Levítico 19:34 - La'aqtaqa Ñim Lo'onatac 'Enauacna 2013

³⁴ Nacherata da 'eeta'am da qoñeetec ca maiche qarhuo'oi le'ec da ỹataqta qauauochec camaye, cha'aye nache 'ena'am da qoñiita. Cha'aye nache 'eetec qami' co'ollaq qoviita'a ye Egipto da qauachegoqỹauec. Qaq 'era da ỹa'aqtac, Aỹem Nataxala' maye Qanatamnaxala'ai.

Levítico 19:34 Referans Kwoze

Deuteronómio 10:19

Ỹoqo'oye qami' nataqa'en qauauochec qome ca chegaqauec, cha'aye qami' nataqa'en qauachegoqỹauec co'ollaq qoñiitaña ye Egipto.

Levítico 19:18

Saishet da huo'o ca ipalaique lvi' da ỹe'enaxata'aguet ca qaỹo'otec, qataq saishet da nache queta da nquiỹatega ca lỹa da huo'o ca ỹasouaxat. Nacherata da ỹauotec ca lỹa, 'eeta'am da ỹauotec da maiche nachaalataxac. Qaq 'era da ỹa'aqtac, Aỹem Nataxala'.

Mateo 5:43

'Era nataqa'en da lỹa damaxasoxoolec so Moisés soua qaỹoqteguelo vi'iye, 'eeta': «'Auauotec ca 'arqaỹa, qalaxaye ỹataqta 'anquiỹa ca 'am ipa'agueetac.»

Éxodo 22:21

Saishet qome da sa qauyacñiỹapec qataq qavi'iñiỹai' ca chegaqauec, cha'aye qami' nataqa'en qauachegoqỹauec, qauachoqỹa'a co'ollaxa ye Egipto.

Números 10:32

Qataq da qomi' 'auca'ateguelo, nache 'am ivirauga nataqa'en 'enauac nam no'on lchoxonnataxanaxatpi maye qomi' ỹanema qome Ñim Nataxala'.

Deuteronómio 23:7

Qalaxaye saishet qome da qauqaiquiitega na edomiitapi, cha'aye namayepi maiche qarhuo'oi le'ecpi. Qataq na Egipto le'ecpi, cha'aye co'ollaq qoñiitaña ye na'alhua namayepi, nache qami' choche qauachegoqỹauec.

Salmos 146:9

Ñim Nataxala', ntela'a nam chegaqauecpi, qataq itauan nam qaicaua caua lta'al qataq ana pa'aipi, qalaxaye ỹo'ot da deqat da nqa'aicỹaxac nam qauemaicpi.

Levítico 19:3

Ñi 'oonolec ỹataqta huo'o da 'enec naqa'en ca lta'a, qataq aca late'e. Qataq ỹataqta huo'o naq 'enec qanqa'eñi ye na'a'q mataxaqui, cha'aye Nachaỹem Nataxala' maye Qanatamnaxala'ai.

Deuteronómio 23:8

Qaq na chegoxoguetpi namayepi da ivi' da tres da nqochen ca llalaqpi, nache ishet qome da ỹalegoigui qanqa'eñi ca naponaxac maye lalamaxat Ñim Nataxala'.

Rut 2:10

Nache aso Rut ỹa'alyiñi naua l-llecte, nache iviraxata'aguet naqa'en na latap na 'alhua, nache inat so Booz, 'eeta': ¿Ta'ainco' da aỹem taalec da 'arauotaxanaqtaic, ye aỹem choche sachegaqauec?

Ezequiel 47:22

Qaq nachena qome nam qami' taỹoto da yaqto' qaralamaxache, qataq nataqa'en cam chegaqauecpi maye qami' ỹalectaiguilo, qataq da huo'o ca llalaqpi cam chegaqauecpi maye qami' netaiguilo. Qaq camayepi iuen da 'eeta'am qanqa'eñi da ỹataqta lañoqo' na Israel. Qom ivita da qancolaxachiigui na 'alhua qami' maye qauachegoqoiguet so Israel, nache nam chegaqauecpi nataqa'en qome huo'o ca taỹot 'alhua.