Levítico 18:27 - La'aqtaqa Ñim Lo'onatac 'Enauacna 2013

²⁷ cha'aye 'enauac ne'ena sa ỹaỹamaxañesat, ỹo'ottac co'ollaxa se'eso hua'auñi da netalec yi'iye 'alhua. Ỹoqo'oye yi'iye 'alhua ỹataqta nshepaxan da lataxac.

Levítico 18:27 Referans Kwoze

Ezequiel 22:11

Qataq huo'o na ncachetague' aca lhua ca lqaỹa, huo'otaq huetapeeguet aca late, qataq ncat aca ỹaqauga lqaỹa.

Ezequiel 16:50

Nache ỹe'eguelaxa da ño'oxonnaxail, qataq ỹo'ot nam lataxacpi maye seqaiga, qaq ỹoqo'oye 'auauaachiguilo da 'eetec co'ollaq selaxachiguilo.

2 Crónicas 36:14

Nataqa'en 'enauac so nataxala'pi ye Judá, qataq so ntaxaỹaxanaxanecpi, qataq so nhuo' le'ecpi nquigaxattec da saỹalaq, nache quegue da ỹo'ottac nam qaiqaiga maye ỹo'ottac som ỹotta'a't shiỹaxauapi, maye ỹaqa'a da la'amqaanataxanaxac, qataq saiyacnapec aso atamnaxaqui maye lalamaqte Ñim Nataxala', maye maiche lca'aguishe Ñimaye, da nache lma' maye naña ye Jerusalén.

2 Reyes 21:2

Qalaxaye somaye ỹo'ot co'ollaxa nam ỹataqta saỹaỹamaxaren Ñim Nataxala', cha'aye ỹe'enaxat da qauem lataxac som ỹotta'a't shiỹaxauapi maye Ñim Nataxala' ỹo'orauec co'ollaxa, ỹauaachigui naqa'en so Israel le'ecpi,

2 Reyes 16:3

nacherata da quegue da qauem lataxac som nta'alpi ye Israel, cha'aye ivira'a da ỹavigaxat so llalec da yaqto' lachetaqtaxanaxat, nache ỹe'enaxatchigui da qauem lataxac so ỹotta'a't shiỹaxauapi, maye Ñim Nataxala', ỹo'orauec co'ollaxa ỹauaachigui naqa'en so Israel le'ecpi.

1 Reyes 14:24

Qataq so shiỹaxauapi se'eso 'alhua nquisheshigui de'era la'amqaanataxanaxac, nache ỹe'enaxat dam ỹataqta qaiqaiga lataxac nam ỹotta'a't shiỹaxauapi, maye Ñim Nataxala' ỹo'orauec co'ollaxa, ỹauaachigui naqa'en so Israel le'ecpi.

Deuteronómio 27:15

Ỹataqta qauem qome ca talec nhuaxanaguec ca shiỹaxaua da ỹo'ot ca le'enaqtac atamnaxala' da ỹachegoxotaigui ca nqatelliguishec lcat, da ỹoxotchiguiñi ca ỹanaña, cha'aye damaye ỹataqta deqaiga Ñim Nataxala'. Nache 'enauac qome na nhuo' le'ecpi, 'eeta': Aja', nache 'eetec.

Deuteronómio 25:16

Cha'aye Ñim Nataxala' ỹataqta deqaiga 'enauac nam ỹo'ottac de'era ncachaxac maye saỹaỹamaxañi.

Deuteronómio 23:18

Qataq saishet da qoỹanot Ñim Nataxala' maye Qanatamnaxala'ai aca chegaqaigui da quisheguetaxac, qataq saishet da qaisheetenaxana acamaye da huo'o ca qoỹan na'aqtac, cha'aye damaye ỹataqta deqaiga Ñim Nataxala'.

Deuteronómio 20:18

yaqto' yemayepi saishet da qami' ỹapaxagueneque nam qaiqaiga no'onataxacpi maye ỹo'ottac naxa da ỹo'oxoren na natamnaxala'pi, qataq yaqto' saishet da qami' ỹasouaxa't da huo'o ca qarasouaxashichi da hueto'ot Ñim Nataxala' maye Qanatamnaxala'ai.

Levítico 18:24

Saishet qome da qauo'oche de'era, cha'aye ỹo'ot da qami' nshepaxa'n. Cha'aye nachera da ishepaxanaqche't da lataxac yi'iye nhuo' le'ecpi maye so'orauec qome,

Oseas 9:10

Qaq da la'aqtac Ñim Nataxala', 'eeta': «Co'ollaq selalec na Israel le'ecpi, nache ỹataqta samachiguiñi, sheeta'am ca shiỹaxaua da ilalec aca uva da huaña ca toolec 'alhua. Qataq co'ollaq sela'a so hua'au qarta'ailpi, nache 'eeta'am da sela'a aca la'auaxana ala ana hiigo. Qalaxaye co'ollaq ivita so netaña so Baal Pegor, nache ỹataqta nañaneguet da natameetacot na saq 'en atamnaxala'pi, nache ivira'a da ỹataqta qaiqaiga, 'eeta'am da nqaigaxa nam lauotaxat natamnaxala'pi.

Levítico 18:26

Qalaxaye qami' Israel le'ecpi, qataq na chegaqauecpi maye qami' netaiguilo, qauloitelec qome na iqataxacpi qataq na ỹamaxasoxonaxacpi, qataq saishet qome da qauo'oche ne'ena sa ỹaỹamaxañesat,

Levítico 18:28

Qaq saishet qome qaushepaxanaqchichi yi'iye 'alhua, yaqto' saishet da qami' ỹamaqraue'c, da 'eeta'am da 'eetec da ỹamaqauec so hua'auñi da netalec, qom saxanaxa da qoñiỹalec.