneguet ca toue, cha'aye ca toue naigui da nache 'eetai' de'era aỹamaxataxac Ñim Qanatamnaxala'ai. Qaq ỹoqo'oye 'enauac aca laỹepi nachetaqtaxanaqtepi iuen da qaỹalecneguet ca toue.

Levítico 2:13 Referans Kwoze

Ezequiel 43:24

ime nache Aỹem 'aỹa'anoto caamaye. Qaq ca ntaxaỹaxanaxanecpi ichegoxolec qome ca toue, ime nache ỹavigaxat da nachetaqtaxanaxat da Aỹem ỹanot.

Mateo 5:13

Qami' qoñiita'am ca toue maye iuen nam shiỹaxauapi maye huetalec ana 'alhua. Qalaxaye ca toue da huo'otaq imeuo na lle'euaxa, qaq ¿ishet peta'a da qaltaq ỹe'eguelaxalec da no'on? Camaye nache saishet da huo'o ca taiguet. Nachaqrata da qaỹasaxauec, qataq choche pigui nam shiỹaxauapi.

Colosenses 4:6

Naua qartaxaỹaxacolli' ỹataqta qaỹaỹamaxareete' qataq ỹataqta qanqopitalo. Ñi 'oonolec da qoñiita iuen da ỹaỹaten da ỹaỹamaqchiguiñi ca lasataxac da ỹasateguet ca 'oonolec namayepi.

2 Crónicas 13:5

Qami', ¿peta'a sa qauaañi da Ñim Nataxala', maye Natamnaxala' na Israel le'ecpi, da ỹanem co'ollaxa so David, qataq na llalaqpi somaye, da chochaq tatec da ilotague' na Israel le'ecpi, co'ollaq ỹo'ot so naỹamaxataxac maye saishet da qanlaxaañe?

Números 18:19

Nache 'enauac qome na iỹotauga lachetaqtaxanaxat da Aỹem ỹanot na Israel le'ecpi, nache 'am taỹot qome, qataq naua 'aỹa'alqa ỹale't, qataq naua 'alol maye ñaq 'am neto'oto. Qaq 'era da lataxac maye nache 'eetai' qome da qaỹo'ottac. Nache de'era ñaỹamaxataxac da 'am ñaỹamaxate' maye 'eeta'am da qaỹalecnaxana ca toue, damaye nache 'eetai' qome da 'auo'ottac 'am qataq cam 'am chegoxoguetpi.»

Esdras 7:22

Qataq qoỹanem qome ca tres mil trescientos kilos ca lcat plata, qataq diez mil kilos ca trigo, qataq dos mil doscientos litros ca lataxa qataq dos mil doscientos litros ca aceite, qataq maiche ca tachiguiña qanqa'en ca toue.

Éxodo 30:35

nache 'enauac camaye 'aualecna't da yaqto' 'auo'ot ca ỹataqta no'on da laitaỹaxac nchenaxanaxat, 'aue'enaxatchigui ca lo'o na coraxatpi da ỹo'ot ca ỹotta'a't coraxatpi.