Levítico 19:32 - La'aqtaqa Ñim Lo'onatac 'Enauacna 2013

³² Ỹataqta 'anachaañi da 'auqocha'a ca ỹa'axaiquiolec, souaxat da huo'o naq 'enec 'anqa'en. Qataq huo'o naq 'enec 'anqa'en na 'Anatamnaxala'. Qaq 'era da ỹa'aqtac, Aỹem Nataxala'.

Levítico 19:32 Referans Kwoze

1 Timoteo 5:1

Saishet da 'arolec ca 'artaxaỹaxac sa nsatta da 'auqata ca nqueroxonec. Nachaqrata da 'auchettot da qonapega, 'aue'enaxattem ca 'aralamaxat 'arta'a. Qataq da qonapega ca nsoq, qalaq 'aue'enaxattem ca maiche 'arqaỹa.

Lamentaciones 5:12

Som qarataxala'pi qalaq qaicoñerashegue'm co'ollaxa naua lhuaxaye, qataq so qarqueroxonecpi qalaq qaica ca 'enec qanqa'en.

Proverbios 16:31

Ana napagaxai nachana ana ỹo'oxoren da nqueroxo, qataq anamaye 'itchiguiñi da laueque ca ỹaỹamaqchiguiñi da lataxac.

Proverbios 20:29

Da ỹo'oxoren na nsoxoppi nachera da la'añaxac, qaq da ỹo'oxoren na ỹa'axaiquipi qalaq nachana ana lapagaxai.

Da na'aqtaguec so Job 32:6

nache detaqa so Eliú, som llalec so Baraquel, maye lma' ye Buz, 'eeta': «Cha'aye ñaq aỹem nsoqolec, qaq qami' ye mashe qami' ỹa'axaiqolqa, ỹoqo'oye huo'o da icolanaxa da qoñiita da sa'axa't naua iuennataxaco.

Da na'aqtaguec so Job 32:4

Qaq cha'aye so Eliú ñaq nsoqolec, saq 'ena'ama soomaye da mashe ỹe't, nache iuata'alo da ỹaxaayiñi da detaqtracot so Job,

1 Pedro 2:17

Nachaqrata da ỹataqta huo'o naq 'enec qanqa'eñi 'enauac na shiỹaxauapi qataq ỹactec qanqa'eñi da qarauotaxanaqtaiqui nam ỹa'amaqten So Jesús. Qavio'oxoyiñi Ñim Lo'onatac 'Enauacna qataq huo'o naq 'enec qanqa'eñi ñi lataxala' na nta'alpi maye netaña ye nỹecpi ye Roma.

Romanos 13:7

Qaq ỹoqo'oye iuen da ñi 'oonolec shiỹaxaua isheeten acam iuen da isheeten, da huo'otaq nachañi añi iỹaxanaique ca nta'a huo'otaq aca qalaỹootega't ntaunaxanaqte, huo'otaq cam iuen da huo'o naq 'enec qanqa'en huo'otaq souaxat da huo'o da nauoche.

Isaías 3:5

Nache na nhuo' le'ecpi qaica qome ca qairen, ñi 'oonolec qalaq npa'aguene' ca maiche lỹa, qataq ca lỹa npa'aguene' ca maiche nauochaxaua, qataq ca nsoxoppi npa'aguene' ca ỹa'axaiquipi, qataq cam no'otanecpi npa'aguene' ca 'amaqtaqaicpi.

Levítico 19:14

Saishet da huo'o ca isheueetac ca da'añaigui na lqaic. Qataq saishet da huo'o ca quia'aqñi naqa'en ca sa nauaañi, souaxat da huo'o naq 'enec qanqa'eñi Aỹem. Qaq 'era da ỹa'aqtac, Aỹem Nataxala'.

1 Reyes 2:19

Qaq ime, nache aso Betsabé taua'a so nta'a Salomón, da detaqlec so Adonías. Nache se'eso nta'a ñisheguem co'ollaxa da ilo'oguet aso late'e, qataq nqollemñi da iquin asomaye. Ime, qaltaq nso'ooñi, nache damaxasoxon da qairouo aso nso'onaxaqui aso late'e, nache asomaye nso'oochiguiña na pa'aigue da aloic so nta'a.

Génesis 31:35

Qaq huaña nache aso Raquel 'enapeco': «'Am taxare, saishet qome da 'aualemata, aỹem saishet da 'am ñachaateguet, cha'aye souaxat da ivita ye laloqo' da ña'axac.» Qaq so Labán ye nmittrapigui soua lqolac, qalaxaye saishet da ỹanatalo,

2 Reyes 17:36

Nacheñita Ñim Nataxala' maye qami' nqateeguesopa co'ollaxa ye Egipto, ỹauota'a da lta'araic la'añaxac. Nacheñita qome da huo'o naq 'enec qanqa'eñi, qavio'oxoreñiitac, qataq qaỹa'añiỹot ana qarachetaqtaxanaqche.

Proverbios 23:22

Ỹataqta 'aualaxaguet ca 'arta'a maye 'am lo'onatac, qataq saishet da 'auo'otan aca 'arate'e qom mashe ỹa'axaina'.

Génesis 48:12

Nache so José nqateeguesopa soua nogotolqa naua lteltaye so lta'a, nache ỹa'alyiñi naua l-llecte, qataq iviraxata'aguet na latap na 'alhua.