Levítico 18:2 - La'aqtaqa Ñim Lo'onatac 'Enauacna 2013

² «Qonapega qome na Israel le'ecpi da Aỹem, Nachaỹem Nataxala' maye Qanatamnaxala'ai.

Levítico 18:2 Referans Kwoze

Éxodo 6:7

Qataq saconeua'a da qoñiita da yaqto' sauo'oi qami' ỹalamaqa'ate, qaq Aỹem Nachaỹem Qanatamnaxala'ai. Yaqto' qami' qauaỹaañita da Nachaỹem Nataxala', qataq Nachaỹem Qanatamnaxala'ai maye qami' ñeca'alaxateeguesopa da qapa'atta qaro'onataxanaxaqui maye qami' ỹacheleguete na Egipto le'ecpi.

Levítico 11:44

Cha'aye Aỹem, Nachaỹem Nataxala' maye Qanatamnaxala'ai. Aỹem, ỹataqta qui'itta da ỹataxac, qaq ỹoqo'oye qami', iuen da ỹataqta qui'itta da qarataxaqui. Nache saishet qome da qami' na'aqche't ne'ena shiguiỹacpi maye hualectapigui'.

Ezequiel 20:5

Qataq qonapega, qoneta': 'Era da la'aqtac Ñim Nataxala': Co'ollaq lleca'aua'a na Israel, nache sanem so ỹa'aqtac som chegoxoguetpi namayepi, qataq ñachaxana somayepi co'ollaq huaña ye Egipto. Nache sachaxaasheguem na ihuaq nache san so ỹa'aqtac sheeta': Aỹem nachaỹem Natamnaxala' maye Qanatamnaxala'ai.

Levítico 20:7

Ỹataqta qanañañi qome da yaqto' qami' ỹalamaqa'ate, qataq ỹataqta qui'itta da qarataxaqui. Qaq 'era da ỹa'aqtac, Aỹem Nataxala' maye Qanatamnaxala'ai.

Ezequiel 20:7

Nache 'enauac co'ollaxa saishet da huo'o ca seỹotauga da samaxalec da ỹaxanec nam nqaigaxat natamnaxala'pi, qataq da na nqolacpi ye Egipto saishet da ishepaxanaqchet da lataxac namayepi, cha'aye Aỹem Nataxala' nachaỹem Natamnaxala'.

Salmos 33:12

Qaq ỹataqta machiguiñi na ỹotta'a't shiỹaxauapi maye nacheñi Ñim Nataxala' da Natamnaxala', nam shiỹaxauapi maye lca'aua'a co'ollaxa Ñimaye da yaqto' lalamaxatpi.

Levítico 19:34

Nacherata da 'eeta'am da qoñeetec ca maiche qarhuo'oi le'ec da ỹataqta qauauochec camaye, cha'aye nache 'ena'am da qoñiita. Cha'aye nache 'eetec qami' co'ollaq qoviita'a ye Egipto da qauachegoqỹauec. Qaq 'era da ỹa'aqtac, Aỹem Nataxala' maye Qanatamnaxala'ai.

Levítico 19:10

Qataq saishet da qanmacheeta aca ala aca qa'añiguishe uva, qataq saishet da qanatoi aca lli'ishe. Qauaqaita'a da yaqto' natosheguem na choxoraqpi, qataq ca ỹaqa'a ca chegaqa'ague. Qaq 'era da ỹa'aqtac, Aỹem Nataxala' maye Qanatamnaxala'ai.

Levítico 18:4

Nacherata da qaualaqailec qome na ỹamaxasoxonaxacpi, qataq qauo'oche na iqataxacpi, qataq qoquiitelec. Cha'aye Aỹem Qarataxala'ai qataq Qanatamnaxala'ai.

Éxodo 20:2

«Aỹem Nachaỹem Nataxala' maye 'anatamnaxala', Aỹem 'am ñeqateeguesop co'ollaxa ye 'alhua Egipto, yem huaña co'ollaq choche 'am nlatac.

Génesis 17:7

Da ñaỹamaxataxac maye so'ot da 'am ñaỹamaxate', qataq cam 'am chegoxoguetpi, damaye saishet qome da imeuo. Qaq Aỹem nache Aỹem 'anatamnaxala' qome, qataq cam 'am chegoxoguetpi.

Levítico 18:1

Ñim Nataxala' 'enapega so Moisés, 'eeta':

Levítico 18:30

Ỹoqo'oye, ỹataqta qoquiitegue qome na ỹamaxasoxonaxacpi, qataq saishet da qaue'enaxache da qauem lataxac so hua'auñi maye netalec yi'iye 'alhua, qom saxanaxa da qoñiỹalec yemaye, qataq saishet qome da qami' ishepaxanaqche't. Qaq 'era da ỹa'aqtac, Aỹem Qarataxala'ai maye Qanatamnaxala'ai.»

Levítico 20:23

Saishet qome da qaue'enaxache da lataxac ye shiỹaxauapi maye so'orauec qome, cha'aye yemayepi ỹo'ottac 'enauac de'era, ỹoqo'oye Aỹem ỹataqta saỹemec.