Levítico 18:26 - La'aqtaqa Ñim Lo'onatac 'Enauacna 2013

²⁶ Qalaxaye qami' Israel le'ecpi, qataq na chegaqauecpi maye qami' netaiguilo, qauloitelec qome na iqataxacpi qataq na ỹamaxasoxonaxacpi, qataq saishet qome da qauo'oche ne'ena sa ỹaỹamaxañesat,

Levítico 18:26 Referans Kwoze

Levítico 18:5

Ỹoqo'oye ỹataqta qauloitelec qome na iqataxacpi, qataq na ỹamaxasoxonaxacpi, cha'aye ca shiỹaxaua maye ỹalaq, nache nca'alec qome. Qaq 'era da ỹa'aqtac, Aỹem Nataxala'.

Juan 15:14

Qaq qami' nacheqami' ñauochaxau', da qauo'oche dam qami' samaxaleguete.

Juan 14:15

Da qami' Aỹem qauauochec, nache qaualaqaileguete naua ỹamaxasoxonaxaco.

Lucas 11:28

Qalaxaye So Jesús 'enapeco': –¡Ỹactec da machiguiñi na shiỹaxauapi maye na'axaỹaxaatega da la'aqtac Ñim Lo'onatac 'Enauacna qataq ỹalaxaguet!

Lucas 8:15

Qaq asom nañiguishe ala maye tatelec so 'onaxaic 'alhua, qalaq naigui nam na'axaỹaxaatega da la'aqtaxanaxac Ñim Lo'onatac 'Enauacna, qataq ỹaconeguet, qataq ỹalaxaguet, qataq huesota da lataxac. Qaq de'era pa'atec, ỹataqta qaica ca qochetega qataq 'enauac nam ỹo'otpi ỹataqta ỹaỹamaqchiguiñi.

Deuteronómio 12:32

Qaq ỹoqo'oye qauloitelec qome 'enauac nam qami' samaxaleguete, saishet da huo'o ca qanqotchiñiiuec, huo'otaq da qanqacheeua'a.

Deuteronómio 4:40

Ỹoqo'oye qaualaqaiguet qome na lqataxacpi, qataq na lamaxasoxonaxacpi maye qami' sanema nagui, yaqto' qaica ca da, da qanachaalataxaqui, qataq ca qami' chegoxogueta, qataq logoraic da qanachaalataxaqui da qoñiitalec yi'iye 'alhua maye qami' ỹanema qome Ñim Nataxala' maye Qanatamnaxala'ai.

Levítico 18:30

Ỹoqo'oye, ỹataqta qoquiitegue qome na ỹamaxasoxonaxacpi, qataq saishet da qaue'enaxache da qauem lataxac so hua'auñi maye netalec yi'iye 'alhua, qom saxanaxa da qoñiỹalec yemaye, qataq saishet qome da qami' ishepaxanaqche't. Qaq 'era da ỹa'aqtac, Aỹem Qarataxala'ai maye Qanatamnaxala'ai.»

Levítico 17:10

Qaq Aỹem, saishet da seshetaxateguet ca Israel le'ec, huo'otaq ca chegaqauec maye qami' netaiguilo, da chec ca lapat da ñaq huo'oi naua ltago'q, nache camaye so'orauec, ca'ai ñaqa'en ca lauo' le'ecpi.

Levítico 17:8

Nataqa'en qonapega, na Israel le'ecpi qataq na chegaqauecpi maye qami' netaiguilo, da huo'o ca ỹaneuo ca lachetaqtaxanaxat maye qaỹavigaxatta, huo'otaq ca lỹa lachetaqtaxanaxat,

Levítico 18:25

cha'aye ivira'a ye na'alhua yemayepi da ỹataqta nshepaxan da lataxac. Ỹoqo'oye Aỹem so'ot da nhuaxanaguec souaxat de'era lle'etaxaloxo, qataq ivira'a yi'iye maiche na'alhua da deqaiga yemayepi.

Levítico 18:27

cha'aye 'enauac ne'ena sa ỹaỹamaxañesat, ỹo'ottac co'ollaxa se'eso hua'auñi da netalec yi'iye 'alhua. Ỹoqo'oye yi'iye 'alhua ỹataqta nshepaxan da lataxac.

1 Reyes 14:24

Qataq so shiỹaxauapi se'eso 'alhua nquisheshigui de'era la'amqaanataxanaxac, nache ỹe'enaxat dam ỹataqta qaiqaiga lataxac nam ỹotta'a't shiỹaxauapi, maye Ñim Nataxala' ỹo'orauec co'ollaxa, ỹauaachigui naqa'en so Israel le'ecpi.