Levítico 18:24 - La'aqtaqa Ñim Lo'onatac 'Enauacna 2013

²⁴ Saishet qome da qauo'oche de'era, cha'aye ỹo'ot da qami' nshepaxa'n. Cha'aye nachera da ishepaxanaqche't da lataxac yi'iye nhuo' le'ecpi maye so'orauec qome,

Levítico 18:24 Referans Kwoze

Deuteronómio 18:12

Cha'aye Ñim Nataxala' ỹataqta deqaiga ca ỹo'ottac ne'ena qauempi. Qaq ỹoqo'oye souaxat ne'ena qauem 'onataxacpi, nache Ñim Nataxala' maye Qanatamnaxala'ai qauauañiichigui qome da ỹo'orauec yi'iye ỹotta'a't shiỹaxauapi.

Levítico 18:30

Ỹoqo'oye, ỹataqta qoquiitegue qome na ỹamaxasoxonaxacpi, qataq saishet da qaue'enaxache da qauem lataxac so hua'auñi maye netalec yi'iye 'alhua, qom saxanaxa da qoñiỹalec yemaye, qataq saishet qome da qami' ishepaxanaqche't. Qaq 'era da ỹa'aqtac, Aỹem Qarataxala'ai maye Qanatamnaxala'ai.»

1 Corintios 3:17

Qami' maye qami' lalamaqa'ate lma' Ñim Lo'onatac 'Enauacna, qaq ỹoqo'oye da huo'o ca nlaxaañi namaye, nache Ñim Lo'onatac 'Enauacna nataqa'en nlaxaañi camaye.

Jeremías 44:4

Qaq ỹataqta she'eguelaqtalec da samaq naxa som ỹamaxashecpi maye ỹa'aqtaxanaxanecpi da yaqto' qami' 'enapegalo da saishet da qauo'oche de'era maye seqaiga.

Deuteronómio 12:31

Saishet qome da nache qoñiitec de'era, cha'aye Ñim Nataxala' maye Qanatamnaxala'ai, ỹataqta deqaiga 'enauac na ỹo'ottac yi'iye shiỹaxauapi, cha'aye da ỹo'oxoren nam natamnaxala'pi yemayepi, nache ivira'a da ỹavigaxat na llalec qataq ana llale da ỹanot na natamnaxala'pi da lachetaqtaxanaxat.

Levítico 18:3

Saishet qome da qaue'enaxache da lataxac ye Egipto le'ecpi, ye 'alhua maye qoñiitaña co'ollaxa. Saishet qome da qaue'enaxache da lataxac ye Canaán le'ecpi, ye 'alhua maye qami' sauegalo qome, qataq saishet da qaualaqailec da maiche lataxac yemayepi.

Génesis 15:16

Qaq qom inoxoorec que'ecaua cuatrocientos vi'iye, nacheca ca 'am chegoxoguetpi ñe'eguelaxa qome ne'ena 'alhua, cha'aye saxanaxa da ivita cam loga't nam qauemsat maye ỹo'ottac na amorreopi.»

Números 35:34

Nache saishet da qana'aqchichi ca 'alhua maye qoñiỹalec qome, cha'aye nataqa'en Aỹem sootaña camaye, cha'aye Aỹem, maye nachaỹem Nataxala', nache sootaigui qome na Israel le'ecpi.»

Deuteronómio 9:4

Qaq Ñim Nataxala' maye Qanatamnaxala'ai da mashe ỹo'orauec yi'iye shiỹaxauapi, nache saishet qome da 'eeta' da qarhuennataqai: ‹Ñim Nataxala' qomi' ỹanema ne'ena 'alhua souaxat da ỹaỹamaqchiguiñi na so'otaqpi.› 'A'i, saishet qome da qara'aqtaqui de'era, cha'aye Ñim Nataxala' ỹo'orauec yemayepi souaxat da qauem lataxac.

1 Reyes 9:7

nache Aỹem, ñeqateeguesop qome na Israel le'ecpi ne'ena 'alhua maye sanem co'ollaxa. Qaq ana'ana atamnaxaqui maye seỹotauga co'ollaxa da yaqto' hueta'a da ỹe'enaxat, qalaq sheca'ai qome, huaña nache na ỹotta'a't shiỹaxauapi ne'eetapigui qome na Israel le'ecpi.

Esdras 9:1

Qaq so mashe ime 'enauac de'era, nache aỹem naua'a so nataxala'pi, nache aỹem 'enapega, 'eeta': «Ne'ena nhuo' Israel le'ecpi qataq na ntaxaỹaxanaxanecpi, qataq na leviitapi, namayepi saishet da ỹaxanec da ỹalectaigui na cananeopi, hitiitapi, ferezeopi, jebuseopi, amoniitapi, moabiitapi, Egipto le'ecpi, qataq na amorreopi, qataq ỹe'enaxat dam ỹataqta qaiqaiga lataxac namayepi.

Salmos 106:39

Nache somayepi maiche na'aqchet ne'ena ỹo'otpi, qataq nquisheshigui nam ỹo'otpi.

Deuteronómio 9:5

Cha'aye saishet da nacheca da ỹaỹamaqchiguiñi maye qauo'ochiitac ca huo'omshe qauacoñiỹa yi'iye na'alhua yemayepi, cha'aye Ñim Nataxala' ỹo'orauec qome yemayepi souaxat da qauem lataxac da yaqto' ipacchigui da ỹachaxanapecot co'ollaxa soua hua'au' qarta'alli', Abraham, Isaac qataq Jacob.

Jueces 20:5

Qalaxaye nacheso se'eso pe, anac so 'etaxaloxoicpi maye netaña yi'iye huaqta'a't nỹecpi nache coleesop ñim sonaqtaigui nỹec cha'aye huotaique da aỹem ỹalauat, qaq aye ihua lỹa nache qaỹaconeua'a da qancat, qataq ỹataqta qaỹe'en, nache qaỹalauat ayemaye.

Jueces 20:6

Huaña, nache aỹem sacoosop so lo'ocỹaxac, nache ñipilliguiñi, nache naua laỹelolqa asomaye samaxa 'enauac nam 'alhuapi maye netaña na Israel le'ecpi yaqto' 'enauac ne'ena Israel da qaỹaỹaten de'era nalaataxanaxac maye qaica ca 'ena'am da qataq ỹataqta qauem.

Jueces 20:10

Qaq ne'ena maiche nhuo' le'ecpi ỹaconeua'alo qome caua diez maye chegoqraigui nam cien, qaq nachecaua qome ca pa'aỹa'agueta da laỹona't ca nallec da yaqto' aloq na alleppi. Qaq na laỹepi qalaxaye 'enauac qome da nqo'ona ye Gabaa da ỹe'eguelaxateguet da nleuaxa maye qaica ca 'ena'am qataq ỹataqta qauem maye ỹo'otec na Israel le'ecpi.

2 Crónicas 33:2

Qalaxaye somaye ỹo'ot co'ollaxa nam ỹataqta saỹaỹamaxaren Ñim Nataxala', cha'aye ỹe'enaxat da qauem lataxac som ỹotta'a't shiỹaxauapi maye Ñim Nataxala' ỹo'orauec co'ollaxa, ỹauaachigui naqa'en so Israel le'ecpi,

Ezequiel 36:17

«Na Israel le'ecpi co'ollaq hueta'a ye lalamaxat na'alhua, nache ỹataqta ishepaxanaqchet souaxat nam qauem maye ỹo'ot namayepi. Da lataxac co'ollaxa namayepi, damaye ỹataqta nshepaxan ñaqa'en qataq seqaiga.