Levítico 19:15 - La'aqtaqa Ñim Lo'onatac 'Enauacna 2013

¹⁵ Saishet da huo'o ca qaỹo'ot sa ỹaỹamaxañi lataxac da qanmit ca huo'o ca lasouaxashet. Qataq saishet da qaiueelec ca choxoraq, huo'otaq ca sallaxanec. Nacherata da qaỹo'ot ca ỹoqta nalochiguiñi lataxac.

Levítico 19:15 Referans Kwoze

Deuteronómio 1:17

qataq da qanmiche ca nasouaxashet, nache saishet da qalca'aitagui na shiỹaxauapi, da choxoraq huo'otaq sallaxanec. Qataq saishet da huo'o ca qayi'iitega, cha'aye ñi nmit na nasouaxashet, Nacheñi Ñim Lo'onatac 'Enauacna. Qaq da huo'o ca ỹataqta qalaqaic, nache aỹem qandoiua'a yaqto' maiche soicnapec da ñemit.›

Proverbios 24:23

Qaq 'ena nataqa'en na la'aqtacpi na ỹaanaxanaxaicpi, 'eeta': Saỹaỹamaxañi da qalca'atagui na shiỹaxauapi da hueta'a ca huaña da qanmit na nasouaxashet.

Deuteronómio 27:19

Ỹataqta qauem qome ca talec nhuaxanaguec ca shiỹaxaua da sa ỹaỹamaxatapec ca chegaqauec, huo'otaq ca saploq, huo'otaq aca pa'ai. Nache 'enauac qome na nhuo' le'ecpi, 'eeta': Aja', nache 'eetec.

Levítico 19:35

Saishet da sa ipaigui qanqa'eñi ca ỹoqta 'eesa loga't ca naloqnaxanaxat, huo'otaq aca naloqnaxanaxaqui, qataq aca naloqnaxaqui ca 'etaxat.

Proverbios 18:5

Sa ỹaỹamaxañi da qaiueelec ca huo'o ca lasouaxashet, qataq sa ỹaỹamaxañi da sa qaiueelec ca qaica ca ỹasouaxat.

Deuteronómio 16:19

Qataq saishet qome da ỹashaxanec da nalochiguiñi lataxac, qataq saishet da lca'atagui na shiỹaxauapi, qataq saishet da ỹaconeguet aca nsheetenaxanaqte, cha'aye aca nsheetenaxanaqte iqanamaqchet ca ỹaanaxanaxaic, qataq ỹashaxanec ca la'aqtac ca shiỹaxaua maye no'on da lataxac.

Salmos 82:2

¿Chaq laguio' da qaỹa'axañiiñi qami' da qauo'ocheetac nam lataxacpi maye saishet da 'eesa, qataq da qatauañiitac na qauemaicpi?

Éxodo 18:21

Qaq 'am, 'alca'agui qome ne'ena nhuo' le'ecpi, 'alca'aua'a cam ỹalleppi maye ỹataqta nalauo, qataq ỹataqta huo'o naq 'enec naqa'en Ñim Lo'onatac 'Enauacna, qataq saq shepecaic, qataq saishet da choche nmitta'ai ca lashiichiỹaxac, qaq ca 'oonolec camayepi huo'o ca 'aupataxalec da ilo'ogue ca mil shiỹaxauapi, qataq huo'o ca 'aupataxalec da ilo'ogue ca cien, qataq huo'o ca 'aupataxalec da ilo'ogue ca cincuenta, qataq huo'o ca 'aupataxalec da ilo'oguelo caua diez.

Juan 7:24

Qami' saishet da qoñiitega huo'o ca sa ỹaỹamaxañi da choche qaupicheetega. Iuen da hua'auñi da ỹoqta qauaỹaañita.

Hechos 23:3

Qalaxaye so Pablo 'enapeco': –¡Ñim Lo'onatac 'Enauacna 'am iuaxan qome, 'am maye qonetega da 'am 'eesa! 'Am iuen da aỹem 'anmit 'aupagaqchiichigui da 'enapec naua nanettrañi lqataxaco so Moisés, qalaq ¿ta'ainco' da saishet da 'aualaxaleguete naamaye, ỹoqo'oye 'auamaxasoxoolec da aỹem qaiuaxan?

Deuteronómio 10:17

Cha'aye Ñim Nataxala' maye Qanatamnaxala'ai, Ñimaye nataỹaña 'enauac na ỹotta'a't atamnaxala'pi, qataq Ñimaye Lataxala' na nataxala'pi. Ñim Lo'onatac 'Enauacna, Ñimaye 'amaqtaqaic, 'añaxaic qataq ncolanaxat, Ñimaye saishet da lca'atagui na shiỹaxauapi qataq saishet da ipactaique da qaisheeten da huo'o ca ỹo'ot.

Da na'aqtaguec so Job 13:8

¿Qami' peta'a qaupichiitega da qavicheetapeguelec Ñimaye? ¿Qataq da qanpaxachiitalec Ñimaye?

Da na'aqtaguec so Job 32:21

Qalaxaye saishet da huo'o ca sagaqnauec da sho'oxoreetac, nacherata da qaica ca seỹotauga.

Da na'aqtaguec so Job 34:19

Qaq Ñim saishet da lca'atagui na llalaqpi na nta'alpi, qataq saishet da ỹapagaqnauec da ỹauotec na sallaxanecpi, cha'aye namayepi nache 'eeta'am na choxoraqpi, cha'aye Ñimaye saishet da 'eetec de'era, cha'aye 'enauac namayepi maiche lo'onatacpi.

Proverbios 31:9

'Anlamaxaren da 'autaqa, 'auo'ot ca nalochiguiñi lataxac, ỹataqta 'aueelec na choxoraq qataq na huo'o da lhuenaxanaxa.