Levítico 18:29 - La'aqtaqa Ñim Lo'onatac 'Enauacna 2013

²⁹ Qaq da qoñiita da huo'o ca ỹo'ot ne'ena qauemsat, nache camaye qaỹo'orauec, ca'ai qanqa'en ca lauo' le'ecpi.

Levítico 18:29 Referans Kwoze

Levítico 20:6

Qataq da huo'o ca nqo'ona ca ltaxaỹaxaua na nqui'ipi qataq na ilaviigui ca lỹa, nache Aỹem ỹataqta sataỹa'aguet que'eca shiỹaxaua, qataq so'orauec, ca'ai ñaqa'en ca lauo' le'ecpi, souaxat da nquisheshaxac da ca'attague' so Moloc.

Levítico 17:10

Qaq Aỹem, saishet da seshetaxateguet ca Israel le'ec, huo'otaq ca chegaqauec maye qami' netaiguilo, da chec ca lapat da ñaq huo'oi naua ltago'q, nache camaye so'orauec, ca'ai ñaqa'en ca lauo' le'ecpi.

Éxodo 12:15

Qaq siete na'axa'te qome da qollequiitac ana nauole 'ayiiña maye sa qaỹauo'o anam lalegue maye ỹasheeraxachigui. Qaq ỹoqo'oye que'eca la'auaxanec na'a'q nache saishet da huo'otaq 'auaỹamaxattac nam lalegue maye ỹasheeraxachigui na ndaqñiguishec 'ayiiña que'eca 'arma'. Cha'aye da huo'o ca 'oonolec da qoñiita da huo'otaq chec aca nauole 'ayiiña maye qaỹauo'o aca lalegue maye ỹasheeraxachigui que'ecaua siete na'axa'te, nache camaye qaỹo'orauec da yaqto' saishet da ỹalegoigui na Israel le'ecpi.

Levítico 18:28

Qaq saishet qome qaushepaxanaqchichi yi'iye 'alhua, yaqto' saishet da qami' ỹamaqraue'c, da 'eeta'am da 'eetec da ỹamaqauec so hua'auñi da netalec, qom saxanaxa da qoñiỹalec.

Levítico 18:30

Ỹoqo'oye, ỹataqta qoquiitegue qome na ỹamaxasoxonaxacpi, qataq saishet da qaue'enaxache da qauem lataxac so hua'auñi maye netalec yi'iye 'alhua, qom saxanaxa da qoñiỹalec yemaye, qataq saishet qome da qami' ishepaxanaqche't. Qaq 'era da ỹa'aqtac, Aỹem Qarataxala'ai maye Qanatamnaxala'ai.»

Éxodo 30:33

Qataq da huo'o ca ỹo'ot ca ncoraxanaxat da 'eeta'am da no'onataguec namaye, qataq da icorelec ca camachaqca shiỹaxaua, nache camaye qaỹo'orauec, ca'ai qanqa'en ca lauo' le'ecpi.»

Levítico 7:20

Qaq ca shiỹaxaua maye nshepaxan da lataxac, da huo'otaq chec ca lapat aca nachetaqtaxanaqte qanhuaachigui maye qoỹanot Ñim Nataxala', nache camaye qaỹo'orauec, ca'ai qanqa'en ca lauo' le'ecpi.

Levítico 7:21

Qaq ca shiỹaxaua da ỹashelagui ca la'atec ca shiỹaxaua, huo'otaq ca shiguiỹac maye qaiqaiga, huo'otaq ca camachaqca nam qaiqaigapi, da chec ca lapat aca nachetaqtaxanaqte qanhuaachigui maye qoỹanot Ñim Nataxala', nache camaye qaỹo'orauec, ca'ai qanqa'en ca lauo' le'ecpi.»

Malaquías 2:12

¡Qaq Ñim Nataxala', ỹapalaxat qome ca camachaqca nam hueta'a nam souaqta'a, maye ỹo'ottac de'era, na'aictaxa da ndouo aca lachetaqtaxanaqtepi da ỹanot Ñim Nataxala' maye Qaica ca Ỹaqalanapec!