Levítico 18:8 - La'aqtaqa Ñim Lo'onatac 'Enauacna 2013

⁸ Qataq saishet qome da huo'o ca hue'eguet aca lhua lỹa ca lta'a. Cha'aye mashe lalamaqte lhua ca lta'a.

Levítico 18:8 Referans Kwoze

1 Corintios 5:1

Mashe sogote da qaỹaỹaana'a't da huo'o ñi 'oonolec da qoñiita huetapeeguet añi la'aale late'e da 'eeta'am naqa'en aca lhua. ¡Qaq de'era ỹataqta qauem! ¡Ivira'a nam saxanaxa da da'amqaanataxan saishet da ishet da ỹo'ot de'era!

Levítico 20:11

Qaq da huo'o ca ỹale da lauañi' aca lhua ca lta'a, nache camaye ỹe'en ca lta'a. Qaq que'eca ỹale qataq aca 'alo qaỹalaua't, qaq caamaye, maiche nasouaxaala't da ileu'.

Deuteronómio 27:20

Ỹataqta qauem qome ca talec nhuaxanaguec ca ỹale da lauañi' aca lhua ca lta'a, cha'aye da nache 'eetec de'era, nache ỹe'en ca lta'a. Nache 'enauac qome na nhuo' le'ecpi, 'eeta': Aja', nache 'eetec.

Deuteronómio 22:30

Qataq saishet qome da huo'o ca ỹale da lauañi' aca lhua ca lta'a, cha'aye da nache 'eetec de'era nache ỹe'enai' ca lta'a.

Amós 2:7

Qataq huetaiya' naqa'en na choxoraqpi, qataq saishet da ỹo'otec ca ỹaỹamaqchiguiñi lataxac nam qaica ca la'amaqchec. Qataq so nta'a qataq so ñalec qalaq lauatrapiguiñi' aso 'oonole 'alo, nache qaica ca 'enec naqa'en da qui'itta ỹe'enaxat.

Génesis 49:4

Qalaxaye nagui saishet da 'am la'auaxanec, cha'aye 'am qoneta'am ca la'auaxac maye saishet da qanpaxateguet: cha'aye 'aue'enai' co'ollaxa so imala' co'ollaq 'arauañi' aso ihua lỹa.

Ezequiel 22:10

Qataq huo'o na huetapeeguet aca lhua ca lta'a, qataq huo'o na ỹayena'a da hue'eguet ana 'alo, da ñaq huetaigui da na'axac.

Génesis 35:22

Nache so Israel co'ollaq mashe netaña se'eso 'alhua, nache so Rubén lauañe' co'ollaxa aso Bilá, asom ỹaqauga lhua so lta'a. Qalaxaye so Israel ỹaỹaten co'ollaxa de'era. Qaq soua llalqa so Jacob soomaye ivi' doce.

Deuteronómio 23:1

Ca shiỹaxaua da que'emaxai naua lola huo'otaq da ỹataqta qaicheguec ñi logoxoshet, nache camaye saishet da ỹalegueua'a ca naponaxac maye lalamaxat Ñim Nataxala'.