Levítico 19:27 - La'aqtaqa Ñim Lo'onatac 'Enauacna 2013

²⁷ Saishet da huo'o ca npetec na laue, qataq icheguec na lsheenec aca lqa' laue, souaxat da lasouaxac.

Levítico 19:27 Referans Kwoze

Deuteronómio 14:1

Ñim Nataxala' maye Qanatamnaxala'ai, Ñimaye qami' llalqa. Qaq ỹoqo'oye da huo'o ca ileu, nache saishet da huo'o ca ipelec na lo'oc, qataq saishet da huo'o ca namarec na lqaic souaxat ca lasouaxac.

Levítico 21:5

Namayepi nataqa'en saishet qome da nmatta na laue na lqaic, qataq saishet da ichec ana lqa' laue, qataq saishet da ipelectac na lo'oc souaxat da lasouaxac.

Ezequiel 44:20

Qataq saishet da namarec na lqaic, qataq saishet da nalogoxat na laue, nacherata da ichectanguit.

Jeremías 48:37

'Enauac namarec na lqaicpi, qataq npetec ana lqa' lauepi, qataq 'enauac ỹauo'o na lque'emaxapi naua lhuaxaye, qataq ỹaayiñi naua alogo maye lasouaxaqui'.

Jeremías 16:6

Na 'amaqtaqaicpi qataq na qaica ca la'amaqchec 'enauac ileu qome huaña ne'ena 'alhua, nache qaica qome ca ilayiñi, qataq qaica ca nỹeelec, qataq qaica qome ca ỹachaxan da nqui'ic souaxat namayepi, da ique'emaqchet da lo'ocỹaxac qataq namarec na lqaic.

Isaías 15:2

Na shiỹaxauapi maye hueta'a ye Dibón, tasheguema ye natamnaqa' maye nalec na pa'asheguem, añi lcomaraxalate da yaqto' nỹen, qaq ye Moab qalaq huo'o da laquicoxo souaxat da qailaxachigui ye Nebo qataq ye Medeba. Nache 'enauac namayepi da namarec na lqaic qataq ana lqa' laue.

Ezequiel 7:18

Qataq ỹaayiñi naua sansattegueta alogo souaxat da nqui'ic, qataq 'enauac da lo'ocỹaxac da cholaxan qome, qataq ỹataqta napagaqtec da lasheguiỹaxac souaxat da lcoxo, qataq namarec 'enauac na lqaic.

Levítico 19:28

Saishet da huo'o ca ipelectac na lo'oc, qataq da ỹauo'o aca na'are na lo'oc, souaxat da huo'o ca ileu. Qaq 'era da ỹa'aqtac, Aỹem Nataxala'.

Jeremías 41:5

nache nvi' som ochenta ỹalleppi chegaqa'a ye Siquén, Siló, qataq ye Samaria, qaq somayepi ỹataqta npetecta ana lqa' laue, qataq colaqta'ape naua logo, qataq huo'o na lque'emaxa na lo'oc maye maicheso somayepi da ỹo'ot. Qataq nachetac nataqa'en so ala na nañiguishec qataq so lchenaxanaxat maye ama na laita da yaqto' ỹanot Ñim Nataxala' da lachetaqtaxanaxat da huaña aso atamnaxaqui.

1 Crónicas 19:4

Qaq huaña, nache so Janún, damaxasoxoolec da qaỹaconeua'a so lamaxashecpi so David, nache qanamarec ana lqa' lauepi qataq qaicolaxata'aguelo soua alogo, nache tachiguiñalo qanqa'en naua lleegue, ime, nache ỹamaq da ỹe'eguelaxat.

Jeremías 9:25

Ñim Nataxala', 'enapec: Anacta na na'a'q maye huaigui da sauo'o ca nhuaxanaguec 'enauac na nhuo' le'ecpi maye ỹo'ot na na'anaxat da lo'ocỹaxac: