Levítico 18:25 - La'aqtaqa Ñim Lo'onatac 'Enauacna 2013

²⁵ cha'aye ivira'a ye na'alhua yemayepi da ỹataqta nshepaxan da lataxac. Ỹoqo'oye Aỹem so'ot da nhuaxanaguec souaxat de'era lle'etaxaloxo, qataq ivira'a yi'iye maiche na'alhua da deqaiga yemayepi.

Levítico 18:25 Referans Kwoze

Levítico 18:28

Qaq saishet qome qaushepaxanaqchichi yi'iye 'alhua, yaqto' saishet da qami' ỹamaqraue'c, da 'eeta'am da 'eetec da ỹamaqauec so hua'auñi da netalec, qom saxanaxa da qoñiỹalec.

Jeremías 2:7

Aỹem ñauega co'ollaxa somayepi ne'ena no'on 'alhua, da yaqto' chectac na ala qataq nam ỹataqta no'on maye chegaqaigui namaye. Qalaxaye qami' qauanaqui nache saqauyacñiỹapec ne'ena ña'alhua, qataq qauo'oche da seqaiga ne'ena 'alhua maye ỹalamaxat.

Jeremías 9:9

¿Qaq peta'a saishet da sauo'o ca nhuaxanaguec souaxat de'era? Cam nhuo' le'ecpi da 'eetec de'era, ¿Peta'a saishet da sanem cam naigui nam ỹo'otpi? Qaq 'era da la'aqtac Ñim Nataxala'.

Salmos 106:38

Qataq icorec so ntago'q maye qaica ca ỹasouaxat, ltago'q so llalecpi qataq aso llalepi maye ỹavigaxat da ỹanot se'eso natamnaxala'pi na netaña ye Canaán, nache se'eso ntago'q maye qaicorec na'aqchet na 'alhua.

Oseas 2:13

Qataq sauo'o ca nhuaxanaguec souaxat soua na'axa'te da ỹaatacot na ỹaqa'a atamnaxala'pi na lchenaxanaxat, qataq ỹaañi na no'otaxatpi, nchiguishaqtepi qataq ana lqolapi, nache ca'attague' na nquisheshaxauapi, nache aỹem icoua'ai. 'Era da ỹa'aqtac, Aỹem Nataxala'.

Jeremías 23:2

Ñim Nataxala', maye Natamnaxala' na Israel le'ecpi, 'enapega na nataxala'pi maye ilotague' nam lalamaxat Ñimaye nhuo' le'ecpi, 'eeta': «Qami' qaulagaxacheetac ana ilopi qaguetapi, qataq datauec qanqa'eñi, nache saishet da qanchelỹa'a. Qaq ỹoqo'oye Aỹem nagui maiche qami' sepa'aigueta da sauo'o ca qanhuaxanaguiiqui souaxat nam qauem maye qauo'ocheetac. Qaq 'era da ỹa'aqtac Aỹem Nataxala'.

Jeremías 16:18

Qaq hua'auñi qome da dos ñaqa'en da ỹe'eguelaxalec da isheeten na qauem maye ỹo'otpi, cha'aye nshepaxanaqchet na ña'alhua, souaxat nam nqaigaxat leuaxaicpi natamnaxala'pi, qataq 'enauac nam 'alhua maye sanem co'ollaxa da lalamaxat, huaña naqa'en da ỹo'ot nam ỹataqta seqaiga.»

Jeremías 14:10

Ñim Nataxala', 'eeta' da la'aqtac da detaxaỹa na nhuo' Israel le'ecpi: «Ne'ena nhuo' le'ecpi, ỹataqta lauela da chochaq queta. Qaq ỹoqo'oye sa saỹamaxaren da lataxac namayepi. Qaq nagui, nache seuennate na lasouaxashetpi namayepi, qataq sauo'o ca nhuaxanaguec souaxat namayepi.»

Jeremías 5:29

¿Qaq saishet peta'a da sauo'o ca nhuaxanaguec souaxat de'era? Cam nhuo' le'ecpi da 'eetec de'era, ¿Peta'a saishet da sanem cam naigui nam ỹo'otpi? Qaq 'era da la'aqtac Ñim Nataxala'.

Jeremías 5:9

¿Qaq saishet peta'a da sauo'o ca nhuaxanaguec souaxat de'era? Cam nhuo' le'ecpi da 'eetec de'era, ¿Peta'a saishet da sanem cam naigui nam ỹo'otpi?

Isaías 26:21

Cha'aye Ñim Nataxala' mashe yaqta'a da ca'ai ñi lma' lta'araic, da anac da yaqto' ỹauo'o ca nhuaxanaguec na shiỹaxauapi maye netalec ana 'alhua souaxat na lasouaxashetpi, nache ana 'alhua ỹachaxan qome na ntago'q maye laguelec anamaye, qataq saishet da nache queto'ot da ỹoxottapiguiñi na leuaxaicpi maye huetaigui anamaye.

Deuteronómio 18:12

Cha'aye Ñim Nataxala' ỹataqta deqaiga ca ỹo'ottac ne'ena qauempi. Qaq ỹoqo'oye souaxat ne'ena qauem 'onataxacpi, nache Ñim Nataxala' maye Qanatamnaxala'ai qauauañiichigui qome da ỹo'orauec yi'iye ỹotta'a't shiỹaxauapi.

Romanos 8:22

Qomi' saỹaanaq da 'enauac na lo'onatacpi Ñimaye huo'o da lachetataic qataq dachotta'am da nqui'ic, 'eeta'am aca 'alo maye mashe huotaique da deco'o.

Oseas 9:9

Nache ỹataqta qauem da qarataxaqui, 'eeta'am da lataxac som netaña co'ollaxa ye Guibea. Qalaxaye Ñim Nataxala' ntoueeta'ac de'era qauem qarataxaqui, nache ỹauo'o qome ca qanhuaxanaguiiqui souaxat nam qarasouaxashechi.

Isaías 24:5

Ana 'alhua qalaq nlaxagui na qauem souaxat nam netalecpi, cha'aye sa ỹalaxaguet nam lapaqtañi nqataxacpi, qataq saishet da ipaguelec na namaxasoxonaxacpi, qataq sa iyacnapec da chochaq tatec aỹamaxataxac.

Salmos 89:32

Nache serolec aca ỹashelte da seuaxan souaxat da sa ỹalaq, qataq sauota'a ca iuaxanaxanaxat da seuaxan souaxat da lle'etaxaloxo.

Deuteronómio 9:5

Cha'aye saishet da nacheca da ỹaỹamaqchiguiñi maye qauo'ochiitac ca huo'omshe qauacoñiỹa yi'iye na'alhua yemayepi, cha'aye Ñim Nataxala' ỹo'orauec qome yemayepi souaxat da qauem lataxac da yaqto' ipacchigui da ỹachaxanapecot co'ollaxa soua hua'au' qarta'alli', Abraham, Isaac qataq Jacob.

Oseas 8:13

Qaq namayepi nqopita da aỹem ỹanot ana lachetaqtaxanaqtepi, nache namayepi chec na lapat nam nachetaqtaxanaxat, qalaxaye Aỹem Nataxala' sa saỹamaxaren da ỹo'ot namayepi. Qaq Aỹem seuennate qome nam qauem maye ỹo'otpi, nache sauo'o ca nhuaxanaguec souaxat na lasouaxashetpi, qataq she'eguelaxata qome ye Egipto.

Levítico 18:26

Qalaxaye qami' Israel le'ecpi, qataq na chegaqauecpi maye qami' netaiguilo, qauloitelec qome na iqataxacpi qataq na ỹamaxasoxonaxacpi, qataq saishet qome da qauo'oche ne'ena sa ỹaỹamaxañesat,

Deuteronómio 21:23

nache saishet da iviraigui qanqa'eñi ca pe da naxattañi da netasheguemec aca qo'oipaq, nacherata da nache qaulayiiñi que'eca na'a'q. Cha'aye ca qaicoñerasheguem da qaỹalauat, camaye mashe talec da qauem la'aqtac Ñim Lo'onatac 'Enauacna. Qaq ỹoqo'oye saishet qome da qana'axache yi'iye 'alhua maye qami' ỹanema qome Ñim Nataxala' maye Qanatamnaxala'ai.

1 Reyes 21:26

Qataq ỹataqta qaiqaiga na ỹo'otpi, souaxat da natameetacot na nqolacpi, 'eeta'am nam ỹo'otpi co'ollaxa so amorreopi, maye ỹo'orauec co'ollaxa Ñim Nataxala', ỹauaachigui naqa'en na Israel le'ecpi.

Esdras 9:11

maye qomi' 'aỹa'anema 'auachegoxotchigui so 'ara'aqtaxanaxanecpi maye 'aramaxashecpi, da qomi' 'auqattegalo co'ollaxa, da ne'ena 'alhua maye ñenoxonaxaua'a da sonaqalec, namaye ỹataqta imattalec na qauem, souaxat naua qauema no'onataxaco na shiỹaxauapi maye netalec namaye, nache nlaqchigui na qauem 'onataxacpi maye qaiqaiga.