Levítico 19:16 - La'aqtaqa Ñim Lo'onatac 'Enauacna 2013

¹⁶ Saishet da huo'o ca na'aqtaqa lo'o' da ỹalectaigui ca laỹepi, qataq da taỹa'a naqa'en da lchec da nachaalataxac ca lỹa shiỹaxaua, souaxat ca latenataxanaxac. Qaq 'era da ỹa'aqtac, Aỹem Nataxala'.

Levítico 19:16 Referans Kwoze

Éxodo 23:1

«Saishet qome da 'aua'axat ca na'aqtaxanaxac saq 'en, qataq saishet da 'auauaxaiguet ca qauemaic da 'autauanaua'a da ỹa'axat ca sa lataxac.

Éxodo 23:7

Saishet qome da 'aualecaua'a ca na'aqtaxanaxac maye saq 'en, qataq saishet da 'aỹa'aneguet da nalaataguec ca saqca ca ne'enaxac, qataq qaica ca lasouaxashet, cha'aye aỹem saishet da shenapec da qaica ca lasouaxashet cam huo'o ca lasouaxashet.

Proverbios 20:19

Ca na'aqtaqa lo'o' sa ỹaỹaten da ỹoxooñi ca qoỹoxottapiguiñi, qaq ỹoqo'oye saishet qome da 'aualectapeeguet que'eca na'aqtaqa lo'o'.

Ezequiel 22:9

Qaq souaxat na latenataxanaxacpi namayepi, nache nam 'am hueta'api, huo'o na ỹasouaxateguet da ileu ñi lỹa, qataq huo'o na ỹalectaua'a na nquia'axacpi maye huaña ana lcomaraxalatepi da qaỹo'oxoren na nqolacpi, qataq ỹo'ot na lataxacpi maye qaiqaiga.

Jeremías 9:4

Mashe qaica ca naquitto'ot ca nauochaxaua qataq ca lqaỹa, cha'aye 'enauac nam nqaỹañecpi natenachetta'a't, qataq nam auochaxauapi qalaq ỹasaqteguelec na qauem na laỹepi.

Jeremías 6:28

«'Am Ỹataxala', 'enauac namayepi da ỹataqta saỹalaq, namayepi ỹataqta na'aqtaqa lo'o, qataq qauem da lataxac, ỹataqta qaramta napacalec ca lcat bronce qataq ca ndota't lcat.

Proverbios 11:13

Ca na'aqtaqa lo'o' qaica ca ỹoxottapiguiñi, qaq ca shiỹaxaua maye npe'et qalaq choche ñe'emaxatta.

1 Pedro 2:1

Qaq ỹoqo'oye iuen da qaỹa'axañiiñi da qauo'ocheetac na qauem. Saisheto' da qauatenataxañiitac, qataq saishet da dos naua qoquiitegueto, qataq saishet da qami' quiỹaxanaqtaqaiqa, qataq saishet da qami' na'aqtaqa lo'o'.

Salmos 15:3

qataq ca saishet da ỹasaqtapeguelec ca qauem la'aqtac ca lỹa, qataq saishet da huo'o ca ỹo'otec qauem ca nauochaxaua, qataq saishet da inogoqchet ca lauoreua,

Éxodo 20:16

Saishet da 'am tenataxanaxaic da choche 'auo'ot ca lasouaxashet ca 'arỹa.

Tito 2:3

Nache 'ena'am qonapega na ỹa'axaina'pi da ỹataqta quetelec da lataxac aca quetague' Ñim Lo'onatac 'Enauacna, qataq saishet da na'aqtaqa lo'o', qataq saishet da taxai. Nachaqrata da ỹachaxana ca no'on lataxac anam saxanaxa da ỹe,

2 Timoteo 3:3

Namayepi ỹataqta qauemaicpi qataq quiỹaxanaqtaqaicpi. Qataq ỹasaqteguelec da latenataxanaxac na laỹepi qataq saishet ncherapec qataq sa ỹañoxot da nllañi da lqopitaxanaqtaic. Qataq nquiỹa 'enauac nam ỹaỹamaqchiguiñi.

1 Timoteo 3:11

Aca 'alo nataqa'en iuen da no'on da na'aqtaguec, qataq saishet da na'aqtaqa lo'o'. Nachaqrata da sa daỹactac, qataq da huo'o ca camachaqca, nache qaipi'iỹa'a.

Mateo 27:4

nache 'eetega somayepi, 'eeta': –Aỹem huo'o da ỹasouaxashet hueto'ot Ñim Lo'onatac 'Enauacna, cha'aye saneguet da nalaataguec So Jesús, qaq Somaye qaica ca ỹasouaxat. Qalaxaye somayepi 'enapeco': –Aque', ¡Damaye saishet da saqtegueua'a! ¡Damaye maiche 'arasouaxashet!

Deuteronómio 27:25

Ỹataqta qauem qome ca talec nhuaxanaguec ca shiỹaxaua da ỹaconeguet aca nsheetenaqte da yaqto' ỹalauat ca qaica ca ỹasouaxat. Nache 'enauac qome na nhuo' le'ecpi, 'eeta': Aja', nache 'eetec.

Da na'aqtaguec so Job 17:5

Qataq nque'etaxangui 'anqa'en qome na lqouaxa, na llalaqpi nam ỹaconeguet ana nsheetenaqte, souaxat da ỹe'enai' na nauochaxauapi.

1 Samuel 24:10

Qaq nagui, 'auaỹateeta da Ñim Nataxala' aỹem ỹanem da nache 'am sachaigui taxa ñi'iñi auac da 'am salauat, qaq na'aictaxa da na ñalleppi aỹem ỹamaqtalec da nache 'am salauat, qalaxaye aỹem choche 'am sechoxoren, nache shenapec saishet da salauat ñi ỹataxala', cha'aye ñimaye lca'aguishec Ñim Nataxala'.

Salmos 50:20

Qataq 'auasaxalec ca qauem 'ara'aqtac ca 'arỹa, qataq 'ampa'aguene' ca maiche 'arqaỹa, nache ỹataqta 'aunogoqchet.

Salmos 101:5

Ca nqañoxottañi da ỹasaxalec ca qauem la'aqtac ca lỹa, nache aỹem ñeuogaxa, saishet da nache queta ñaqa'en da ltaxaỹaxac, cha'aye aỹem sa sesheteguet ca na'amqaanaxaic da lmeenaxanaxac, qataq ca ño'oxonnaxaic da lquiyaqteỹaxac.

Proverbios 10:18

Ca saq 'e'n naua la'aqtaqa camaye ỹoxottañi da lquiỹaxa, qataq qaica ca ỹaỹaana'a ca ỹa'axatec ca saq 'en.