Levítico 19:5 - La'aqtaqa Ñim Lo'onatac 'Enauacna 2013

⁵ Qaq da qaỹa'añiiua'a Ñim Nataxala' aca qarachetaqtaxanaqche maye qanhuaachigui, nache qaỹa'añiỹot aca ỹaỹamaxareeta Ñimaye.

Levítico 19:5 Referans Kwoze

Levítico 22:29

Qaq da huo'o ca ỹaneuo aca lachetaqtaxanaqte da ỹanot da na'achecỹaxac Ñim Nataxala', nache ỹaỹamaxatchiguiñi qome yaqto' ỹataqta qaỹaỹamaxareeta.

Levítico 7:16

Qalaxaye da qoỹaneuo aca nachetaqtaxanaqte da huo'o ca qoỹan na'aqtac, huo'otaq aca nachetaqtaxanaqte maye maiche chegoqchigui da qoỹan, nache acamaye iuen da nache qanallec que'eca na'a'q maye huetoigui da qoỹaneuo, qaq ca no'onañi, nache ishet da qanallec ca lỹa na'a'q.

Levítico 22:19

nache iuen da qoỹaneuo ca shiguiỹac lhuaraic, qataq qaica ca lque'emaxa yaqto' qaỹaỹamaxareeta. Qataq ishet da huaca, huo'otaq qagueta huo'otaq quetaq,

Levítico 1:3

Nache que'eca shiguiỹac maye ỹaneuo da lachetaqtaxanaqte da qaỹavigaxatta, da huo'otaq huaca, nache ỹauota'a ỹale, qataq qaica ca lque'emaxa yaqto' ỹaỹamaxareeta Ñim Nataxala'. Ime, nache iroua'a ye ñegueuo ñi npe'l maye huaña naxa da qanauane' Ñimaye.

Ezequiel 46:12

Qaq ca nta'a da ỹanot aca lachetaqtaxanaqte Ñim Nataxala' maye maiche chegoqchigui da ỹan, 'eeta'am ca shiguiỹac qaỹavigaxatta, huo'otaq aca lachetaqtaxanaqte maye ỹa'axat da nmanaxac, nache qaỹauatoigui qome ca lasom maye pa'aỹa'ague da nala' lliguisheguem, nache ỹan aca lachetaqtaxanaqte 'eeta'am naqa'en naxa da 'eetec ye na'a'q mataxaqui. Qaq da choche huenoxonec camaye, nache qaỹapogui ca lasom.

Ezequiel 46:2

Qaq ca nta'a qalaq iuen da tateua'a ñi lasom maye naña ye qasoxoc pa'aỹauec, qaq nache nachattañi qome huaqta'ai' aca 'oonole lauoqte ñi lasom, qaq ca ntaxaỹaxanaxanecpi qalaq ỹavigaxattac qome cam shiguiỹacpi maye nachetaqtaxanaxat, qataq ca nachetaqtaxanaxat maye ỹa'axat da manaxac, maye ỹaneuo ca nta'a, qaq camaye ỹa'alyiñi qome naua l-llectel nache iviraxata'aguet na latap na 'alhua, qaq ime, nache pa'auec. Qaq que'eca lasom saishet qome da napogui choche ivitta'a da avit.

2 Crónicas 31:2

Qaq co'ollaq ime nache so Ezequías, naloqchiiñi so ntaxaỹaxanaxanecpi qataq so leviitapi, ỹauo'oi naua laloqo'ote da do'onataxan, yaqto' ñi 'oonolec, ỹo'ot da maiche lo'onataxanaxac, qataq da ỹaneuo na nachetaqtaxanaxat maye qaỹavigaxatta, qataq ana nachetaqtaxanaqte qanhuaachigui, qataq da ỹan da 'achecỹaxac, qataq ỹo'oxoren Ñim Nataxala' da huaña ye ñegueuo aso atamnaxaqui.

Levítico 22:23

Nachaqcata ca nachetaqtaxanaxat maye maiche qoỹan, nache ishet da qoỹaneuo ca huaca, huo'otaq qagueta na'aictaxa da ichiỹañi na lỹa lapia', qalaxaye da nachetaqtaxanaxat souaxat da huo'o ca qoỹan na'aqtac, nache saishet da qaỹaconeguet.

Levítico 22:21

Qaq da huo'o ca shiỹaxaua da ỹanot Ñim Nataxala' ca lachetaqtaxanaxat qanhuaachigui, huo'otaq souaxat da huo'o ca ỹan la'aqtac, huo'otaq ca lachetaqtaxanaxat maiche chegoqchigui da ỹan, nache camaye iuen da ỹaneuo ca huaca, huo'otaq qagueta qaica ca lque'emaxa da yaqto' qaỹaỹamaxareeta.

Éxodo 24:5

Ime, nache ỹamaq so nsoxoppi Israel le'ecpi da ỹauo'o ca lachetaqtaxanaxat huaca maye qaỹavigaxatta qataq aca nachetaqtaxanaqte maye qanhuachiigui.

Levítico 19:4

Saishet da qanqo'oñiỹa da huo'o ca qoñiitapeguec ca ne'enaqtac lqui'ipi na atamnaxala'pi, qataq saishet da huo'o ca ỹo'ot ca le'enaqtac lcat, cha'aye Nachaỹem Nataxala' maye Qanatamnaxala'ai.

Levítico 19:6

Qaq que'eca shiguiỹac maye qoỹaneuo, camaye iuen da nache qanallec que'eca na'a'q, qaq ca no'onañi nache ishet da qanallec ca lỹa na'a'q. Qaq ca ivirauga ca na'a'q tres, nache iuen da qaỹalat, qataq qaỹavigaxat.

Levítico 7:18

Qaq da huo'otaq huo'o ca chec que'eca lapat maye ivirauga ca na'a'q tres, nache Ñim Nataxala' saishet da ỹaconeguet qataq qaica ca naigui naqa'en aca'aca nachetaqtaxanaqte, cha'aye mashe qauem. Qaq que'eca shiỹaxaua maye chec que'eca lapat, camaye nque'etaxangui qome ca lasouaxashet.