Levítico 19:23 - La'aqtaqa Ñim Lo'onatac 'Enauacna 2013

²³ Qaq da ivita da qaunoxoñiiua'a que'eca 'alhua, qataq da qaỹa'añiilec aca ỹotta'a't nañiguishe, qo'oipaq maye qanallec ana ala, nache saishet da qauchiqui aca lcoue qataq saishet da qollequi aca la'auaqteguishe ala, cha'aye acamaye saishet da qanallec caua tres vi'iye.

Levítico 19:23 Referans Kwoze

Hechos 7:51

Qaq ñaq queta da ltaxaỹaxac so Esteban, 'eeta': –Qami' nache 'eetai' da ỹataqta sa qaualaqai, qataq da qana'axaỹaxanaxaqui qataq naua qarquiyaqchilli' 'eeta'am ca saxanaxa da ỹauatton Ñim Lo'onatac 'Enauacna. Qataq nache 'eetai' da qanpa'aguiñiitague' So Saqcha'a Na'añaxac Qui'itta qoñiita'am som hua'au qarta'ailpi.

Levítico 22:27

«Da ivita da ñiguiñi ca huaca llalec, qagueta llalec, quetaq llalec, nache camaye qaỹa'aqta'a da nache nnaictague' aca late'e caua siete na'axa'te, qalaxaye da ivi' ca na'a'q ocho, nache ishet da qaỹaconeguet da qaỹavigaxat da qoỹanot Ñim Nataxala'.

Jeremías 6:10

Qaq aỹem shenapec. «¿Negue't ca aỹem hua'axaỹa da sa'axatem qataq sanem de'era na'axaỹaxac? Ye namayepi ỹapotaguilo naua ltela lauaco, nache saishet da hua'aqa, namayepi ỹe'eeta'ape naua 'ara'aqtaqa qataq saishet da ỹamanegueta.

Levítico 14:34

«Qom mashe qaunoxoñiiua'a ye Canaán, yem 'alhua maye qami' sanema qome da yaqto' qaralamaxache, nache da ivita da huo'o ca nỹec da decoche yi'iye 'alhua maye qoviita'a qome,

Levítico 12:3

Nache que'eca nogotolec maye ñiguiñi, qaỹo'ot ca na'anaxat, qanqat na lqaic lo'oc ñi logoxoshet da ivi' caua ocho na'axa'te.

Éxodo 6:12

Qalaxaye so Moisés 'enapego' Ñim Nataxala', 'eeta': «Na Israel le'ecpi mashe saishet da aỹem ỹoqocha'a, qaq ¿hua'ago' ca 'eetec da aỹem ỹoqocha'a ñi faraón? Ye aỹem na'aprapeguec naua ỹa'aqtaqa».

Éxodo 6:30

Qalaxaye so Moisés 'enapeco': «'Am Nataxala', aỹem ỹataqta na'aptrapegue'c naxa naua ỹa'aqtaqa da setaqa, qaq ỹoqo'oye ¿hua'ago' ca 'eetec da aỹem ỹoqocha'a ñi faraón?»

Levítico 19:22

Nache ca ntaxaỹaxanaxanec ỹanot Ñim Nataxala' ca qagueta maye nachetaqtaxanaxat, yaqto' qaỹapalaxat ca lasouaxashet que'eca shiỹaxaua.

Levítico 19:24

Qaq da ivireuga ca vi'i cuatro, nache 'enauac aca ala aca'aca nañiguishe qoỹanot Ñim Nataxala', huetoigui qanqoỹen da qaỹo'ot ca ño'oxonnataxanaxac.

Levítico 23:14

Saishet qome da qollequi aca nauole, huo'otaq aca ña lmala ala ca nañiguishec, huo'otaq aca nqachilliguishe, nato' qom ivita ca na'a'q da qaroiuo da qaỹa'añeeuo aca qarachetaqtaxanaqche. Qaq 'era qome da nache 'eetai' lataxac da qoyecỹaxaqui, qataq ca qami' chegoxogueta, na'aictaxa cam pa'aigue ca qoñiitaña ana 'alhua.