Levítico 18:22 - La'aqtaqa Ñim Lo'onatac 'Enauacna 2013

²² Qataq saishet qome da huo'o ca huetapeeguet ca maiche nallishaxaua da 'eeta'am naqa'en da hue'eguet aca 'alo, cha'aye damaye ỹataqta sa ỹaỹamaxañi.

Levítico 18:22 Referans Kwoze

Levítico 20:13

Qaq da huo'o ca ỹale da huetapeeguet ca maiche nallishaxaua da 'eeta'am naqa'en aca 'alo, nache caamaye qaỹalaua't. Nache maiche lasouaxashe't da l-leuqa't, cha'aye ỹo'o't da ỹataqta qaiqaiga.

1 Timoteo 1:10

Qataq ca ỹale da ncachetague' aca sa lhua, huo'otaq ca maiche lỹa 'eeta'am ỹale, nataqa'en ca decachiỹa ca lỹa da imen, nataqa'en ca tenataxanaxaic, qataq ca ỹa'axat ca 'eetega lataxac, qalaxaye choche datenataxan. Qaq da ỹoqta 'eetapeguec ne'ena namaxasoxonaxacpi nshetaique da ỹaỹamaxaañi nam dataỹa'aguet dam ỹataqta ỹaỹamaqchiguiñi napaxaguenataxanaxac

1 Corintios 6:9

¿Qami' sa qauaỹaañiỹo' da ca ỹo'ot ca sa ỹaỹamaxañi, nache camaye saishet da inoxoneua'a da lo'onataxanaxac Ñim Lo'onatac 'Enauacna? Saishet qome da qami' qaỹatenache't. Cha'aye saishet qome da inoxoneua'a da lo'onataxanaxac Ñim Lo'onatac 'Enauacna nam quetaigui da lquisheguetaxac, qataq na natameetacot na ỹaqa'api maye saq 'en qataq choche ne'enaqtacpi, qataq na lauatapiguiñi' aca sa lhua, qataq na huetapeeguet ca 'eeta'am lỹa ỹale, qataq na cachaxaicpi, qataq na mataxalaicpi, qataq na taxaicpi, qataq ca na'aqtaqa lo'o', qataq na nquigaxatapeguec aca lasheue ca lmenec.

Judas 1:7

Qataq nache 'eeta'am da huaigui co'ollaxa so shiỹaxauapi maye lma' ye Sodoma qataq Gomorra qataq som nỹecpi maye saqaỹapeque yeemaye. Som hueta'a yemaye ỹataqta ỹaguec da lle'etaxaloxo qataq ỹo'ottac na ỹotta'a't lataxac da quisheguetaxac maye sa qaishetapec. Qaq ỹoqo'oye Ñim Lo'onatac 'Enauacna ỹauo'o da nhuaxanaguec, icorelec so norec maye saishet da 'om da yaqto' ỹo'ot da nque'eenaxac somayepi. Qaq damaye nachera da 'enauac qomi' qaivitaqteetegalo.

1 Reyes 14:24

Qataq so shiỹaxauapi se'eso 'alhua nquisheshigui de'era la'amqaanataxanaxac, nache ỹe'enaxat dam ỹataqta qaiqaiga lataxac nam ỹotta'a't shiỹaxauapi, maye Ñim Nataxala' ỹo'orauec co'ollaxa, ỹauaachigui naqa'en so Israel le'ecpi.

Jueces 19:22

Qaq co'ollaq mashe ỹataqta machiguiñi da lquiyaqteỹaxac soomaye, nache anac so ỹalleppi 'etaxaloxoicpi maye lma' yemaye, nache coleesop co'ollaxa so nỹec maye lma' so ỹa'axaiquiolec, nache iuaxaatapegueua'a so lasom, qataq 'eetega, 'eeta': ¡Ña 'anpaxanec ca ỹale maye 'anamaxasoxoic, cha'aye sauoqtaique da qarauañi'!

Deuteronómio 23:18

Qataq saishet da qoỹanot Ñim Nataxala' maye Qanatamnaxala'ai aca chegaqaigui da quisheguetaxac, qataq saishet da qaisheetenaxana acamaye da huo'o ca qoỹan na'aqtac, cha'aye damaye ỹataqta deqaiga Ñim Nataxala'.

Génesis 19:5

nache ỹa'alaqtaua'a so Lot, 'eeta': «¿Hua'ague ca huetra'ague que'ecaua shiỹaxau' maye ne'ena pe natreua'a na 'arma'? ¡Ña 'anqatrec! ¡Cha'aye sauoqtaique da qarauañeto caamaye!»