Levítico 19:18 - La'aqtaqa Ñim Lo'onatac 'Enauacna 2013

¹⁸ Saishet da huo'o ca ipalaique lvi' da ỹe'enaxata'aguet ca qaỹo'otec, qataq saishet da nache queta da nquiỹatega ca lỹa da huo'o ca ỹasouaxat. Nacherata da ỹauotec ca lỹa, 'eeta'am da ỹauotec da maiche nachaalataxac. Qaq 'era da ỹa'aqtac, Aỹem Nataxala'.

Levítico 19:18 Referans Kwoze

Romanos 13:9

Cha'aye na nqataxacpi huo'oi naua damaxasoxooleguete maye 'eeta'am de'era, 'eeta': «Saishet da 'ancachetague' aca sa 'arhua. Saishet da qaualaataxañi. Qataq saishet da qaucache. Saishet da qoquiitague' da qarqopitaxanaqtaiqui da qauqopichiita'a ca hueto'ot ca qarỹai.» Qaq ne'enaua namaxasoxonaxaco qataq 'enauac na laỹepi, naamaye imatta't da na'aqtac maye, 'eeta': «Ñi 'oonolec iuen da ỹauotec ca lỹa, 'eeta'am naqa'en da lauotaxanaqtaic da maiche nachaalataxac.»

Gálatas 5:14

Cha'aye 'enauac na lqataxacpi Ñim Lo'onatac 'Enauacna 'oonolec da lataxac maye imatta't namayepi, 'eeta': «Ñi 'oonolec iuen da ỹauotec ca 'ena'am lỹa, 'eeta'am da lauotaxanaqtaic da maiche nachaalataxac.»

Santiago 2:8

Da qami' qaualaqaiguet da namaxasoxonaxac maye napacalec na laỹepi maye qomi' ỹanema Ñim Lo'onatac 'Enauacna, nache ỹataqta 'onaxaic de'era qauo'oche. De'era namaxasoxonaxac 'eeta': «Qauennachiỹa'a da ñi 'oonolec iuen da ỹauotec ca lỹa, 'eeta'am da lauotaxanaqtaic da maiche nachaalataxac.»

Mateo 19:19

'aualaxaguet qataq 'antela'a ca 'arta'a qataq aca 'arate'e, 'auauotec na laỹe shiỹaxauapi, 'eeta'am da 'arauotaxanaqtaic da maiche 'anachaalataxac.

Romanos 12:19

Qami' ỹaqaỹarolqa, saisheto' qome da qavi'enaxachiỹa'aguet ca qauem maye qami' qaỹo'oteque. Nachaqrato' qome da qauaqaita'a da Ñim Lo'onatac 'Enauacna maiche huapegue' da ỹauo'o ca nhuaxanaguec nam qauemaicpi. Cha'aye ana nere maye huetalec na la'aqtacpi Ñimaye nanettalec da la'aqtac, 'eeta': «Aỹem maye Nachaỹem so'ot ca nhuaxanaguec ca shiỹaxaua, Nachaỹem maye sami' cam 'itchiguiñi nhuaxanaguec ñi 'oonolec.»

Romanos 12:17

Da huo'o ca sa qami' iyacna'ape, nache saishet da qavi'eguelaxachiỹa'aguet da sa qauyacñiỹapec. Nachaqrata da qanpogoxoiñiỹapegue' da qauo'oche ca no'on, da talec 'enauac qanqa'eñi namayepi.

Colosenses 3:8

Qalaxaye nagui no'on da qaỹa'axañiiuec 'enauac ne'ena: Saishet qome da qanoitac, qataq saishet qome da qanmichiita'a da qauo'ochec ca sa ỹaỹamaxañi ca qarỹai, qataq saishet da qasheuñiitac Ñim Lo'onatac 'Enauacna huo'otaq ca qoñiỹa'am shiỹaxaua,

Efesios 4:31

Qaỹa'axañiiuec qome da qaraquicoqoi qataq da qaralemataiqui. Qataq saishet da qaua'alqaitai' qataq saishet da qasheuñiitac ca qarỹai. Qataq qaỹa'axañiiñi da qauo'ocheetac na qauem.

Proverbios 20:22

Saishet qome da 'autaqtega da 'aupalaique ca 'arvi', nacherata da 'aupi'iỹa'a Ñim Nataxala' qaq Ñimaye qome 'am itauan.

1 Pedro 2:1

Qaq ỹoqo'oye iuen da qaỹa'axañiiñi da qauo'ocheetac na qauem. Saisheto' da qauatenataxañiitac, qataq saishet da dos naua qoquiitegueto, qataq saishet da qami' quiỹaxanaqtaqaiqa, qataq saishet da qami' na'aqtaqa lo'o'.

Hebreos 10:30

Nataqa'en 'enauac saỹatenaq da Ñim Lo'onatac 'Enauacna, ỹauo'o ca lvi' da ỹauo'o ca nhuaxanaguec na ipa'agueetacpi Ñimaye, souaxat na ỹo'ottacpi sa ỹaỹamaxañi namayepi. Qalaxaye nataqa'en 'enapec da nmit na lalamaxatpi.

Mateo 19:16

Huo'o so nsoq naua'a So Jesús, nache inattac, 'eeta': –'Am Napaxaguenataxanaq ¿negue't cam ỹoqta ỹaỹamaqchiguiñi da so'ot, da yaqto' huo'o ca ica'alaxa chochaq tatec?

Romanos 13:4

Cha'aye namayepi do'onataxaatacot Ñim Lo'onatac 'Enauacna, da yaqto' qami' ỹa'añaqche't da qauo'oche ca ỹaỹamaqchiguiñi. Qaq da huo'otaq sa qaualaqai, ¡nache qami' ishet da huo'o da qarcolanaqai!, cha'aye nam lainecpi maye ỹachetac saishet da choche llo'oxoraxat. Namayepi do'onataxaatacot Ñim Lo'onatac 'Enauacna, qalaxaye nataqa'en ishet da ỹauo'o ca nhuaxanaguec ca qauemaic.

2 Samuel 13:28

Nache so Absalón 'enapega co'ollaxa so lamaxashecpi, 'eeta': «Qanauañiitac qome ñi Amnón da nỹomtac lataxa, nache qom ỹoqta taxaic, nache qom qami' shenapegalo da qaualauache, nache qaualauache qome ñimaye. Qaq saishet da qayi'iitac da qauo'oche damaye, cha'aye aỹem ỹamaxasoxonaxac. Qaq ỹoqo'oye qana'añaxache qataq qaua'añaxachiigui ye qarvilli.»

2 Samuel 13:22

Qaq so Absalón saishet co'ollaxa da huo'o ca la'aqtac da 'enapega so Amnón, qalaxaye ỹataqta nquiỹa souaxat da ncat aso lqaỹa Tamar.

Deuteronómio 32:25

Qataq huangui qanqa'en ca nqa'aic da qaỹalauat na llalaqpi qairolec ca ỹeelonec, qataq da hueta'a ca lma' qalaq ỹe'elaqtapigui', qaq na nsoxoppi qataq na qa'ampi qalaq ileu, qataq na ñaq lleptacpi qataq na mashe ỹa'axaiquipi.

Gálatas 5:20

qataq natameetacot na ne'enaqtacpi, qataq napaxagueetega da laconaxanaxac qataq nquiỹa na laỹepi. Maiche deloctega't, ca'alaxanaxaicpi, qataq sa qaỹaña da layeloxo. Napagaqaanaxaicpi, ncotaxaicpi qataq colaxagui naqa'en na shiỹaxauapi.

Salmos 103:9

Ñimaye saishet da imerauec naua na'axa'te da qomi' nhuogoqtegalo, qataq saishet da chochaq tatec da layeloxo,

Juan 13:34

Qaq nagui qami' sanema da dalaxaic namaxasoxonaxac, 'eeta': Ñi 'oonolec da qoñiita ỹataqta ỹauotec ca lỹa. 'Eeta'am da sheetec da ỹataqta qami' sauoteque, qaq nachera qome da qoñiitec da ñi 'oonolec da qoñiita ỹataqta ỹauotec ca lỹa.

1 Juan 4:21

Qaq So Jesucristo qomi' ỹanema de'era lamaxasoxonaxac, 'eeta': «¡Qauauochec Ñim Lo'onatac 'Enauacna, qataq ñi 'oonolec ỹauotec ca lqaỹa!»

Génesis 4:23

Qaq huo'o so na'a'q, nache so Lamec 'enapegalo soua lhua't Ada qataq aso Silá, 'eeta': «Ñaq qana'axaỹaxañiichigui da ỹa'aqtac: salauat co'ollaxa so shiỹaxaua souaxat da aỹem ique'emaqchet, qataq salauat co'ollaxa so nsoqolec souaxat da aỹem iuaxaatac.

Éxodo 20:16

Saishet da 'am tenataxanaxaic da choche 'auo'ot ca lasouaxashet ca 'arỹa.

Levítico 19:34

Nacherata da 'eeta'am da qoñeetec ca maiche qarhuo'oi le'ec da ỹataqta qauauochec camaye, cha'aye nache 'ena'am da qoñiita. Cha'aye nache 'eetec qami' co'ollaq qoviita'a ye Egipto da qauachegoqỹauec. Qaq 'era da ỹa'aqtac, Aỹem Nataxala' maye Qanatamnaxala'ai.

Deuteronómio 32:35

Yaqto' lleuotta'a ca na'a'q da sepalaique ivi', nache sauo'o ca nhuaxanaguec, da ivita ca laloqo' da huañi namayepi. Qaq mashe yaqta'a da nlachiguiñi, ¡mashe sa qaỹapeque ye laloqo' namayepi!

Hechos 16:28

Qalaxaye so Pablo ỹa'alaxalec somaye, 'eeta': –Saishet da maiche 'analaala't, cha'aye qomi' 'enauac ñaloqta't.