Levítico 19:31 - La'aqtaqa Ñim Lo'onatac 'Enauacna 2013

³¹ Saishet qome da qanqo'oñiỹa ca ltaxaỹaxaua na nqui'ipi, qataq ca ilaviigui ca lỹa, cha'aye ỹo'ot da saishet da qui'itta da qarataxaqui. Qaq 'era da ỹa'aqtac, Aỹem Nataxala' maye Qanatamnaxala'ai.

Levítico 19:31 Referans Kwoze

Isaías 8:19

Qaq na shiỹaxauapi yo'oqta da qami' 'enapegalo qome, 'eeta': Ña qaunache na lqui'ipi na leuaxaicpi, qataq na ilaviigui ca lỹa maye nsoxootega't naxa da na'aqtaxaatega't. ¿Peta'a saisheto' da iuen na nhuo' le'ecpi da inat nam natamnaxala'pi, qataq da inat na leuaxaicpi da denataxaalec na ña nca'altauecpi,

Levítico 20:27

Qaq da huo'o ca ỹale, huo'otaq aca 'alo da hueto'ot da 'onataxac da ilaviigui ca lỹa, qataq ca detaxaỹapegue' na nqui'ipi, nache camaye qaỹalauat, qairota'a ca coma' laỹepi, nache maiche nasouaxateguet da nalaataguec.»

2 Crónicas 33:6

Nataqa'en ỹavigaxa't soua llalqa da yaqto' lachetaqtaxanqa'ate huaña so ca'amegue ye Ben Jinón, qataq napaxaguena da qaiỹaxaneuga na lqui'ipi so leuaxaicpi, qataq da qailaviigui ca nỹa, qataq da qanquigaxat da lataxac camachaqca, qataq lapaxañi da lataxac da qaiỹaxaneuga na nqui'ipi, qataq da ñi'iyaqnataxanaxac. Nache nquigaxattauec nam qauem maye ỹo'otpi, maye ỹataqta saỹaỹamaxaren Ñim Nataxala', nache ivira'a da inogoqchet Ñimaye.

1 Crónicas 10:13

Qaq 'era da 'eetec da l-leuaxa so Saúl, souaxat nam qauem ỹo'otpi, qataq da saỹalaxagueta nam lamaxasoxonaxaco Ñim Nataxala', nache nqo'ona da inat aso 'alo maye ilaviigui ca lỹa.

2 Reyes 21:6

Nataqa'en ỹavigaxa't soua llalqa da yaqto' lachetaqtaxanaxat, qataq napaxaguena da qaiỹaxaneuga na saqcha'a na'añaxacpi, qataq da qailaviigui ca nỹa, qataq lapaxañi da lataxac da qaiỹaxaneuga na nqui'ipi, qataq da ñi'iyaqnataxanaxac. Nache nquigaxattauec nam qauem maye ỹo'otpi, maye ỹataqta saỹaỹamaxaren Ñim Nataxala', nache ivira'a da inogoqchet Ñimaye.

Apocalipsis 21:8

Qalaxaye nam colanqaicpi, qataq nam saq pi'iỹa'a Aỹem, qataq nam ỹo'ot nam qauem maye sa saỹamaxaren qataq nam ỹalauat ca lỹa qataq nam huetapeeguet aca sa lhua maye saq qaỹashen da qaỹo'ot, qataq nam napaxagueetega da naconaxanaxac qataq nam ỹo'oxoreetac nam qanatameetacotpi maye saq 'en, qataq nam tenataxanaxaicpi, 'enauac qome namayepi qaỹasaxangui ca lta'araic norec maye huaña da ỹavictaigui na quiquiaxaraic. Huaña, nache chochaq tatec da saishet da nauane' Ñim Lo'onatac 'Enauacna.»

1 Samuel 28:3

Qaq so Samuel mashe ileu co'ollaxa, nache qailareña ye Ramá maye maiche lalamaxat lma', nache 'enauac ye Israel da nỹeetapeguelec somaye. Qaq so Saúl mashe ỹo'orauec co'ollaxa som shiỹaxauapi maye ilaviigui ca lỹa, qataq so ima'aguet na nqui'ipi.

Isaías 47:13

'Am, qalota co'ollaxa na 'am detaqtaua'a, nache ivitta'a da 'anasamiisop. ¡Qaq ña nachaateuo 'anqa'en da yaqto' 'am mpaxaalec nam ỹaỹaten da lataxac ana huaqaañipi, qataq nam ishet da huo'o ca ỹa'axata'a da ilo'ot ana huaqaañipi, qataq nam 'am da'aqtaxaateguem naxa ima'ape naua ca'agoxoiqa da ỹa'axata'a cam ñaq natauo!

Isaías 29:4

Huaña qome nache 'am qaỹamaxañi nache qouetaiya', da 'arvilỹaxac qom 'autaqa qalaq 'eeta'am ca nqui'i, naua 'ara'aqtaqa qalaq huac da qaica ca l-lamqa'.

Éxodo 22:18

Saishet qome da 'anca'alaxattauec aca conaxanaxai.

Gálatas 5:20

qataq natameetacot na ne'enaqtacpi, qataq napaxagueetega da laconaxanaxac qataq nquiỹa na laỹepi. Maiche deloctega't, ca'alaxanaxaicpi, qataq sa qaỹaña da layeloxo. Napagaqaanaxaicpi, ncotaxaicpi qataq colaxagui naqa'en na shiỹaxauapi.

2 Reyes 17:17

Nataqa'en ỹaneuo so llalaqpi qataq aso llalepi da qaỹavigaxat, qataq napaxagueetega da ila'a cam saqcha'a, qataq da lli'iyaqnataxanaxac, nache ỹo'ot nam ỹataqta qauem maye sa ỹaỹamaxaren Ñim Nataxala', nache inogoqchet Ñimaye.

Hechos 8:11

Nache ỹataqta 'enauac da qaiqocha'a somaye, cha'aye huo'o dam la'añaxac da ỹatenachet somayepi da ỹo'ot nam sa qaỹauanapega.

Levítico 19:26

Saishet da qollequi ca ñaq huo'o na huetaigui ltago'q. Saishet da qaua'axachiỹaua'a ca saqcha'a nhuennataxac. Qataq saishet da qaunacheetac ca nqui'i, da yaqto' qaua'axachiỹa'aguet ca saqcha'a lataxac.

2 Reyes 23:24

So nta'a Josías, nataqa'en ỹo'orauec som ilaviiguipi ca lỹa, qataq som 'iyaqnataxanaxaicpi, qataq ilaxachigui so natamnaxala'piolec so maiche ñalaqpi, qataq som laỹepi atamnaxala'pi, qataq 'enauac som ỹataqta qaiqaiga logoxoshetpi som qanatameetacotpi, maye huaña ye Judá qataq ye Jerusalén. Qaq 'era da 'eetec da yaqto' ipacchigui nam nqataxacpi, maye nanettalec aso nere maye ilalec co'ollaxa so ntaxaỹaxanaxanec Hilcías, asom huetaigui co'ollaxa aso atamnaxaqui maye lalamaqte Ñim Nataxala'.

Levítico 19:3

Ñi 'oonolec ỹataqta huo'o da 'enec naqa'en ca lta'a, qataq aca late'e. Qataq ỹataqta huo'o naq 'enec qanqa'eñi ye na'a'q mataxaqui, cha'aye Nachaỹem Nataxala' maye Qanatamnaxala'ai.